Chapter Title : ക്രിക്കറ്റ് കളി 7 [Amal SRK]

" ഓക്കേ ചേച്ചി. അതികം വൈകില്ല. ഞങ്ങൾ എത്തിക്കോളാം... "

അഭി പറഞ്ഞു.

അഭിയുടെ നേതാവ് ചമയല് കൂടെയുള്ളവർക്കൊന്നും അത്ര രസിച്ചില്ല. കിച്ചു അടുത്തുള്ളത് കൊണ്ട് അവരത് പുറത്ത് കാട്ടിയില്ലന്നെ ഉള്ളു.

അമ്മ പോയപ്പോഴാണ് കിച്ചുവിന് ആശ്വാസമായത്.

" ഞാൻ ആകെ പേടിച്ചു പോയി. എന്നെ വല്ല വഴക്ക് പറയാനോ മറ്റോ വന്നതാണെന്ന് കരുതി... ഭാഗ്യം... "

കിച്ചു സംതൃപ്തിയോട് പറഞ്ഞു.

" ഹം... "

മനു ഒന്ന് മൂളുക മാത്രം ചെയ്തു.

" എല്ലാവരും പണി ഒന്ന് വേഗം തീർക്ക്. കിച്ചുവിന്റെ വീട്ടിലെ ടാങ്ക് വൃത്തിയാക്കാനുള്ളതാ... "

അഭി രാജാവിനെ പോലെ പറഞ്ഞു.

മനു, നവീനിന്റെ അടുത്തേക്ക് ചെന്നു.

" എനിക്ക് ഇവന്റെ നേതാവ് ചമയല് കണ്ടിട്ട് ചൊറിഞ്ഞു വരുന്നുണ്ട്... ഈ കിച്ചു ഇവിടെയുണ്ടായിപോയി... അല്ലേൽ ഞാനവനെയുണ്ടല്ലോ... "

മനു പല്ല് കടിച്ചുകൊണ്ട് പറഞ്ഞു.

" നീ തൽകാലം അടങ്... അവനുള്ളത് വൈകിട്ട് സൗകര്യം പോലെ നമ്മുക്ക് കൊടുക്കാം... "

നവീൻ അവനെ സമാധാനിപ്പിച്ചു.

അരമണിക്കൂറ് കൊണ്ട് കളിസ്ഥലത്തെ അല്ലറ, ചില്ലറ പണികളൊക്കെ എല്ലാവരും ചേർന്ന് ചെയ്തു തീർത്തു.

" സമയം 11 കഴിഞ്ഞു. നമ്മുക്ക് വേഗം കിച്ചുവിന്റെ വീട്ടിലെ ടാങ്ക് ക്ലീൻ ചെയ്യാം... "

അഭി എല്ലാവരോടുമായി പറഞ്ഞു.

" ഉച്ചയാവാറായില്ലേ... നല്ല വെയിലുമുണ്ട്. നമ്മുക്ക് വൈകുന്നേരം വൃത്തിയാക്കി കൊടുത്താൽ പോരെ.. ? "

നവീൻ പറഞ്ഞു.

അത് അഭിക്ക് അത്ര ഇഷ്ടപ്പെട്ടില്ല : ഇതൊക്കെ ഒരു വെയിലാണോ...? നിനക്ക് പണിയെടുക്കാൻ മടിയാണെങ്കിൽ അത് പറഞ്ഞാൽ പോരെ... ഇതിനെക്കാൾ വെയിലുള്ളപ്പോൾ നമ്മള് ക്രിക്കറ്റ്‌ കളിക്കുന്നതല്ലേ...?

" ആ... ശരി ശരി... എനി ഞാൻ ആയിട്ട് ഒടക്ക് കാണിക്കുന്നില്ല. വാ വേഗം ടാങ്ക് വൃത്തിയാക്കാം... "

അഭിയോട് പറഞ്ഞു ജയിക്കാൻ കഴിയില്ലെന്ന് നവീന് നന്നായിട്ട് അറിയാം.

അവരെല്ലാവരും കൂടെ സുചിത്രയുടെ വീട്ടിലേക്ക് ചെന്നു.

കിച്ചു ചെന്ന് വാതില് തുറന്ന് കൂട്ടുകാരെ അകത്തേക്ക് ക്ഷണിച്ചു.

വീടിന്റെ ഉൾ വശം കണ്ട് അഭി ഒഴികെ ബാക്കിയുള്ളവരുടെയെല്ലാം കണ്ണ് തള്ളി പോയി.

കാര്യം കിച്ചു താങ്കളുടെ ക്ലാസ്സ്‌മേറ്റും, കളിക്കൂട്ടുകാരനുമാക്കെയാണെങ്കിലും, അവന്റെ വീടിനകം