Chapter Title : കഷ്ടപ്പാട് [Swathy]

രാവിലെ ഞാൻ ഇറങ്ങിയത് താമസിച്ചു പോയി. രാവിലെ ഉള്ള ബസ് എല്ലാം പോയിരുന്നു. കുറച്ചു നേരം കൂടി ഞാൻ അവിടെ നിന്നു. ഒരു ഓട്ടോ പോലും കാണാൻ ഇല്ല. ഞാൻ കുറച്ചു മുൻപോട്ട് നടന്നു. പുറകിൽ നിന്നും ഒരു ഓട്ടോ വരുന്ന ശബ്ദം കേട്ടു ഞാൻ ഓട്ടോ നിർത്താനായി കൈ കാണിച്ചു. കുറച്ചു കൂടി മുന്പോട്ട് പോയാണ് ഓട്ടോ നിർത്തിയത്. ഞാൻ ഓടി ഓട്ടോയുടെ അടുത്തേക്. "ടൗണിലേയ്ക് ആണോ...? " ഞാൻ ചോദിച്ചു ഓട്ടോയിലെ പുറകിലെ സീറ്റിൽ നിന്നും "മോളെ കേറിയ്ക്കോ " ആ അയാൾ ഞാൻ ഒന്ന് മടിച്ചെങ്കിലും വേറെ മാർഗം ഇല്ലാത്തത് കൊണ്ട് ഞാൻ അതിൽ കയറി. ആ ഓട്ടോ ഡ്രൈവർ എന്റെ മുഖത്ത് തന്നെ നോക്കുന്നുണ്ട് "ടാ.., നീ വണ്ടി എടുക്ക് " അയാൾ ആജ്ഞാപിച്ചു ഓട്ടോ മുന്നോട്ട് പോയ്കൊണ്ടിരിയ്കുന്നു. അയാൾ മാത്രമല്ല കൂടെ ഒരു സ്ത്രീയും ഉണ്ട്. ആ സ്ത്രീ സീറ്റിൽ അങ്ങേ അറ്റത്താണ് ഇരിയ്കുന്നത്. അയാൾ നടുവിലും ഞാൻ ഇപ്പുറത് വശത്തും. ആ സ്ത്രീയും എന്നെ ഇടയ്ക്ക് ഇടയ്ക്ക് നോക്കുന്നുണ്ട്. ഇയാൾ ആ സ്ത്രീയോട് എന്നെ കുറിച്ചൊക്കെ പറയുന്നുണ്ട്. എന്നെ സൂപ്പർമാർകെറ്റിൽ വച്ചു കണ്ടതും, ബസിൽ വച്ചു കാണാറുള്ളതും ഒകെ. ആ സ്ത്രീ ഒരു ചുരിദാർ ആണ് വേഷം. ഏകദെശം ഒരു 35 അടുപ്പിച്ചു പ്രായം തോന്നിയ്ക്കുന്നുണ്ട്. നല്ല തടിച്ച ശരീരം, കാണാൻ ഇരുനിറം. ചുണ്ടിൽ ലിപ്സ്റ്റിക്ക് നെറ്റിയിൽ ചെറിയൊരു പൊട്ടും, മുഖത്ത് മുഴുവൻ ഒരുപാട് പൗഡർ ഉം. തലയിൽ മുല്ല പൂവും. അവരെ കണ്ടപ്പോൾ മുതൽ എന്തോ ശെരിയല്ലാത്ത പോലെ എനിയ്ക് തോന്നി. ഇയാൾ എന്നോട് എന്തൊക്കെയോ ചോദിയ്ക്കുന്നുണ്ട്, ഞാൻ അതിനൊക്കെ മറുപടിയും പറയുന്നുണ്ട്. ആ കുറച്ചു നേരത്തെ സംസാരത്തിൽ നിന്നും അയാളുടെ പേര് മുരളി ആണെന്നും ആളൊരു റിയൽ എസ്റ്റേറ്റ് മാര്യേജ് ബ്രോക്കർ ആണെന്നും മനസിലായി. ആള് ഞാൻ മുൻപ് പൊയ്ക്കൊണ്ടിരുന്ന ബസിൽ സ്ഥിരം യാത്രികൻ ആണെന്നും മനസിലായി. ആ സ്ത്രീ അയാളുടെ മോളാണെന്നാണ് അയാൾ പറഞ്ഞത്. എന്നെ അയാൾ സൂപ്പർമാർക്കറ്റിന്റെ മുന്നിലേയ്ക്കുള്ള റോഡിൽ ഇറക്കി. ഇടയ്ക്ക് അങ്ങോട്ടൊക്കെ