Chapter Title : ഖൽബിലെ മുല്ലപ്പൂ 11 [കബനീനാഥ്]

അതിൽ നിന്നു തന്നെ അവന്റെ മാനസികാവസ്ഥയും വിഷമവും അവൾക്ക് ഊഹിക്കാവുന്നതായിരുന്നു ...

" ഇയ്യെന്നെ പറ്റിച്ച പോലെ തോന്നീട്ടാ ...."

" തോന്നലുകൾ ഒരിക്കലും സത്യമാകണമെന്നില്ലുമ്മാ ..."

ജാസ്മിന് ഉത്തരം മുട്ടി.

ഇനി എന്ത് പറയും എന്നോർത്തവൾ നഖം കടിച്ചു ...

" ഇയ്യ് ഫോണും കൂടെ എടുക്കാണ്ട് പോയപ്പോൾ ... "

" മറന്നതാണ് ...."

" മെസ്സേജ് നോക്കാഞ്ഞപ്പോ ...

ഈ കാര്യം മറന്നൂന്ന് കരുതി ....."

" ഇന്നലെ തന്നെ ഓർമ്മയുണ്ടായിരുന്നു ... "

" മോളീം കൂടെ പറഞ്ഞപ്പോ ...."

" ഓളോട് അങ്ങനെ പറയാനല്ലേ പറ്റൂ ...."

" ഇത് കുഴപ്പമുള്ളതാ ...?"

അവളാ സംസാരം ദീർഘിപ്പിക്കാൻ ശ്രമിച്ചു. ചെയ്തു പോയ തെറ്റിന്റെ പശ്ചാത്താപത്താലായിരുന്നു അത് ...

" ഏത് ...?"

"?..."

" ഒരു തവണയൊന്നും കുഴപ്പമില്ലുമ്മാ ..."

" പിന്നെയോ ....?"

അതിനു മറുപടി വരാൻ താമസിച്ചു. അപ്പോഴാണ് അതിലെ ആന്തരാർത്ഥം അവൾ തിരിച്ചറിഞ്ഞത്.

" ശരീരത്തിനു വല്ലതും ...?"

അവൾ കൂട്ടിച്ചേർത്ത് എഴുതി വിട്ടു.

" ഹോർമോൺസാണ് ... ഒരു തവണയൊന്നും കുഴപ്പമില്ല ... പേടിക്കണ്ട ... " ഷാനു മനപ്പൂർവ്വം ആ സംസാരത്തിന് തടയിടുകയാണെന്ന് അവൾക്ക് മനസ്സിലായി ...

" അനക്കിതെങ്ങനെയറിയാം ....?"

"അതിനല്ലേ നെറ്റും യുട്യൂബുമൊക്കെ മ്മാ ..."

"ഉം ... "

" ഇയ്യ് സങ്കടപ്പെടണ്ട ട്ടോ ... ന്റെ സ്വഭാവം നിനക്കറിയില്ലേ ...."

" ന്റെ സ്വഭാവം നിങ്ങൾക്കുമറിയാമെന്നാണ് ഞാൻ വിചാരിച്ചേ .."

ജാസ്മിൻ ഒന്ന് പുളഞ്ഞു ...

അവന്റെ