Chapter Title : കുമ്പസാരം 2 [Master]

തീവ്രമായി മുറിപ്പെട്ടിരുന്നു. മുജീബ് വേഗം സ്വന്തം വസ്ത്രങ്ങള്‍ വാരിധരിച്ച് പുറത്തേക്കോടി. അവനവളെ മനസ്സിലാക്കാന്‍ സാധിച്ചില്ല. മനസ്സ് തകര്‍ന്ന ഷെറിന്‍ സ്വയം മറന്നുകരഞ്ഞു. ഫാദര്‍ ജയിംസ് ഫോണ്‍ വച്ചിട്ട് അസ്വസ്ഥതയോടെ പിന്നിലേക്ക് ചാരി.

വലിയ വീടുകളില്‍ നടക്കുന്ന ഇത്തരം സംഭവങ്ങളെപ്പറ്റി അദ്ദേഹം കേട്ടിട്ടുള്ളതാണ്. പൌരോഹിത്യം കൈയാളുന്നവര്‍ തിരഞ്ഞെടുക്കപ്പെട്ടവരും വ്യക്തിശുദ്ധി ഉള്ളവരും ആയിരിക്കണം എന്ന് ദൈവം ആവശ്യപ്പെടുന്നതിന്റെ സാംഗത്യം ഒരിക്കല്‍ക്കൂടി അദ്ദേഹം മനസ്സിലാക്കി. ഇതുപോലെ പലതും ഒരു പുരോഹിതന്റെ മുന്‍പാകെ എത്തും. അതൊക്കെ വികാരത്തിന്റെ പടുകുഴിയില്‍ വീഴാതെ മനോബലം കൊണ്ട് നേരിട്ട് പരിഹാരം നല്‍കേണ്ടത് വൈദികന്റെ കടമയാണ്. അല്‍പനേരം ധ്യാനിച്ച ശേഷം അദ്ദേഹം ഫോണെടുത്തു ഷെറിന്റെ നമ്പരില്‍ അമര്‍ത്തി. “ഷെറിന്‍ വിഷമിക്കാതെ. ഇനി മേലാല്‍ തെറ്റ് ചെയ്യരുത്. എന്നോട് പറഞ്ഞ സ്ഥിതിക്ക് ഇനിയിത് മുതലാളിയോട് പറയേണ്ട കാര്യമില്ല എന്നാണെന്റെ അഭിപ്രായം. നീ പശ്ചാത്തപിച്ചല്ലോ? അതുമതി” അവള്‍ ഫോണെടുത്തപ്പോള്‍ അദ്ദേഹം പറഞ്ഞു. “ഇല്ലച്ചോ, അങ്ങിത് ഡാഡിയോട് പറയണം. ഇല്ലെങ്കില്‍ ഈ ജന്മം എനിക്ക് സ്വസ്ഥമായി ജീവിക്കാന്‍ സാധിക്കില്ല” ഷെറിന്റെ വിതുമ്പല്‍ അദ്ദേഹത്തിന്റെ കാതിലെത്തി. ഒരു നിമിഷം അദ്ദേഹം ആലോചിച്ചു. “ശരി. ഞാന്‍ പറയാം. പക്ഷെ അദ്ദേഹം ഇതെങ്ങനെയായിരിക്കും സ്വീകരിക്കുക എന്ന് പറയാന്‍ പറ്റില്ല. അനന്തരഫലം എന്തായാലും അത് സ്വീകരിക്കാന്‍ നീ തയ്യാറായിരിക്കണം” ഒരു ദീര്‍ഘനിശ്വാസത്തോടെ അദ്ദേഹം പറഞ്ഞു. “എന്നെ കൊന്നാലും ഞാന്‍ സഹിച്ചോളാം അച്ചോ” “ശരി. എങ്കില്‍ പള്ളിയില്‍ കയറി പ്രാര്‍ഥിച്ചിട്ട്‌ പൊയ്ക്കോ. ഞാന്‍ മുതലാളിയെ സൗകര്യം പോലെ വിളിച്ച് സംസാരിച്ചോളാം” “വളരെ നന്ദി അച്ചോ” മുറിയില്‍ നിന്നുമിറങ്ങി വന്ന ഷെറിന്‍ കടുത്ത ലജ്ജയോടെ അച്ചനെ നോക്കി വണങ്ങിയ ശേഷം പുറത്തേക്ക്