Chapter Title : കളിയാട്ടങ്ങൾ 2 [ലസ്റ്റർ]

അതിനേക്കാൾ വലിയൊരു സമ്പാദ്യം കണ്ടെത്താനുള്ള വഴി തന്റെ സുഖമുറങ്ങി കിടക്കുന്ന ശരീരത്തിന്റെ ഇടുക്കിൽ ഉണ്ടെന്ന് തിരിച്ചറിഞ്ഞതാവുമോ? ശമ്പളത്തിന് പുറമേ നല്ലൊരു വരുമാനം കണ്ടെത്താനുള്ള മാർഗ്ഗമാണോ?

ലക്ഷക്കണക്കിന് പെണ്ണുങ്ങൾ ജോലിക്ക് പുറമേ അധിക വരുമാനത്തിന് വേണ്ടി ഇവിടെ ശരീരം വിട്ടുകൊടുക്കുന്നുണ്ട്. അവർ അതൊരു വേശ്യാവൃത്തിയായിട്ടല്ല, തന്റെ സുഖത്തിന് വേണ്ടി സഹകരിക്കുകയും ആ സുഖത്തിന് പുറമേ നല്ലൊരു തുക തന്റെ വരുമാനത്തിലേക്ക് കണ്ടെത്തുകയും ചെയ്യുകയാണ്. സംഗീതയും ആ മാർഗ്ഗം തന്നെ സ്വീകരിച്ചതാവാം.

വാഹിദ് അവളെ ശ്രദ്ധിച്ചു കൊണ്ടിരുന്നു. കുറച്ച് കഴിഞ്ഞപ്പോൾ ഇന്നലെ കണ്ട യുവാവ് അവളുടെ അടുത്തു വന്നു നിൽക്കുന്നതും അവർ സംസാരിക്കുന്നത് പോലെ കൈകൾ ഇളക്കുന്നതും കണ്ടപ്പോൾ വാഹിദ് എഴുന്നേറ്റു. അവർ തമ്മിൽ തർക്കിക്കുകയാണെന്ന് സംഗീതയുടെ കൈചലനത്തിൽ നിന്ന് അവന് മനസ്സിലായി.

യുവാവ് അവളെ ഭീഷണിപ്പെടുത്തുന്നത് പോലെ കൈചൂണ്ടി സംസാരിക്കുന്നു. ഒരുപക്ഷെ സ്ഥലത്തിന്റെ കാര്യമോ പണത്തിന്റെ കാര്യമോ അവൾക്ക് തൃപ്തികരമായി തോന്നിക്കാണില്ല. ഫുട്പാതിലൂടെ ഇരുട്ട് പറ്റി അവൻ അവർ നിൽക്കുന്ന ഭാഗത്തേക്ക് നിങ്ങിയപ്പോൾ സംഗീത അയാൾക്കൊപ്പം നടന്ന് പോകുന്നത് കണ്ടപ്പോൾ നടത്തതിന് വേഗത കൂട്ടി. ഇടയ്ക്ക് ഹൂഡി ജാക്കറ്റിന്റെ ക്യാപ് കൊണ്ട് തലമൂടി.

അവൻ ചെന്ന് ബൈക്കിൽ കയറി കുറച്ച് ദൂരം മുന്നോട്ട് നീങ്ങി. അവർ നിന്നിരുന്ന സ്ഥലത്തു നിന്ന് അല്പം കൂടി മുന്നോട്ട് പോയപ്പോൾ ആ ഒമിനി വാൻ ഇരുട്ടിൽ നിന്ന് റോഡിലേക്ക് നീങ്ങി പാഞ്ഞുപോകുന്നത് കണ്ടു. ബൈക്കിന്റെ വേഗത വർദ്ധിപ്പിച്ചു അവർക്ക് സംശയം തോന്നാത്ത വിധത്തിൽ വാഹിദ് ആ വാനിനെ പിന്തുടർന്നു. കുറച്ച് ദൂരം മുന്നോട്ട് പോയാൽ ഒരു ജംഗ്ഷൻ ആണ്.

അവിടെ നിന്ന് വലത്തോട്ട് പാഞ്ഞുപോയ വാനിന്റെ പിന്നാലെ പിന്തുടർന്നപ്പോൾ അത് ഇലക്ട്രിക് പോസ്റ്റ് ഇല്ലാത്ത ഭാഗത്തെ റോഡിന്റെ വലത് ഭാഗത്തു മതിൽ പൊട്ടിപ്പൊളിഞ്ഞ ഒരു പറമ്പിലേക്ക് കയറുന്നത് അവൻ ദൂരെനിന്നു കാണുകയും ബൈക്ക് റോഡരികിൽ നിർത്തി അതിൽനിന്നിറങ്ങി മതിലിന്റെ അരികിലൂടെ ഇരുട്ട്പറ്റി ആ ഭാഗത്തേക്ക് നടക്കുകയും ചെയ്തു. മതിൽ ഇടിഞ്ഞ ഭാഗത്തേക്ക് എത്തിയപ്പോൾ അവൻ മതിലിനോട് ചേർന്ന് നിന്ന് അകത്തേക്ക് ഒളിഞ്ഞു നോക്കി.

കുറച്ച് ഉള്ളിലേക്ക് നീങ്ങി മതിലിന്റെ അടുത്തായി റോഡിലെ വെളിച്ചം അൽപ്പം