Chapter Title : കാന്താരി 6 [Doli]

വിട്ട് എറങ്ങാൻ പോയതും പപ്പ എന്റെ കൈ പിടിച്ച് വലിച്ചു

പപ്പ : പ്ലീസ് പ്ലീസ് ഒന്ന് പറയട്ടെ പ്ലീസ്

ഒച്ച ഒട്ടും വരാതെ അവള് കെഞ്ചി..

ഞാൻ കൈ തട്ടി മാറ്റി

പപ്പ വന്ന് എന്നെ അള്ളി പിടിച്ചു...

പപ്പ : ഇങ്ങനെ സങ്കടപ്പെടല്ലേ പ്ലീസ്... എനിക്ക് സഹിക്കാൻ വൈയ്യ..

പപ്പ വായ പൊത്തി കരഞ്ഞു...

ഞാൻ അവളെ പിടിച്ച് മാറ്റി എറങ്ങി നടന്നു...

അങ്കിൾ എന്നെ കണ്ടതും ചിരിച്ചു

ഞാൻ പരമു മാമന്റെ അടുത്ത് പോയി നിന്നു...

അങ്കിൾ : മരുന്ന് കൊടുത്ത് കാണും ഇനി ഒരു രണ്ട് രണ്ടര മണിക്കൂർ ഒറങ്ങും...

അച്ഛൻ : താൻ കാര്യം ആയിട്ട് തന്നെ അയാളെ നോക്കണം...

അവര് എന്തൊക്കെ സംസാരിച്ച് കൊണ്ടിരുന്നു

എന്റെ മുന്നിൽ ഇന്ദ്രന്റെ വയറ്റത്ത് മുതുകത്ത് മാറി മാറി അടിക്കുന്ന ആ ചിത്രം മാത്രം ലൂപ് പോലെ ഓടി കളിച്ചു....

പരമു മാമന്റെ കൈ എന്റെ പൊറത്ത് തടവുന്നത് മാത്രം ഞാൻ അറിയുന്നുണ്ട് അതും ഉറുമ്പ് അരിക്കുന്ന പോലെ എന്റെ ഉള്ളിലെ കിടുങ്ങൽ എനിക്ക് അത്ര ഫീലിങ് മാത്രമേ അപ്പൊ അറിയാൻ പറ്റിയുള്ളൂ എന്നതാ സത്യം...

പെട്ടെന്ന് ആ കൊച്ച് ശിവ എന്റെ ghost എന്റെ മുന്നിൽ വന്നു

സ്വപ്നം കാണാ നീ... നിന്നെ എന്തിനാ ഇവടെ കൊണ്ട് വന്നത് അറിയോ... കാണില്ല നീ മണ്ടൻ അല്ലെ നിനക്ക് എന്ത് അറിയാ ആകാശത്ത് പറന്ന് നടന്ന് അവൻ എന്നെ കളിയാക്കി... എടാ മണ്ടാ തന്ത അവളെ വീണ്ടും നിന്റെ തലക്ക് വക്കാൻ ആണ്...