Chapter Title : കോട്ടയം കൊല്ലം പാസഞ്ചർ 9 [ഉർവശി മനോജ്]

യോടൊപ്പം ലിവിങ് റൂമിൽ ഇരിക്കുമ്പോൾ ഇടയ്ക്കിടെ ഞങ്ങളുടെ കണ്ണുകൾ ഇടയുന്നുണ്ടായിരുന്നു...  അയാളുടെ കണ്ണിൽ മുൻപ് ഞാൻ കണ്ട ചോര നിറം മാഞ്ഞിരിക്കുന്നു ... രൗദ്ര ഭാവം മുഖത്ത് ഉണ്ടെങ്കിലും അല്പ നേരത്തെ സഹ വാസവും സംസാരവും ആദ്യം കണ്ടപ്പോൾ ഉള്ള അപരിചിതത്വം തെല്ല് ഒന്ന് മാറിയിട്ടുണ്ട്.

"എന്താണ് ജോണിക്ക് എന്നോട് പറയുവാനുള്ളത് ... ?"

അന്തരീക്ഷത്തിലെ നിശബ്ദത തെല്ലൊന്ന് മാറ്റിക്കൊണ്ട് ഞാൻ ചോദിച്ചു.

"പറയാം വിശദമായി പറയുന്നതിനു വേണ്ടി തന്നെയാണല്ലോ ഇങ്ങോട്ടു വന്നത് .. "

അർഥഗർഭമായ ഗൗരവത്തോടെ ജോണി പറഞ്ഞു.

എൻറെ ഉള്ളിൽ പല വിധ ചിന്തകൾ ഉയർന്നു. ഞാൻ ഒരു കൊലപാതകി ആണെന്ന സത്യം ജോണി അറിഞ്ഞു കാണുമോ ... ? ഉള്ളിലെ ഭയം മുഖത്ത് നിഴലിച്ചപ്പോൾ രമയുടെ വീടിൻറെ ലിവിങ് റൂമിലെ ആ സോഫയിൽ എനിക്ക് ഇരിപ്പുറയ്ക്കാതെയായി.

ഞങ്ങൾക്ക് മുന്നിലേക്ക് 2 ഗ്ലാസ്സിൽ കടും മഞ്ഞ നിറത്തിലുള്ള ജ്യൂസുമായി രമ എത്തി. ഇതിനോടകം അവൾ വസ്ത്രം മാറി കഴിഞ്ഞിരുന്നു. കടും നീല നിറത്തിലുള്ള ഒരു നൈറ്റി ആണ് വേഷം. അവളുടെ നിറത്തിനും ശരീരത്തിനും അത് കൂടുതൽ ഇണങ്ങി ചേർന്നിരുന്നു. സുതാര്യം ആയിരുന്നില്ല ആ നൈറ്റി എങ്കിലും അവളുടെ അഴകളവുകൾ ഏതൊരാൾക്കും വ്യക്തമാക്കുന്ന അത്ര ഇറങ്ങിയിരുന്നു അത്.

ജ്യൂസ് കുടിക്കുന്നതിന് ഇടയിൽ ജോണി തിരക്കി ,

"കുട്ടികൾ എങ്ങോട്ടാണ് ടൂർ പോയത് എന്നു വരും ... ?

"ഊട്ടി മൈസൂർ ബാഗ്ലൂർ .. അഞ്ചു ദിവസത്തെ യാത്രയാണ് നാളെ കഴിഞ്ഞ് എത്തും "

രമ മറുപടി പറഞ്ഞു.

"ഹൊ .. ഊട്ടി മൈസൂർ ബാംഗ്ലൂർ അല്ലാതെ ഈ നാട്ടിൽ വേറെ സ്ഥലങ്ങൾ ഒന്നുമില്ലേ കുട്ടികളെ കാണിക്കുവാൻ .. എല്ലാ സ്കൂളുകാരും ഈ പറഞ്ഞ സ്ഥലത്തേക്ക് തന്നെയാണ് എനിക്ക് ഓർമ്മ വെച്ച കാലം മുതൽ പൊയ്ക്കൊണ്ടിരിക്കുന്നത് ... അല്ലേ ആര്യ ദേവി .... "

എന്നോടായി ജോണി ചോദിച്ചു.

മറുപടി ഒന്നും പറയാതെ അല്പാല്പമായി ആർക്കോ വേണ്ടി മഞ്ഞ ജ്യൂസ് കുടിച്ചു തീർക്കുന്ന ഭാവത്തിൽ ഗ്രാനൈറ്റ് പാകിയ തറയിലേക്ക് നോക്കിയിരിക്കുകയായിരുന്നു ഞാൻ.

വേഗത്തിൽ ജ്യൂസ് കുടിച്ചു കഴിഞ്ഞ