എല്ലാ ഭാഗങ്ങളും വായിച്ചതിന് ശേഷം തുടരുന്നതായിരിക്കും ആസ്വദനത്തിന് നല്ലത്. രാവിലെ പതിവിലും വൈകിയാണ് സുചിത്ര ഉണർന്നത്. ഇന്നലത്തെ ആലസ്യത്തിൽ അവൾ നാനായി ഉറങ്ങി. അതുകൊണ്ട് മനസ്സിന് ഒരു സംതൃപ്തിയുണ്ട്. ടക്.. ടക്... ടക്... " അമ്മേ വാതില് തുറക്ക്... " മകൾ കതകിനു തട്ടിവിളിച്ചു. സുചിത്ര കിടക്കയിൽ നിന്ന് എഴുന്നേറ്റു. ക്ലോക്കിലേക്ക് നോക്കി. സമയം 8 മണിയായി. സുചിത്ര തലയ്ക്കു കൈ വച്ചു പോയി. കൂടി പോയാൽ 6 മണി അതിനു മുൻപേ ഉണരുന്ന ആളാണ് താൻ. നേരത്തെ ഉണരാത്തതിന്റെ പേരിൽ മക്കളെ ഉപദേശിക്കുന്ന ആളാ ഇപ്പൊ വൈകി ഏണിറ്റിരിക്കുന്നത്. അവൾ ബെഡിൽ നിന്നും എഴുന്നേറ്റ് ചെന്ന് വാതിൽ തുറന്നു. മകൾ വീണ, സുചിത്രയെ നോക്കി ചിരിച്ചു. " എന്തൊരു ഉറക്കമാണ് അമ്മേ.. സമയം 8 മണി കഴിഞ്ഞു.. " വീണ ചിരിച്ചുകൊണ്ട് പറഞ്ഞു. താൻ ഇത്ര വൈകി എണീക്കാനുള്ള കാരണം മകളോട് പറയാൻ ഒക്കില്ലല്ലോ. സുചിത്ര പുതിയ കള്ളങ്ങൾ ആലോചിച്ചു. " രാത്രിയിൽ ഭയങ്കരം തലവേദനയായിരുന്നു മോളെ. ഉറങ്ങാനെ പറ്റിയില്ല. പുലർച്ചെ ഒരു 3 മണിയൊക്കെ ആയപ്പഴാ അതിനൊരു ശമനം ഉണ്ടായത്. " സുചിത്ര പറഞ്ഞൊപ്പിച്ചു. " ശെരി അമ്മേ... ഞാൻ വിചാരിച്ചത് അമ്മ അലാറം സെറ്റ് ചെയ്യാൻ മറന്നിട്ടുണ്ടാവുമെന്നാ..... " വീണ പറഞ്ഞു. " ഹം... നീ മുറിയിലേക്ക് ചെന്നോ. ഞാൻ ഉടനെ ബ്രേക്ക്‌ ഫാസ്റ്റ് റെഡിയാക്കി തരാം... " മുടി പിന്നിലേക്ക് കെട്ടിവച്ചുകൊണ്ട് പറഞ്ഞു.

" അമ്മയെനി ബ്രേക്ക്‌ ഫാസ്റ്റ് ഒന്നും ഉണ്ടാക്കാൻ നിൽക്കേണ്ട. ഒക്കെ ഞാൻ തയ്യാറാക്കിയിട്ടുണ്ട്. " വീണ പറഞ്ഞു. സുചിത്ര മകളെ ആശ്ചര്യത്തോടെ നോക്കി. " അമ്മയെന്താ ഇങ്ങനെ നോക്കുന്നെ. ഞാൻ കളി പറഞ്ഞതല്ലാ... ഇന്നത്തെ ബ്രേക്ഫാസ്റ്റ് ഉണ്ടാക്കിയത് ഞാനാ. വന്ന് കഴിച്ചു നോക്ക്. " അവൾ ഗമയിൽ പറഞ്ഞു. " നീയെങ്ങനെ...? " " യൂട്യൂബിൽ നോക്കി ചെയ്തതാ... പുട്ടും, കടല കറിയും. കടലക്കറി നല്ല അസ്സല്