Chapter Title : കല്ല്യാണപെണ്ണ് 3 [Jungle Boys]

അടുക്കളയില്‍ ജോലി ചെയ്യുന്നതിനിടയില്‍ കോലായില്‍നിന്ന് ഉറക്കെയുള്ള ശബ്ദം കേട്ട് എല്ലാവരും അങ്ങോട്ടേക്ക് ചെന്നു. വിജയന്‍ നായരുടെ അഭിമുഖമായി പ്രായംചെന്ന രണ്ടുപേര്‍ ഇരിക്കുന്നു. ഉറക്കെ ഒരാള്‍: നിങ്ങള് പണം വാങ്ങുമ്പോ, രണ്ട് മാസത്തിനുള്ളില്‍ തരാന്ന് പറഞ്ഞതാ.. ഇപ്പൊ രണ്ടും കഴിഞ്ഞ് രണ്ടരയും കഴിഞ്ഞ്.. എനിക്കിപ്പോ കിട്ടണം എന്റെ പണം.. അല്ലെങ്കില്‍ ഇവിടുന്ന് ഇറങ്ങിക്കോ.. വിഷമത്തോടെ വിജയന്‍: എനിക്കറിയാഞ്ഞിട്ടല്ല ഖാദറെ.. തരാന്‍ എന്റേല് വേണ്ടേ... ഖാദര്‍: എനിക്കതൊന്നും അറിയേണ്ട.. പണം വാങ്ങിയാല്‍ അത് സമയത്ത് തരണം. അല്ലെങ്കില്‍ വാങ്ങാന്‍ നിക്കരുത്... അപ്പോളേക്കും മുറ്റത്ത് സിഫ്റ്റ് കാര്‍ വന്നുനിര്‍ത്തിയത് വിജയനും അഷിതയും വിമലയും കണ്ടു. അതില്‍ നിന്നിറങ്ങിയ ആളെ കണ്ട് എല്ലാവരും ഞെട്ടി. മാധവനായിരുന്നു അത്. അഷിതയ്ക്ക് ഞെട്ടല്‍ മാത്രമല്ല, ദേഷ്യവും ഭയവും ഉണ്ടായി. അവള്‍ വേഗം മുറിയിലേക്ക് പോയി. മാധവനെ കണ്ട് ഖാദറോടായി വിജയന്‍: നിങ്ങള്‍ ഇപ്പൊ പോ.. അത് ഞങ്ങള്‍ക്ക് വേണ്ടപെട്ട ആളാ വരുന്നേ.. അറിഞ്ഞാ മോശാ.. ഖാദര്‍: ആണോ ന്നാ അറിയിച്ചിട്ട് തന്നെ കാര്യം. കോലായിലേക്ക് കയറിവരുന്ന മാധവനെ കണ്ട് വിജയന്‍: വരൂ നമുക്ക് അങ്ങോട്ടിരിക്കാം എന്നു പറഞ്ഞു അകത്തേക്ക് പോവുന്ന മാധവനെ പിടിച്ചു നിര്‍ത്തികൊണ്ട് ഖാദര്‍: കേട്ടോ ചങ്ങായി... നിങ്ങളെ ഈ വേണ്ട പെട്ടവര്‍ എന്റേത് മൂന്നര ലക്ഷം രൂപ മൂന്ന് മാസം മുമ്പ് കടംവാങ്ങി. ഇപ്പൊ ചോദിച്ചപ്പോ പലിശയുംല്ല, മുതലുംല്ല.. വിജയന്‍: വാങ്ങിയിട്ടുണ്ടെങ്കില്‍ അത് ഞാന്‍ തരും ദേഷ്യത്തോടെ ഖാദര്‍: എവിടുന്നിട്ത്ത് തരാനാടോ...? ഇന്ന് വൈകുന്നേരത്തിനിടയില്‍ എനിക്ക് എന്റെ കാശ് കിട്ടിയില്ലെങ്കില്‍ ഇവിട്ന്ന് ഇറങ്ങാന്‍ തയ്യാറായിക്കോ... ഇതുകേട്ട് വിഷമത്തോടെ നില്‍ക്കുന്ന വിജയനെ കണ്ട് ഖാദറോടായി