Chapter Title : കറുപ്പ് വെറുതെ അല്ല 2 [Swathi]

ഗീത ചേച്ചി പതുക്കെ അവരുടെ കഥ പറഞ്ഞു തുടങ്ങി

കല്യാണം കഴിഞ്ഞ് നാരായണന്റെ വീട്ടിൽ എത്തിയ ഞാൻ ആകെ നിരാശയായി. കാരണം എന്റെ വീട്ടിലെ അന്തരീക്ഷം അല്ലായിരുന്നു അവിടെ. എന്റെ വീട്ടിൽ അമ്മയായിരുന്നു കാര്യങ്ങളെല്ലാം നോക്കിയിരുന്നത്.

അച്ഛൻ പോസ്റ്റ് മാസ്റ്ററായിരുന്നു. അച്ഛൻ ശമ്പളം കിട്ടിയാൽ അത് പോലെ തന്നെ കൊണ്ടുവന്ന് അമ്മയെ ഏൽപ്പിക്കും. എല്ലാ ദിവസവും രാവിലെ പോകുമ്പോൾ അമ്മ ഒരു പത്ത് രൂപ ടേബിളിന്റെ പുറത്ത് വെക്കും.

അച്ഛൻ മിണ്ടാതെ അത് എടുത്ത് പോകും. ഇനി എന്തെങ്കിലും കൂടുതൽ ക്യാഷ് വേണമെങ്കിൽ അച്ഛൻ ഭാവ്യമായി അമ്മയോട് ചോദിക്കും. “ഭവാനി ഒരു അമ്പത് രൂപ വേണം ഇന്ന്.”

അപ്പോൾ അമ്മ എന്തിനാ, ഏതിനാ എന്നൊക്കെ ചോദിച്ചിട്ടേ കാശ് അച്ഛന് കൊടുക്കൂ. ഒരിക്കൽ പോലും അച്ഛൻ അമ്മയോട് ദേഷ്യപ്പെടുന്നത് ഞാൻ കണ്ടിട്ടില്ല.

അമ്മയും എന്നെപ്പോലെ കറുത്ത ആളായിരുന്നു. അച്ഛനാണെങ്കിൽ വെളുത്തു തുടുത്ത ഒരു സുന്ദരനും. അമ്മ ദേഷ്യപ്പെട്ട് നോക്കിയാൽ അച്ഛൻ പിന്നെ ആ ഏരിയയിൽ കാണില്ല.

എന്റെ വിചാരം എല്ലാ വീട്ടിലും അങ്ങനെയായിരിക്കും എന്നായിരുന്നു.

പക്ഷേ നാരായണേട്ടന്റെ വീട്ടിൽ അച്ഛനും നാരായണനും ആയിരുന്നു ഭരണം. അമ്മ പാവം ഒരു മിണ്ടാത്ത പ്രാണി. എല്ലാവരുടെയും കാര്യം നോക്കി, എല്ലാവർക്കും ഇഷ്ടമുള്ള ഭക്ഷണം ഉണ്ടാക്കി, അവരുടെ തുണികളെല്ലാം അലക്കി, വീട്ടുജോലിയൊക്കെ ചെയ്തു.

കുടുംബത്തിനായി ജീവിക്കുന്ന ഒരു ഉത്തമ ഭാര്യ. കല്യാണം കഴിഞ്ഞ ആദ്യ ദിവസങ്ങളിൽ തന്നെ ഏട്ടൻ എന്നോട് പറഞ്ഞു, “ജോലി ഒന്നും നോക്കേണ്ട.”

ഞാൻ പതുക്കെ പറഞ്ഞു, “അല്ല ഏട്ടാ, ഞാൻ ഇത്രയൊക്കെ പഠിച്ചതല്ലേ.” അപ്പോൾ തന്നെ അയാൾ പറഞ്ഞു,