Chapter Title : കാഞ്ഞിരക്കുറ്റി 10 [ലസ്റ്റർ]

കേട്ടിരുന്നതേയുള്ളൂ.
വാഹിദ് നടന്ന് രാജന്റെ ചാരത്തു ചെന്നിരുന്നു.

"ജോർജ്,വിൻസെന്റ്,ജോസ്,സൈതാലി, തുഷാർ,റോബിൻ.
ഇവരെയൊക്കെ താണ്ടിയിട്ടാണ് രാജാ ഞാനിപ്പോ തന്റെ മുന്നിൽ ഇരിക്കുന്നത്.
പേരുകേട്ട റൗഡികളെയും മയക്ക് മരുന്ന് രാജാക്കന്മാരെയും കഥകളിയാടിച്ച എന്നോട് വേണോ സ്യൂട്ടും കോട്ടും ധരിച്ച തന്റെ വില്ലൻ റോൾ.
? എന്റെ കൈയുടെ ചൂട് താനാ പാറക്കുന്നിൽ വച്ച് കണ്ടില്ലേ.
ഇനിയും വേണോ?"
വാഹിദ് രാജന്റെ കറുത്ത നിറം പൂശിയ കൈത്തണ്ടയിലൂടെ ചൂണ്ടുവിരൽ വച്ച് വരഞ്ഞുകൊണ്ട് ചോദിച്ചു.
രാജൻ മുഖമുയർത്തി അവനെ രൂക്ഷമായി നോക്കി.
വാഹിദ് എഴുന്നേറ്റ് മുറി ആകമാനം ഒന്ന് കണ്ണോടിച്ചു.

മീനാക്ഷി പറഞ്ഞ കാര്യങ്ങളിലെ വസ്തുതകൾ ശരിയാണെന്ന് ഫ്ലാഷ് ലൈറ്റിന്റെ വെളിച്ചത്തിൽ വാഹിദ് മനസ്സിലാക്കി.
ആ മുറിയുടെ വലതു വശത്തെ ഭിത്തി പാറയിലാണ് പണിതിരിക്കുന്നത്.
ഒരു പാവക്കുട്ടിയെപ്പോലെ, സരസു എന്ന കൗമാരം പിന്നിട്ട പെൺകുട്ടി ശക്തിയായി പുറമടിച്ചു ചെന്നു വീണത് ഈ ചുവരിലാണ്.
പൊടിപാടലങ്ങൾ ഉണ്ടെങ്കിലും അധികം വൃത്തികേട് ആയിട്ടില്ലാത്ത ഭിത്തി വളരെ വ്യക്തമായി കാണാൻ സാധിക്കുന്നുണ്ട്.
അവൻ ആ ഭിത്തിയുടെ അരികിലേക്ക് നീങ്ങി അതിൽ കൈകൊണ്ട് ഇടിച്ചു നോക്കി.
കിഷോറും ആതിരയും അവനെ ശ്രദ്ധിച്ചു, ഒപ്പം രാജനും.

"ഈ മുറിയിൽ നിന്ന് ആ കാഞ്ഞിരമരത്തിന്റെ മുൾക്കൂടാരത്തിലേക്ക് ഒരു രഹസ്യവഴിയുണ്ടെന്ന് എനിക്കറിയാം.
പറമ്പിൽ നിന്ന് ആ മുള്ളിനുള്ളിലൂടെ അകത്തേക്ക് പരിചയമില്ലാത്തവർക്ക് എളുപ്പം വലിഞ്ഞു കയറാൻ സാധിക്കാത്ത ഒരു പാത.
താനും തന്റെ മകൾ അമ്മുവും ജനങ്ങൾക്കിടയിൽ പ്രേത ഭയം വളർത്താൻ വേണ്ടി നിരന്തരം ഉപയോഗിച്ചതും ആ വഴിയാണെന്ന് എനിക്കറിയാം.
അതിന്റെ കവാടം ഏതാണ്? ആ കാണാതായ യുവാക്കൾ എവിടെയാണ്.
?"
കൽഭിത്തിയുടെ ഓരോ