കൊച്ചിയിലെ കുസൃതികൾ 8

Kochiyile Kusrithikal Part 8 | Author : Vellakkadalas | Previous Part

"അമ്മേ....മ്മേ....അമ്മേ..." അമ്മിണിക്കുട്ടിയുടെ കരച്ചിൽ കെട്ടിട്ടാണ് ദേവിക ഞെട്ടിയുണർന്നത്. അല്ല, ദേവികയല്ല ഇപ്പോൾ അവൾ ഗീതുവാണല്ലോ. ദേവികയെ മനസ്സിന്റെ ഭൂതകാലത്തിന്റെ ഇരുണ്ടകോണിൽ കുഴിച്ചുമൂടിയിരുന്നതാണ്. അങ്ങനെയാണ് ദേവിക ഗീതുവായത്. കോഴിക്കോടുകാരി തിരുവനന്തപുരത്തെ ആരും കേട്ടിട്ടില്ലാത്ത ഏതോ രാജകുടുംബ താവഴിയിലെ അവസാനത്തെ കണ്ണിയായത്.

അങ്ങനെ വള്ളുവനാട്ടിലെ പേരുകേട്ട മനയ്ക്കലെ ഇളമുറ തിരുമേനി രാജീവിന്റെ വേളിയായത്. അതൊരു പുനർജന്മമായിരുന്നു. ആ കഥ പിന്നെ. പക്ഷേ കുഴിച്ചുമൂടിയതെല്ലാം മാന്തി പുറത്തെടുത്തിരിക്കുകയാണ് അയാൾ, ബെന്നി. തന്റെ ജീവിതത്തെ പലതവണ വഴിതിരിച്ചുവിട്ടയാൾ. ഇതാ എല്ലാം തീർന്നെന്നുകരുതിയപ്പോൾ അയാൾ പിന്നെയും.

"എല്ലാത്തിനും ആ കിഴങ്ങൻ അജിത്തിനെ പറഞ്ഞാൽ മതി. അന്ന് ഉള്ളത് തുറന്നു പറഞ്ഞിരുന്നെങ്കിൽ, വാടകയ്ക്ക് ഒരു അച്ഛനെയും അമ്മയെയും തപ്പി പോയിരുന്നില്ലെങ്കിൽ. അവർ പറയുന്നത് കേട്ട് ഓരോ മണ്ടത്തരം ചെയ്തിരുന്നില്ലെങ്കിൽ. എന്നേം കൊണ്ട് ആ നശിച്ച സ്ഥലത്ത് പോയിരുന്നില്ലെങ്കിൽ.. അന്ന് അയാൾ ആ ബെന്നി അവിടെ ഇല്ലായിരുന്നെങ്കിൽ. ഞാൻ...

ഞാൻ ഒന്നും അറിഞ്ഞില്ല പൊട്ടി. ഏതൊരു കാമുകിയും കാമുകന്റെ അമ്മയെ എന്നപോലെ ഞാൻ അവരെ സ്നേഹിച്ചു. പകരം അവർ ചെയ്തതോ. എങ്കിലും ഇൻക്ലെ8 അന്ധമായി അവർ പറഞ്ഞത് കേൾക്കാൻ മാത്രം പൊട്ടനായല്ലോ അജിത്. അതിനും മാത്രം അവർ തമ്മിൽ എന്ത് ബന്ധമാണുള്ളത്. ഓർമകൾ ഇരമ്പി. ഗീതുവിന്റെ നെഞ്ച് ആഞ്ഞുമിടിച്ചു.

"അയ്യോ മോളെ ദാ അമ്മിണി പതിവ് കിട്ടാൻ വൈകിയത് കാരണം കരയുന്നത് കണ്ടില്ലേ?" ലീലേട്ടത്തി പറഞ്ഞു. അപ്പോൾ ഗീതുവിന് സ്ഥലകാല ബോധം വന്നു. അമ്മിണികുട്ടി കുപ്പായമെല്ലാം അഴിച്ചിട്ട്