Chapter Title : ഖൽബിലെ മുല്ലപ്പൂ 11 [കബനീനാഥ്]

കവിൾ തിരുമ്മാൻ പോലും ശേഷിയില്ലാതെ ഷാനു നിന്നു ...

അവന്റെ കണ്ണുകൾ നിറഞ്ഞു തുടങ്ങിയിരുന്നു ...

"ങ്ങള് കാര്യം പറ മ്മാ ...."

ചിലമ്പിച്ച സ്വരത്തിൽ അവൻ പറഞ്ഞു ...

" അനക്കറിയണല്ലേ .... ?"

" ഇനി ന്റെ വായീന്നത് കേക്കണല്ലേ..."

" പൊയ്ക്കോ ന്റെ മുമ്പീന്ന് ...."

പറഞ്ഞിട്ട് ജാസ്മിൻ മുഖം പൊത്തി തിരിഞ്ഞു ...

ഒന്നും മനസ്സിലാകാതെ, കാഴ്ച മറച്ച കണ്ണുനീരുമായി ഷാനു ആടിയാടി മുറിയിലേക്ക് കയറി ...

കയ്യിലിരുന്ന കവർ കിടക്കയിലേക്ക് ഇട്ടു ...

ടവർ ബോൾട്ടിട്ട ശേഷം വാതിലിലേക്ക് ചാരി അവൻ തേങ്ങി ...

" ന്റെ ജാസൂമ്മാ ......"

താങ്ങാനൊരാശ്രയമില്ലാതെ വാതിലിലൂടെ നിരങ്ങി , അവൻ തറയിലേക്ക് വീണു ....

5: 12 PM

തുടരെത്തുടരെ ഷാനുവിന്റെ ഫോൺ സെറ്റിയിൽ കിടന്ന് ബെല്ലടിച്ചുകൊണ്ടിരുന്നു ..

സംഗതി പന്തിയല്ലെന്നു കണ്ട മോളി, ടി. വി ഓഫാക്കി കട്ടിലിൽ അഭയം തേടിയിരുന്നു ...

കരഞ്ഞു , സെറ്റിയിൽ തളർന്നിരുന്ന ജാസ്മിൻ ശബ്ദം അസഹ്യമായപ്പോൾ അവൾ ഫോണെടുത്തു ...

മിഥുൻ കോളിംഗ് ...

ജാസ്മിൻ ഫോണെടുത്തു ...

"ഹലോ..." പതറിയ സ്വരത്തിൽ അവൾ പറഞ്ഞു.

"ഷാനു എവിടെ ഉമ്മാ ..."

" കുളിക്കുവാ ..."

"അവനോടൊന്ന് വിളിക്കാൻ പറയണേ ...."

"അവനിന്നങ്ങ് വന്നില്ലേ ....?"

" എവിടെ ...? രണ്ടു ദിവസമായി ന്നെ വിളിച്ചിട്ടു തന്നെ ... "

ഫോണും പിടിച്ച് അവൾ ഒരു നിമിഷം അന്തിച്ചിരുന്നു ...

"വിളിക്കാൻ പറയണേ ഉമ്മാ ..."

മിഥുന്റെ സ്വരം അവൾ കേട്ടു .. അപ്പുറത്ത്