Chapter Title : കല്യാണത്തിലൂടെ ശാപമോക്ഷം [Revised and Extended] [kkwriter 2024]

എത്തിയപ്പോൾ മേപ്പാടൻ പിന്നെയും പറഞ്ഞു,

മേപ്പാടൻ- ഇത് വരെ ഉണ്ടായ മരണം പോലെ ആയിരിക്കില്ല നിങ്ങളുടെ മകന്റെ മരണം. അത് ക്രൂരമായ ഒന്നായിരിക്കും. പിന്നെ നിങ്ങളുടെ ഇല്ലം നശിക്കും. ഇവിടെ നിന്ന് പോയാൽ, നിങ്ങൾക്ക് നഷ്ടപ്പെടാൻ ഒരുപാടുണ്ടാവും.

മേപ്പാടൻ അയാളുടെ അവസാന താക്കിതും അവർക്ക് നൽകി.

അരുൺ ദേഷ്യത്തിൽ തന്നെ അമ്മയുടെ കൈയും പിടിച്ച് അവിടെ നിന്നും ഇറങ്ങി. അവർ ചെന്നപ്പോൾ ആ ജീപ്പ് പുറപ്പെടാൻ തയ്യാറായി നിൽ ക്കുന്നു. പെട്ടെന്ന് തന്നെ ജീപ്പിൽ കയറി അവർ തിരിച്ച് യാത്ര പുറപ്പെട്ടു. ബാക്കി എല്ലാവരും സന്തോഷത്തോടെ ആ ജീപ്പിൽ ഇരുന്നപ്പോൾ മാലിനിയും അരുണും വിഷമത്തോടെ തല താഴ്ത്തി ജീപ്പിൽ ഇരുന്നു.

മാലിനിയുടെ മനസ്സ് മേപ്പാടൻ പറഞ്ഞ കാര്യങ്ങൾ പിന്നെയും ഉരുവിട്ട് കൊണ്ടിരുന്നു. അവൾ മകന്റെ ജീവൻ രക്ഷിക്കാൻ വേണ്ടി ആ കടുംകൈ ചെയ്യാൻ തയ്യാർ ആയി. പക്ഷേ അരുണിനോട് അതു പറയാൻ പേടിയായിരുന്നു.

അവൾക്ക് ലോകത്ത് ഏറ്റവും വലുത് അവളുടെ മകനാണ്‌. അവളുടേയും ഓപ്പോളുടേയും ലോകം തന്നെ അവനാണ്‌.

അവനെന്തെങ്കിലും സംഭവിച്ചാൽപ്പിന്നെ ലോകമില്ല. ഇല്ലമില്ല. അവരില്ല.

കുറച്ചു ദൂരം പോയപ്പോൾ ജീപ്പ് നിർത്തി. മാലിനി അപ്പോൾ ആണ് അവളുടെ ചിന്തകളിൽ നിന്ന് ഉണർന്നത്. ബാക്കിൽ ഇരുന്ന ഒരു പെണ്ണ് ചോദിച്ചു,

പെണ്ണ്- എന്ത് പറ്റി ചേട്ടാ?

ജീപ്പുകാരൻ- വഴിയിൽ ഒരു മരം മറിഞ്ഞേക്കാ. ഇന്ന് ഇനി പോവാൻ സാധിക്കില്ല.

പെണ്ണ്- അയ്യോ.. അപ്പോൾ എന്ത് ചെയ്യും?

ജീപ്പുകാരൻ- പേടിക്കണ്ടാ. ഇന്ന് ആശ്രമത്തിൽ എല്ലാവരും താമസിക്ക്. നാളെ രാവിലെ പോവാം അപ്പോഴേക്കും ഞങ്ങൾ ഇതെല്ലാം മാറ്റാം.

അരുൺ- എന്നാൽ