Chapter Title : കല്യാണി 10 [മാസ്റ്റര്‍]

ഭാവവും സംസാരവും കണ്ടപ്പോള്‍. അവളില്‍ നിന്നും രൂക്ഷമായി വമിച്ച മുല്ലപ്പൂവിന്റെ ഗന്ധം അവന്റെ ഭീതി പതിന്മടങ്ങ്‌ കൂട്ടി.

പകല്‍ പോയി ഭൂമിയില്‍ ഇരുള്‍ പരന്നു. പനയന്നൂര്‍ തറവാട് ഇരുളില്‍ മൂടി. അടുത്ത ദിവസം രാവിലെ യാത്ര പുറപ്പെടാന്‍ വേണ്ട ഒരുക്കങ്ങള്‍ ചെയ്ത ശേഷമാണ് മോഹനന്‍ അത്താഴം കഴിക്കാന്‍ താഴെ എത്തിയത്. അവന്‍ ചെല്ലുമ്പോള്‍ ലക്ഷ്മി അമ്മായിയുടെ മകള്‍ ഗോപിക മാത്രമേ അവിടെ ഉണ്ടായിരുന്നുള്ളൂ. മറ്റുള്ളവരൊക്കെ കഴിച്ചിട്ട് പോയി എന്നവനു മനസിലായി. ഗോപിക അവനെ കണ്ടപ്പോള്‍ വശ്യമായി പുഞ്ചിരിച്ചുകൊണ്ട് അടുത്തെക്കെത്തി.. അവളുടെ തുടുത്ത മുഖത്തേക്ക് നോക്കിയപ്പോള്‍ മോഹനന് എന്തോ അസ്വസ്ഥത അനുഭവപ്പെട്ടു. അവന്റെ അച്ഛന്റെ ചേച്ചി ലക്ഷ്മിയുടെ ഇളയ മകളാണ് ഗോപിക. ഡിഗ്രിക്ക് പോയി രണ്ടു വിഷയങ്ങള്‍ തോറ്റ് പഠനം നിര്‍ത്തി നില്‍ക്കുന്ന അവള്‍ക്ക് പ്രായം ഇപ്പോള്‍ ഇരുപത്തി മൂന്ന്. വെളുത്ത്, നല്ല വടിവൊത്ത ദേഹമുള്ള വന്യമായ സൌന്ദര്യത്തിന്റെ ഉടമയായിരുന്നു ഗോപിക.

“നിന്നെ കാത്ത് ഞാന്‍ ഇരിക്കുകയായിരുന്നു..ബാക്കി എല്ലാരും കഴിച്ചു കഴിഞ്ഞു”

അവള്‍ അവന്റെ അടുത്തെത്തി വശ്യമായ ചിരിയോടെ പറഞ്ഞു. തന്നെ കണ്ടാല്‍ വളരെ വിരളമായി മാത്രം ഒന്ന് ചിരിക്കുന്ന, തറവാട്ടിലെ മാദകറാണിമാരില്‍ ഒരാളായ ഗോപിക അങ്ങനെ പറഞ്ഞപ്പോള്‍ മോഹനന്‍ സംശയത്തോടെ അവളെ നോക്കി. തന്റെ സൌന്ദര്യത്തില്‍ അമിതമായ അഹങ്കാരം ഉള്ള പെണ്ണാണ്‌ ഗോപിക. ആണുങ്ങളെ ഒരുതരം പുച്ഛത്തോടെ കാണുന്നവള്‍. ഒരിക്കല്‍പ്പോലും തന്റെ കൂടെ ഇരുന്ന് ഭക്ഷണം കഴിച്ചിട്ടില്ലാത്ത അവള്‍ ഇന്ന് തന്നെ കാത്തിരിക്കുകയായിരുന്നത്രേ. മോഹനന് അവളുടെ പെരുമാറ്റത്തില്‍ അസ്വാഭാവിക അനുഭവപ്പെട്ടു.

“നാളെ രാവിലെ മാധവന്‍ നമ്പൂതിരിയെ കാണാന്‍ നീ പോകുന്നുണ്ട് അല്ലെ?”

അവന്റെ കണ്ണിലേക്ക് നോക്കി അവളത്