Chapter Title : കനി [RT]

സംസാരിക്കണ്ടേ എന്ന്.

“എന്തിന്. കല്ല്യാണം കഴിഞ്ഞ് എന്തായാലും അതൊക്കെ സംഭവിക്കും. കുറച്ചു നാൾ കഴിഞ്ഞ് പ്രസവിക്കും. കുട്ടികളെ വളർത്തും ഇതൊക്കെ സ്വാഭാവികമായും നടക്കുന്ന കാര്യങ്ങളല്ലേ?”

അതായിരുന്നു മറുപടി. എന്നാലിപ്പോ.. എന്തൊക്കെയോ..

“ഹന്ന.” പെട്ടെന്ന് കൈലാസിന്റെ വിളി കേട്ടപ്പോൾ ഞെട്ടിയുണർന്ന പോലെ അവനെ നോക്കി.. അവനെപ്പറ്റിയുള്ള ചിന്തകളായിരുന്നല്ലോ മുഴുവനും. അതുകൊണ്ട് പതർച്ചയോടെയാണ് മുഖത്ത് നോക്കിയത്.

“ഞാനിറങ്ങുവാ. ഗേറ്റ് അകത്തു നിന്ന് അടച്ചു പൂട്ടിയാൽ മതി. കുളിക്കാൻ പോകുമ്പോ പേടിക്കയൊന്നും വേണ്ട.
മനസ്സിൽ ആവശ്യമില്ലാത്ത ചിന്തകളും വേണ്ട.”

“മ്മ്ഹ്.” തല കുലുക്കിക്കൊണ്ട് അവൾ എഴുന്നേറ്റു. ഒപ്പം അവനെ മൊത്തത്തിൽ ഒന്ന് സ്കാൻ ചെയ്തു. മെറൂൺ കളർ ഷർട്ടും അതിന്റെ കരയുള്ള മുണ്ടും. മീശയുടെ തുമ്പ് താഴോട്ട് ചീകി വച്ചിട്ടുണ്ട്. കുറ്റിത്താടിയും കൂടിയായപ്പോൾ ഒരാനചന്തം.

മുഖത്തേക്ക് നോക്കി നിൽക്കുന്നവളെ അവൻ കടക്കണ്ണിലൂടെ കണ്ടു. ഇന്നലെ പേടിച്ചു വിറച്ചു നിന്നവളാണ്. ഇന്ന് പേടിയൊക്കെ മാറിയോ?

ഇന്നലെ തന്റെ കണ്മുന്നിൽ വച്ച് അവളെ അടിക്കുന്നതും പിന്നെ ആരോപണങ്ങളുമൊക്കെ കൂടിയായപ്പോൾ തല പെരുത്തു.. ഇടഞ്ഞു മുന്നിൽ നിന്ന രണ്ടെണ്ണത്തെ തല്ലുകയും ചെയ്തു.

ആ കൂട്ടത്തിൽ അവളുടെ കൊച്ചാപ്പയ്ക്കും കിട്ടിയിരുന്നു. അതോടെ തിരിച്ചു കൈ വയ്ക്കാൻ വന്നവരെ കൂട്ടത്തിലുള്ള കുറച്ചു ചേട്ടന്മാർ തടഞ്ഞു. അവസാനം മതത്തിന്റെ പേരിലുള്ള അടിയായത് അവസാനിച്ചു. ഇന്നലത്തെ തന്നെ കണ്ടപ്പോൾ ഒരു ഭീകരനാണെന്ന് കരുതിക്കാണും.

“ഇവിടെ അരിയൊന്നും കണ്ടില്ല.
ഉച്ചയ്ക്കത്തേക്ക് എന്തെങ്കിലും ഉണ്ടാക്കണ്ടേ?” ഹന്ന മെല്ലെ ചോദിച്ചു.

“ഉച്ചയ്ക്കത്തേക്ക് ഊണ് വാങ്ങി വരാം. പിന്നെ കുറച്ചു ഗ്രോസറിയും.
ഹന്ന എന്തൊക്കെ ഡ്രസ്സാ ഇടാറുള്ളത്?
ചുരിദാറൊക്കെ ആണോ?” അവളെ അടിമുടി നോക്കിയവൻ.

അവൾ തലകുലുക്കി.