Chapter Title : ❤️കണ്ണന്റെ അനുപമ 7❤️ [Kannan]

കവിളിൽ അമർത്തിയൊരു ഉമ്മയും കിട്ടി.

"എന്താ പെണ്ണെ ഇന്നൊരെ ളക്കം..?

"ഇനിയെന്താ ഇളകിക്കൂടെ
ഈ കുരിപ്പ് എന്റെ സ്വന്തം ആയീലെ... "

അവൾ എന്റെ മുഖത്തു വിരൽ കുത്തികൊണ്ട് പറഞ്ഞ് എന്റെ തോളിലേക്ക് മുഖം ചായ്ച്ചു.

"ഇനി ഒരപ്പ്രൂവല് കൂടി ബാക്കിയില്ലേ മാഡം. അതാണിത്തിരി കടുപ്പം.നിന്റച്ഛനും അമ്മയും സമ്മതിക്കൂന്ന് എനിക്കറിയായിരുന്നു "
ഞാൻ നെടുവീർപ്പോടെ പറഞ്ഞു.

"ഓഹ് എന്റച്ഛനും അമ്മക്കും വിദ്യാഭ്യാസം ഇല്ലാത്തോണ്ടാവും"
അവൾ അതിഷ്ടപെടാത്ത പോലെ പറഞ്ഞു.

അതാണോ ഞാൻ പറഞ്ഞതിന്റെ അർത്ഥം? നമുക്കവരോട് പറയാൻ നിന്റെ കഷ്ടപ്പാടിന്റെയും ഉണ്ണിമാമയുടെ അക്രമങ്ങളുടെയും കഥയുണ്ടായിരുന്നു.പക്ഷെ എന്റെ വീട്ടുകാരോട് എന്ത് പറയാനാ. എല്ലാം വാരിക്കോരി തന്നാണ് എന്നെ വളർത്തിയത് !
ചുമ്മാ എഴുതാപ്പുറം വായിക്കല്ലേ കാളീ... "
ഞാൻ അവളെ അനുനയിപ്പിച്ചു കൊണ്ട് പറഞ്ഞു.

"അവരും സമ്മതിക്കും നമ്മടെ സ്നേഹം സത്യാണ്... !

അവൾ വീണ്ടും എന്നെ മുട്ടിയുരുമ്മിഇരുന്ന് കൊണ്ട് പറഞ്ഞു.അപ്പോഴേക്കും ഞങ്ങൾ അമ്പലത്തിന്റെ അടുത്തെത്തിയിരുന്നു.

"ആഹ് സമ്മതിച്ചാൽ നിനക്ക് കൊള്ളാം... "
ഞാനവളെ വട്ടുപിടിപ്പിക്കാനായി ഒരു ശ്രമം നടത്തി.

"സമ്മതിച്ചില്ലെങ്കി നീ എന്നെ ഒഴിവാക്കി പോവ്വോ?
അവളുടെ ശബ്ദം ഉയർന്നു.

"എപ്പോ പോയീന്നു ചോദിച്ചാ മതി.!
ഞാൻ അവളെ നോക്കാതെ പറഞ്ഞു.

"ഓഹ് പിന്നെ കൊറേ പോവും. ഇന്നെന്നെ പറ്റി പറഞ്ഞപ്പോ കണ്ണ് നെറയണത് ഞാൻ കണ്ടു. ഒരു മിനിറ്റ് എന്നെ കാണാതിരിക്കാൻ പറ്റൂല. എന്നാലും ജാഡക്കൊരു കുറവും ഇല്ലാ.."

അവളെന്നെ നോക്കി കളിയാക്കി ചിരിച്ചു.

"എനിക്ക് സ്നേഹിക്കാനെ അറിയൂ.ചിലർക്കങ്ങനെ അല്ലാ ഞാനൊരു ഡാൻസ് കളിക്കാൻ പറഞ്ഞപ്പോ എന്തായിരുന്നു ജാഡ.എന്ത് കാണിച്ചാലും ഞാൻ പട്ടിയെ പോലെ പിന്നാലെ നടക്കുന്ന് അറിയാ അതിന്റെ അഹങ്കാരം അല്ലാതെന്താ"

ഞാൻ ശബ്ദത്തിൽ പരമാവധി ദൈന്യത കലർത്തി പറഞ്ഞു. അത് ശരിക്ക് കൊണ്ടു !അവളുടെ മുഖത്ത്‌ മേഘങ്ങൾ ഇരുണ്ടു കൂടി. ഭാഗ്യത്തിന് മഴ പെയ്യുന്നതിന് മുന്നേ ഞങ്ങൾ തറവാട്ടിലെത്തി.വണ്ടി നിർത്തിയതും അവൾ ഇറങ്ങി ഉള്ളിലേക്കോടി.

അച്ഛമ്മ ആ സമയം അവിടെ ഉണ്ടായിരുന്നില്ല. ചെലപ്പോ ചെറിയച്ഛന്റെ വീട്ടിലേക്ക് പോയതാവും. അച്ഛന്റെ മറ്റൊരനിയൻ കുട്ടൻ മാമ കുറച്ചപ്പുറത്ത്‌ താമസിക്കുന്നുണ്ട്.ഉണ്ണിമാമയുടെ നേരെ മൂത്ത ആൾ. ആൾക്ക് കൂലിപ്പണിയാണ്. കക്ഷി