Chapter Title : കിനാവ് പോലെ 2 [Fireblade]

എത്തിച്ചു , അമ്മയോട് വെള്ളം നന്നായി ചൂടാക്കാൻ പറഞ്ഞു ,പിന്നെ എന്നെ ബാത്‌റൂമിൽ കൊണ്ടുപോയി അത്യാവശ്യം ചൂടുള്ള ആ വെള്ളത്തിൽ മേല് കഴുകിച്ചു തോർത്തി റൂമിൽ കൊണ്ടുവന്നു ബെഡിൽ ചാരി ഇരുത്തി ..വിറയലിനു കുറവ് വന്നെങ്കിലും തുമ്മലിനും ചുമക്കും, എനിക്ക് കുറവുണ്ടായില്ല ,അതുപോലെ സംസാരിക്കാനും പ്രയാസം ..പനി വന്നു തുടങ്ങുന്നുണ്ടോ എന്നൊരു സംശയവും ..പക്ഷെ ഇതൊന്നുമല്ല എന്നെ ഏറെ കുഴക്കിയത് അവന്റെ ചോദ്യമായിരുന്നു .മരിക്കാൻ പേടിക്കുന്നുണ്ടെങ്കിൽ ആത്മഹത്യാ ചെയ്യാൻ ശ്രമിച്ചതെന്തിനാ .!!അവൻ പറഞ്ഞുതുടങ്ങി " ആളുകൾ ആത്മഹത്യാ ചെയ്തു എന്ന ന്യൂസ്‌ കേക്കുമ്പോ ഞാൻ എപ്പോളും ചിന്തിക്കുന്ന കാര്യമുണ്ട് , അവർ മരിച്ചാൽ യഥാർത്ഥത്തിൽ നഷ്ടം സംഭവിക്കുന്നത് അവരുടെ അച്ഛനമ്മമാർക്കും മറ്റു പ്രിയപ്പെട്ടവർക്കുമാണ് , നിന്റെ കാര്യത്തിൽ ആണെങ്കിൽ അമ്മക്ക് , പിന്നെ ഞങ്ങൾ കുറച്ചുപേർ ...... ഡാ ഞാനൊരു കാര്യം ചോദിക്കട്ടെ ..??" ഞാൻ അവനോടു ചോദിയ്ക്കാൻ പറഞ്ഞു . "നീ ജീവിതത്തിൽ ഏറ്റവും സ്നേഹിക്കുന്നത് ആരെയാ ..? " ഞാൻ വീണ്ടും ക്ലീൻ ബൗൾഡ് .."അത് അമ്മ .....അമ്മയെ അല്ലേ ..അല്ല അമ്മയെ ആണ് " ഞാൻ ഒരു വിധത്തിൽ വിക്കി വിക്കി മറുപടി കൊടുത്തു .. അവൻ പൊട്ടിച്ചിരിച്ചു . "കണ്ടോ നിനക്ക് അതുപോലും അറിയില്ല , പക്ഷെ എനിക്കറിയാം .നിനക്ക് അവളെയായിരുന്നു കൂടുതൽ ഇഷ്ടം ..ഇത്രേം കഷ്ടപ്പെട്ട് നിന്നെ വളര്ത്തുന്ന അമ്മയേക്കാൾ, സ്നേഹിക്കുന്ന പെങ്ങളേക്കാൾ , കൂടെ നിഴൽ പോലെ നടക്കുന്ന എന്നേക്കാൾ നീ സ്നേഹിച്ചത് നിന്നെ അറിയുകപോലും ചെയ്യാത്ത ഒരു പീറപ്പെണ്ണിനെ ആയിരുന്നു ..അതുകൊണ്ടല്ലേ അവൾ എന്തോ പറഞ്ഞതിന് നീ ചാവാൻ നോക്കിയത് ". അവൻ പറഞ്ഞു പറഞ്ഞു കത്തിക്കയറി ...ദേഷ്യം സഹിക്കാതെ ഇടയ്ക്കിടയ്ക്ക് പല്ലുകടിക്കുന്നും ഉണ്ടായിരുന്നു .

നേരത്തെ പോലെ അല്ല ,ഇപ്പോൾ എന്തോ കുറേശ്ശെ വെളിവ് വരുന്നുണ്ട് , തല കുനിച്ചു ഞാനിരുന്നു ആലോചിച്ചു .ചെയ്ത മണ്ടത്തരം ഓർത്തപ്പോൾ തല പൊന്തിക്കാൻ തോന്നിയില്ല ..ശെരിയാണ്‌ , എന്റെ ഇഷ്ടം സത്യമായിരുന്നു , പക്ഷെ അത് നേടിയെടുക്കാൻ വേണ്ടി ഒന്നും ഞാൻ ചെയ്തില്ല ,പേടി കൊണ്ടും ആത്മവിശ്വാസമില്ലായ്മകൊണ്ടും എങ്ങും എത്താൻ ശ്രമിച്ചില്ല ...പിന്നെങ്ങനെയാണ് ആ സംഭവം എന്റെ ഹൃദയത്തിനെ ഇത്രക്ക് കീറിമുറിച്ചത് ...ആലോചന കൂടുന്തോറും തലവേദന കൂടി കൂടി വന്നു ..ഞാൻ സംസാരിക്കാത്തതിനാലോ എന്തോ അവൻ പോവാൻ ഒരുങ്ങി ..വാതിൽക്കലെത്തി തിരിഞ്ഞു ചോദിച്ചു " ഇനി ചാവാൻ നോക്കുമോ ..അങ്ങനാണേൽ എന്നെ വിളി