Chapter Title : കാലഭ്രംശം 3 [𝐌𝐀𝐘𝐀𝐊𝐀𝐍𝐍𝐀𝐍]

തിടുക്കമുണ്ടായിരുന്നു.

​ചോറ് കഴിക്കാൻ വേണ്ടി പ്ലേറ്റിലേക്ക് കൈ നീട്ടിയ ഞാൻ അതുകേട്ട് പെട്ടെന്നൊന്ന് നിന്നു.

​"മറ്റന്നാളോ? അതെന്താടി പെട്ടെന്ന്? അവധിയാകാൻ ഇനിയും രണ്ടാഴ്ച കൂടി ഇല്ലേ... നീ അവിടെ കോളേജിൽ വല്ല പ്രശ്നവും ഉണ്ടാക്കിയോ?"

ഞാൻ നെറ്റിചുളിച്ചുകൊണ്ട് ചോദിച്ചു.

സാധാരണ ഗതിയിൽ പൈസ തീർന്നാൽ മാത്രം വിളിക്കുന്നവളാണ്. ഇതിപ്പോ യാതൊരു മുന്നറിയിപ്പുമില്ലാതെ പെട്ടെന്നൊരു വരവ്!

​"ഓ... ചുമ്മാതിരിയടാ. പ്രശ്നമൊന്നുമല്ല,"

അവൾ വേഗം എന്റെ വായടപ്പിച്ചു.

"ഞാൻ മറ്റന്നാൾ രാവിലെ എറണാകുളത്തുനിന്ന് തിരിക്കും. നീ കൃത്യം പത്തുമണിയാകുമ്പോൾ സ്റ്റേഷനിൽ വന്ന് എന്നെ കൂട്ടണം. കേട്ടല്ലോ?"

​"അല്ല, ഈ സമയത്ത് പതിവില്ലാതെ... എന്താ കാര്യം എന്ന് പറ?"

ഞാൻ വിടാൻ ഉദ്ദേശിച്ചിരുന്നില്ല.

അവളുടെ ഒച്ചയിലെ ആ വെപ്രാളം എനിക്ക് വ്യക്തമായി മനസ്സിലാകുന്നുണ്ടായിരുന്നു.

​"അതൊക്കെ ഞാൻ നേരിട്ട് വന്നിട്ട് പറയാമെടാ. ഇതങ്ങനെ ഫോണിലൂടെ പറയാൻ പറ്റിയ കാര്യമല്ല. നീ പറഞ്ഞ സമയത്ത് വന്ന് എന്നെ പിക്ക് ചെയ്യാൻ നോക്ക്. എന്നാ ശരിയടാ, ഞാൻ പിന്നെ വിളിക്കാം."

​കൂടുതൽ ചോദ്യങ്ങൾക്ക് യാതൊരു അവസരവും തരാതെ അവൾ വേഗത്തിൽ കോൾ കട്ട് ചെയ്തു. ചെവിയിൽ നിന്നും ഫോണെടുത്ത് ഡിസ്പ്ലേയിലേക്ക് തന്നെ നോക്കി ഞാൻ ഒരു നിമിഷം ഇരുന്നുപോയി. എന്താകും ഫോണിലൂടെ പറയാൻ പറ്റാത്ത അത്രയും വലിയ കാര്യം?

“എന്താടാ പ്രശ്നം “

മീൻകറി വിളമ്പുന്നതിനിടയിൽ എന്റെ മുഖത്തെ മാറ്റം ശ്രദ്ധിച്ചുകൊണ്ട് അമ്മ ചോദിച്ചു.

​ഞാൻ ഫോൺ ടേബിളിലേക്ക് വെച്ചുകൊണ്ട് പ്ലേറ്റിലെ ചോറ് കുഴയ്ക്കാൻ തുടങ്ങി.

"കക്ഷി മറ്റന്നാൾ നാട്ടിലേക്ക് വരുന്നുണ്ടെന്ന്. രാവിലെ പത്തുമണിക്ക് എന്നോട് സ്റ്റേഷനിൽ പോയി കൂട്ടാൻ പറഞ്ഞു."

​"മറ്റന്നാളോ? അതെന്താ പെട്ടെന്ന്?