Chapter Title : കല്യാണത്തിലൂടെ ശാപമോക്ഷം [Revised and Extended] [kkwriter 2024]

ശരിയാക്കാം എന്ന് പറഞ്ഞു.

മാലിനി- അയാളെ കൊണ്ട് അതിന് സാധിക്കോ?

ഓപ്പോൾ- അയാൾക്ക് ഇവിടെ ഉള്ള എല്ലാവരെയും അറിയാം. പിന്നെ ഞാൻ, ചോദിക്കുന്ന പൈസ തരാന്ന് പറഞ്ഞു.

മാലിനി- മ്മ്.

ഓപ്പോൾ- പൈസ കിട്ടുന്ന് അറിഞ്ഞാൽ സ്വന്തം ഭാര്യയെ വരെ കെട്ടിക്കുന്ന ജാതിയാ.

മാലിനി- മ്മ്

ഓപ്പോൾ- എന്തായാലും ഇയാളെ മാത്രം ആശ്രയിച്ച് ഇരിക്കണ്ടാ. നമുക്ക് വേറെയും വഴി നോക്കാം

മാലിനി- ഞാൻ എന്റെ വഴിക്കും നോക്കാം.

ഓപ്പോൾ- മ്മ്. പിന്നെ വിശ്വസിക്കാൻ പറ്റിയ ആരോടെങ്കിലും പറഞ്ഞാൽ മതി.

മാലിനി- ശരി.

മാലിനി അവളുടെ വഴിക്കും കാര്യങ്ങൾ നീക്കി.

രണ്ട്-മൂന്ന് ദിവസങ്ങൾ കടന്ന് പോയി. അവർ പ്രതീക്ഷിച്ചത് പോലെയുള്ള ഫലം അവർക്ക് ലഭിച്ചില്ല. അതിന്റെ നിരാശയും അവർക്കിടയിൽ ഉണ്ട്.

ഓപ്പോൾ- മാലിനി ആ മനോജ് വിളിക്കുന്നില്ലല്ലോ.

മാലിനി വിഷമത്തോടെ പറഞ്ഞു,

മാലിനി –ആണോ?

ഓപ്പോൾ- അതെ. ഇതിപ്പോ കുറച്ചു ദിവസം ആയല്ലോ? ഇനി നമ്മളെ കൊണ്ട് അത് സാധിക്കില്ലേ?

മാലിനി- എന്തായാലും രണ്ട് ദിവസം കൂടി കാത്തിരിക്കാം.

ഓപ്പോൾ- മ്മ്.

അന്ന് രാത്രി ഓപ്പോളേ മനോജ് വിളിച്ചു,

മനോജ്- ഹലോ ലക്ഷ്മി.

ഓപ്പോൾ ആകാംഷയോടെ ചോദിച്ചു,

ഓപ്പോൾ- പറയൂ മനോജ്.

മനോജ്- ലക്ഷ്മി പറഞ്ഞത് പോലെ ഞാൻ രണ്ട് പേരെ കണ്ട് പിടിച്ചു.

അത് കേട്ടപ്പോൾ ഓപ്പോളുടെ ഉള്ളിൽ സന്തോഷം നിറഞ്ഞു.

ഓപ്പോൾ- ആണോ?

മനോജ്- പക്ഷേ ഒരു പ്രശ്നം ഉണ്ട്.

ഓപ്പോളിന്റെ മുഖത്തെ പ്രസരിപ്പ് അത് കേട്ടപ്പോൾ മാഞ്ഞു.

ഓപ്പോൾ- എന്ത് പ്രശ്നം?

മനോജ്- അവർക്ക് ഈ കല്യാണത്തിൽ താല്പര്യം ഇല്ല.

അതും കൂടി കേട്ടപ്പോൾ ഓപ്പോളുടെ സങ്കടം വർധിച്ചു.

ഓപ്പോൾ- അതെന്താ?

മനോജ്- നിങ്ങളുടെ കുടുംബത്ത് എന്തോ ശാപം ഉണ്ടെന്നാ സംസാരം. അതും പോരാഞ്ഞ് അവിടുത്തെ പെണ്ണുങ്ങൾ എല്ലാം വിധവ ആവും എന്നാ നാട്ടുകാര്‌ പറയുന്നേ.

ഓപ്പോൾ- അതൊക്കെ നാട്ടുകാര്‌ ഓരോന്ന് പറഞ്ഞ് ഉണ്ടാക്കുന്നത് ആണ്.

മനോജ്- ആയിരിക്കാം. പക്ഷേ ജീവനോടെ രണ്ട് ഉദാഹരണങ്ങൾ ഉള്ളപ്പോൾ അവർക്ക് വിശ്വസിക്കാതെ ഇരിക്കാൻ പറ്റുവൊ?

അത് കേട്ടപ്പോൾ ഓപ്പോളിന്റെ വായ അടഞ്ഞു. അവൾക്ക് എന്ത് സംസാരിക്കണം എന്ന് കൂടി