Chapter Title : കാലഭ്രംശം 3 [𝐌𝐀𝐘𝐀𝐊𝐀𝐍𝐍𝐀𝐍]

തികച്ചും ഒറ്റയ്ക്കാണ്.

​അമ്മ പറഞ്ഞതുപോലെ കിച്ചണിൽ പോയി ഒരു ഗ്ലാസ് ചൂട് ചായയുമെടുത്ത് ഞാൻ നേരെ ഹാളിലെ സോഫയിലേക്ക് തന്നെ വന്നിരുന്നു. റിമോട്ട് എടുത്ത് ടിവി ഓൺ ചെയ്തു. സ്ക്രീനിൽ നെറ്റ്ഫ്ലിക്സിന്റെ ചുവന്ന ലോഗോ തെളിഞ്ഞുവന്നു. ഉച്ചയ്ക്ക് അമ്മ വന്നതുകൊണ്ട് പാതിവഴിയിൽ നിർത്തിവെക്കേണ്ടി വന്ന ആ 'ഡാർക്ക്'

സീരീസിന്റെ ബാക്കി എപ്പിസോഡുകൾ പ്ലേ ചെയ്തു.

​ടിവിയിൽ ജർമ്മനിയിലെ വിൻഡൻ

നഗരത്തിലെ മഴ പെയ്യുന്ന ഇരുണ്ട കാടുകളുടെ ദൃശ്യങ്ങൾ തെളിഞ്ഞുതുടങ്ങി. സീരീസിലെ നായകനായ ജോനാസ് കൺവാൾഡ്

കാലത്തിന്റെ ഗുഹകളിലൂടെ ഭൂതകാലത്തിലേക്കും ഭാവിയിലേക്കും സഞ്ചരിക്കുന്ന രംഗങ്ങളാണ് സ്ക്രീനിൽ ഓടിക്കൊണ്ടിരുന്നത്. പക്ഷെ, എന്റെ കണ്ണുകൾ സ്ക്രീനിലായിരുന്നെങ്കിലും മനസ്സ് മുഴുവൻ കുറച്ചുമണിക്കൂറുകൾക്ക് മുൻപ് ഈ സോഫയിലിരുന്ന് അമ്മ പറഞ്ഞ കാര്യങ്ങളിലായിരുന്നു.

​"അവനും നിന്നെപ്പോലെ തന്നെയായിരുന്നു... അവനെ കാണാൻ നിന്റെ അതേ മുഖമായിരുന്നു... അവന്റെ പേരും അശ്വിൻ എന്നായിരുന്നു..."

​അമ്മയുടെ ആ വാക്കുകൾ എന്റെ തലച്ചോറിനുള്ളിൽ ഒരു റെക്കോർഡ് പ്ലെയർ പോലെ വീണ്ടും വീണ്ടും മുഴങ്ങിക്കൊണ്ടിരുന്നു. സ്ക്രീനിലെ സമയയാത്രയുടെ സങ്കീർണ്ണതകൾ കണ്ടുകൊണ്ടിരുന്ന എന്റെയുള്ളിൽ വല്ലാത്തൊരു ഭയം ഉടലെടുത്തു തുടങ്ങി. മനുഷ്യന്റെ യുക്തിക്കതീതമായ എന്തൊക്കെയോ രഹസ്യങ്ങൾ ഈ ലോകത്തുണ്ടെന്ന് ആ സീരീസ് എന്നോട് വിളിച്ചുപറയുന്നുണ്ടായിരുന്നു.

​കാലം എന്നത് ഒരു നേർരേഖയല്ല, അതൊരു വൃത്തമാണെന്ന് ആ സീരീസിലെ കഥാപാത്രങ്ങൾ പറയുന്നു. ഭൂതകാലവും വർത്തമാനകാലവും ഭാവിയും പരസ്പരം ബന്ധിക്കപ്പെട്ടിരിക്കുന്നു. അങ്ങനെയെങ്കിൽ, ഇരുപത് വർഷങ്ങൾക്ക് മുൻപ് അമ്മയെ പ്രണയിച്ച, എന്റെ അതേ രൂപമുള്ള ആ പഴയ അശ്വിൻ ആരാണ്? വെറുമൊരു സാമ്യം മാത്രമാണോ അത്? അതോ എന്റെ അസ്തിത്വത്തിന് പിന്നിൽ കാലം ഒളിപ്പിച്ചുവെച്ച മറ്റെന്തെങ്കിലും വലിയ രഹസ്യങ്ങളുണ്ടോ?

​സീരീസിലെ കഥാപാത്രങ്ങൾ