Chapter Title : കാമയക്ഷി 2 [ആര്യൻ]

അങ്കിൾ ?.. "..

"ഇന്നലെ അച്ഛ പോയിക്കഴിഞ്ഞിട്ട് ദേവു മോള് ഉറങ്ങി കഴിഞ്ഞിട്ട് പിന്നെ എഴുന്നേറ്റപ്പോ ഒരു അങ്കിൾ വന്നു..ഞാൻ നോക്കീപ്പോ ആ അങ്കിളും ഗോപമ്മേം കൂടി കളിക്കുവായിരുന്നു…"..

അത് കൂടി കേട്ടപ്പോ എല്ലാവർക്കും കാര്യം ഏകദേശം മനസ്സിലായി….

കാമുകന്റെ കൂടെപ്പോകാനാണ് തന്റെ മകളെ കൊല്ലാൻ ശ്രമിച്ചതെന്ന് മനസ്സിലാക്കാൻ അവർക്കധികം ചിന്തിക്കേണ്ടി വന്നില്ല...

അജയന് തലയ്ക്കു കൈ കൊടുത്ത് ഇരുന്നുപോയി..

രവി ആശ്വസിപ്പിക്കാൻ എന്നവണ്ണം അവന്റെ ചുമലിൽ കൈ വച്ചു…

"മോള് ആ അങ്കിളിനെ ഇതിനു മുൻപ് കണ്ടിട്ടുണ്ടോ…?"..ചോദിച്ചത് രാവിയായിരുന്നു…

"ആം.."..ദേവു തല കുലുക്കി..

"എവിടെ വച്…? "..

"അച്ഛ ബൈക്കിൽ നിന്ന് വീണപ്പോ വാവു വന്നപ്പോ ആശൂത്രിയിൽ വച് കണ്ടു….മോൾക്കും ഗോപമ്മയ്ക്കും ചോറ് ഒക്കെ മേടിച് തന്നു ആ അങ്കിള്…."....

അപ്പോഴാണ് തന്നെ ആശുപത്രിയിൽ എത്തിച്ച വിവേക് എന്നയാളെ അജയന് ഓർമ്മ വന്നത്...

"മോളെ...അയാളുടെ പേര് അറിയുമോ…?. "...

"ഗോപമ്മ ആ അങ്കിളിനെ വിവേകേട്ടാന്നു വിളിച്ചാർന്നു.."....

അത് കൂടി കേട്ടപ്പോൾ അജയന് ആളെ മനസ്സിലായി….

"എനിക്ക് മനസ്സിലായി രവിയേട്ടാ...ഞാൻ ബൈക്കിൽ നിന്ന് മറിഞ്ഞപ്പോൾ ആശുപത്രിയിൽ എത്തിച്ചയാളാണ്...എന്നെ ഇടിച്ചിട്ടതും അയാൾ തന്നെയാണ്….ആളെ എനിക്ക് മനസ്സിലായി...വിവേക്..!!.."...

"അയാളുടെ വീട് എവിടെയാണ് എന്ന് അറിയോ നിനക്ക്..?.. "...

"ഇല്ല രവിയേട്ടാ….പക്ഷെ അയാള് ജോലി ചെയ്യുന്നത് എവിടെയാണെന്ന് അറിയാം…"

"എവിടെയാ…? "

"സിറ്റിയിലുള്ള ഒരു ബാങ്കിലാണ്.."..

പിന്നെ നിമിഷങ്ങളോളം അവിടം നിശബ്ദമായിരുന്നു…

കുറച്ചു നിമിഷങ്ങൾക്ക് ശേഷം ദേവുവിനെ കാർട്ടൂണിനു മുന്നിലിരുത്തി അജയനും രവിയും പുറത്തേക്കിറങ്ങി…

"എന്താ ഇനി ചെയ്യാൻ പോകുന്നെ..?.. "രവി ചോദിച്ചു….

"അയാളെ പോയി ഒന്ന് കാണണം...അതോടൊപ്പം ഗോപികയുടെ വീട്ടുകാരെ