Chapter Title : കോട്ടയം കൊല്ലം പാസഞ്ചർ 7 [ഉർവശി മനോജ്]

കഷണ്ടിയും കറുത്ത നിറവും പരു പരുത്ത ശബ്ദവും ഒപ്പം ഞാൻ അകപ്പെട്ടുപോയ ആ സന്ദർഭവും എന്നെ കൂടുതൽ ഭയപ്പെടുത്തി.

"അതൊക്കെ പറയാം ചേട്ടൻ വണ്ടിയെടുക്ക് വേഗം .. "

ആളെ മനസ്സിലാകാതെ എന്നെ നോക്കി ചോര ഊറ്റി കുടിച്ചു കൊണ്ട് നിന്നിരുന്ന അയാളുടെ തോളിൽ കൈ വെച്ചു കൊണ്ട് ജിജോ പറഞ്ഞു.

"ഏറെ വിശദമായി പരിചയപ്പെടാം പിന്നീട്.. കേറിക്കോ "

ഓട്ടോയുടെ പിൻ സീറ്റിലേക്ക് കൈകൾ ചൂണ്ടിക്കാണിച്ചു കൊണ്ട് അയാൾ പറഞ്ഞു. പിൻസീറ്റിലേക്ക് കയറുവാൻ വേണ്ടി ചെന്ന ഞാൻ കാണുന്നത് അവിടെ മറ്റൊരു സ്ത്രീ ഇരിക്കുന്നതാണ് , ഞാനും ജിജോയും ഒരുമിച്ച് ഞെട്ടി.

"ഞെട്ടണ്ട ടാ ഇതാണ് ഞാൻ ഫോണിൽ കൂടി പറഞ്ഞ് കേസ് ... വൈകുന്നേരം ചിന്നക്കട ബസ്റ്റാൻഡിൽ നിന്നും പൊക്കി യതാണ് , പേര് സുമതി"

"പൊക്കാൻ ഞാനെന്താ മുരളി അണ്ണാ ചാക്ക് കെട്ടണോ .. "

കൊഞ്ചിക്കുഴഞ്ഞ ശബ്ദത്തിൽ ഞങ്ങളു മൂന്നുപേരെയും നോക്കി അവൾ ചോദിച്ചു.

"നീ ചാക്ക് കേട്ടല്ല നീ കേസ് കെട്ട് അല്ലെ .. "

സുമതിയെ നോക്കിക്കൊണ്ട് അയാള് പറഞ്ഞു.

ഞാൻ ഓട്ടോയുടെ പിൻസീറ്റിലേക്ക് കയറി എനിക്ക് പിന്നാലെ ജിജോയും.

ഓട്ടോയുടെ സെൽഫ് സ്റാർട്ടർ ഓണാക്കി കൊണ്ട് മുരളി ഓട്ടോ മുന്നോട്ടെടുത്തു.

എന്തോ സംഭവിക്കാൻ പോകുന്നതെന്ന് തൊട്ടു മുൻപുള്ള നിശബ്ദമായ ഒരു രാത്രി പോലെ എനിക്ക് തോന്നി. രാത്രിയുടെ സ്വച്ഛത യിലൂടെ ഓട്ടോയുടെ കടകട ശബ്ദം എൻറെ നെഞ്ചിടിപ്പ് കൂട്ടുകയാണ്. ടാറിട്ട റോഡിലൂടെ ഉള്ള സഞ്ചാരം അധികനേരം നീണ്ടുനിന്നില്ല , ഓട്ടോ പതുക്കെ ഇട വഴിയിലേക്ക് തിരിഞ്ഞു. കുണ്ടും കുഴിയും നിറഞ്ഞ വഴിയിലൂടെ ഉള്ള യാത്രയിൽ പിൻ സീറ്റിൽ ഉണ്ടായിരുന്ന ഞങ്ങൾ മൂന്നുപേരും നന്നായി ആടിയുലഞ്ഞു.

സ്വന്തം ഫീൽഡിൽ വന്ന ഒരു എതിരാളിയെ നോക്കുന്നതു പോലെ സുമതി എന്നെ നോക്കുന്നുണ്ടായിരുന്നു.

എന്നെ വളരെ പതുക്കെ ഒന്ന് തോണ്ടി കൊണ്ട് സുമതി പറഞ്ഞു ,

"ഇങ്ങോട്ടു വരുന്നതിനു മുൻപ് കാശ് വല്ലതും പറഞ്ഞ് ഉറപ്പിച്ചോ .. എനിക്ക് ആദ്യം 2000 രൂപയാണ് പറഞ്ഞത് .. ഞാനത് 3000 രൂപയാക്കി ഉറപ്പിച്ചു ,