Chapter Title : കാഞ്ഞിരക്കുറ്റി 2 [ലസ്റ്റർ]

പോലെ ഒരു പുരുഷനെ എന്തിന് നാണം കെടുത്തണം എന്ന് കരുതിയിട്ടാ. എന്നിട്ട് കണ്ടില്ലേ എന്റെ തുടയുടെ അളവ് വരെ എടുത്തിരിക്കുന്നു. കണ്ടാൽ കൊതിച്ചു പോകുന്നപോലെ മാംസവും വണ്ണവും ഉണ്ടത്രേ. ഛെ, നാണം കെട്ടവൻ." അവൾ സ്വരം ഉയർത്തി ചെറിയ വികാരത്തള്ളിച്ചയോടെ കിതച്ചു കൊണ്ട് ഒറ്റ ശ്വാസത്തിൽ പറഞ്ഞു തീർത്തു.

"എന്റെ പോന്നു ചങ്ങാതീ, ഇതിന് മാത്രം ഇവിടെ എന്താണുണ്ടായത്. നിങ്ങൾ വാതിൽ ലോക്ക് ചെയ്യാഞ്ഞത് എന്റെ കുറ്റമാണോ. നിങ്ങളൊരു സ്ത്രീയല്ലേ, ഞാനൊന്ന് മിന്നായം പോലെ നോക്കിപ്പോയതാണ് ഇത്ര അനാശാസ്യമെങ്കിൽ നിങ്ങൾക്കെന്താ വാതിൽ ലോക്ക് ചെയ്‌തെന്ന് ഉറപ്പു വരുത്തിയിട്ട് ഉറങ്ങിയാൽ മതിയായിരുന്നല്ലോ." വാഹിദും തർക്കിച്ചു.

ആ ചോദ്യം അവൾ പ്രതീക്ഷിച്ചിരുന്നില്ല. പെട്ടന്ന് എങ്ങിനെ തർക്കിക്കണം എന്നറിയാതെ അവളൊന്നു പതറി. താനാണിപ്പോൾ പ്രതിസ്ഥാനത് വന്നിരിക്കുന്നത്. ആള് സാധാരണക്കാരന്റെ ചിന്താഗതിയുള്ള ആളല്ല, വ്യക്തമായ നിരീക്ഷണമുണ്ട്, വിലയിരുത്തൽ മനോഭാവമുണ്ട്. ഒരു കുട്ടാന്വേഷകന്റെ അടിസ്ഥാന ഗുണങ്ങൾ. കൊള്ളാം, ആള് ചില്ലറയല്ല.!

"അത്, അത്.. അതുപിന്നെ ഇന്നലെ ഇത്രേം യാത്ര ചെയ്തു വന്ന ക്ഷീണം കാരണം ജസ്റ്റ്‌ ഒന്ന് കിടന്നപ്പോ തന്നെ ഞാൻ ഉറങ്ങിപ്പോയിരുന്നു. പിന്നെ ഉണർന്ന് വാതിലിന്റെ കുറ്റിയിടാൻ പറ്റിയില്ല." അവൾ വാദിച്ചു നിന്നു.

"ഓഹോ. എന്നിട്ട് സ്വപ്നത്തിൽ കണ്ടതാവും ഞാൻ തുടയുടെ മുകളിൽ വരെ കയറിക്കിടന്ന വസ്ത്രത്തിനുള്ളിലൂടെ നിങ്ങളുടെ സീൻ ഒളിഞ്ഞു നോക്കുന്നത്. ദേ, എനിക്ക് മനസ്സിലാവുന്നില്ല ന്നൊന്നും കരുതണ്ട. ജാഡ പോലീസ്. നിങ്ങൾക്ക് ബുദ്ധിമുട്ട് ഉണ്ടങ്കിൽ വേറെ ആരെയെങ്കിലും നിർത്താൻ പറ കിഷോറിനോട്. നാളെ രാവിലെ ഞാൻ സ്ഥലം വിടും."

അവൻ എഴുന്നേറ്റ് അരിശത്തോടെ അകത്തേക്ക് നടന്നു. പിന്നെ ആതിര തർക്കിക്കാൻ