Chapter Title : ❣️കണ്ണന്റെ അനുപമ 8❣️ [Kannan]

ഓടാനാണ് എനിക്കപ്പോ തോന്നിയത്.

"നിങ്ങക്ക് ഇതിലേറെ നല്ല മരുമകൾ ഇപ്പഴേ റെഡി ആണ് തള്ളേ..
ഞാൻ മനസ്സിൽ പിറുപിറുത്തു.

"എനിക്ക് തറവാട്ടിലേക്ക് പോണം.. "

ഞാൻ വിഷയം മാറ്റാൻ ഒരു ശ്രമം നടത്തി നോക്കി.

"ഇന്നമ്മേടെകുഞ്ഞെങ്ങോട്ടും പോണില്ല,
അമ്മൂനെ ഞാൻ വിളിച്ചു പറഞ്ഞോളാം.. "

ലച്ചു ഗൗരവത്തോടെ പറഞ്ഞു.

"കൊല്ലം കുടുമ്പഴാ ഇവരൊക്കെ വരുന്നേ. അന്നെങ്കിലും എന്റെ മോനിവിടെ നിക്ക്. !

ലച്ചു കരുണയില്ലാതെ പറഞ്ഞു കൊണ്ട് എന്നെ നോക്കി.

"എന്നാലും അമ്മേ പാവല്ലേ മേമ"

ഞാൻ അവസാന ശ്രമമെന്ന രീതിയിൽ ചോദിച്ചു.

"അല്ലെന്ന് ഞാൻ പറഞ്ഞില്ലല്ലോ,
ഇന്നൊരു ദിവസം ഓളെ ആരും പിടിച്ചോണ്ട് പോവൂല... "
ലച്ചു ആ സംസാരം അവിടെ മുറിച്ചു കളഞ്ഞു.

"കണ്ണേട്ടന് ഞങ്ങള് വന്നത് ഇഷ്ടപ്പെട്ടില്ലേ ?

എന്റെ പരുങ്ങൽ കണ്ട് ശ്രീക്കുട്ടി എന്നെ ഉറ്റുനോക്കി..

"ഏയ് പോടീ എഴുതാപ്പുറം വായിക്കാതെ..

ഞാനവളുടെ തലക്ക് പിടിച്ച് തള്ളിക്കൊണ്ട് പറഞ്ഞു.

"നീ ഇവക്കൊരു കമ്പനി കൊടുക്ക് ചെക്കാ. വന്നപ്പോ തൊട്ട് ബോറടിച്ചിരിക്കാണ് പാവം..

ലച്ചു ശ്രീക്കുട്ടിയുടെ കയ്യിൽ തലോടിക്കൊണ്ട് പറഞ്ഞു.

ഈ തള്ളയുടെ അവസാനമടുത്തു !

"ആ ഞാൻ ഡ്രസ്സ്‌ മാറ്റീട്ട് വരാ..

റൂമിൽ കയറി കതകടച്ചു ചുമരിൽ ആഞ്ഞു ചവിട്ടി ദേഷ്യം തീർത്തു. അവര് വന്നതല്ല എനിക്കിഷ്ടപ്പെടാത്തത്
ആ മുറപ്പെണ്ണ് ഡയലോഗും പിന്നെ തറവാട്ടിലേക്ക് പോണ്ടാന്ന് പറഞ്ഞതും. ഇന്നേത്.........
അല്ല ഇന്ന് അമ്മുവിനെയാണല്ലോ കണി കണ്ടത്. എന്തായാലും ഇന്നത്തെ ദിവസം കൊള്ളാം.

ബാത്‌റൂമിൽ കയറി അമ്മുവിന് ഡയൽ ചെയ്തു..

"ഇന്ന് വരില്ലാട്ടോ...
ഞാൻ വിഷമത്തോടെ പറഞ്ഞു.

അയ്യോ എന്ത് പറ്റി?
അവൾ പേടിയോടെ ചോദിച്ചു..

"ഇവിടെ മാമയൊക്കെ വിരുന്ന് വന്നിട്ട്ണ്ട്.അമ്മ വിടുന്നില്ല !പേടി ആവോ കുഞ്ഞൂന്?

“സാരല്ല.ഞാൻ അഡ്ജസ്റ്റ് ചെയ്തോളാം
ഇനി അതോർത്തു വെഷമിക്കണ്ട...

അവളെന്നെ സമാധാനിപ്പിക്കാനായി പറഞ്ഞു..

"പണി ഒക്കെ നേരത്തെ തീർത്ത്‌ വാതില് രണ്ടും അടച്ചോണ്ടു.ആളെ ഉറപ്പ് വരുത്താതെ ആര് വന്നാലും വാതില് തുറക്കണ്ടാ ട്ടോ.എന്തെങ്കിലും പേടി തോന്നിയാ അപ്പൊതന്നെ എന്നെ വിളിക്കണം... "

"ഉം..കുഴപ്പോന്നും ഇല്ലെന്നേ... "

അവൾ ഫോൺ വെച്ചു.

ഞാൻ ഭാരിച്ച മനസ്സുമായി ഡ്രസ്സ്‌ മാറ്റി