Chapter Title : കുറ്റബോധം 16 [Ajeesh] [Climax]

മനുഷ്യന്റെ ഏറ്റവും പൊട്ട മുഖവും, ഏറ്റവും വൃത്തികെട്ട മുഖവും കണ്ടിട്ടും അയാളെ ഇഷ്ടപ്പെടുന്നവർ ആണ് പ്രണയിനി..." " അമ്മയുടേം ഭാര്യയുടേം ഒക്കെ മുൻപിൽ നമ്മൾ നന്നായി നിൽക്കാൻ ശ്രമിക്കും... " എപ്പോഴും ഒരു ഇമേജ് ഇടിയതിരിക്കാൻ നോക്കും... " അവര് നമ്മളെ വിട്ട് പോവില്ല എന്ന ഒരു ധൈര്യം ഒക്കെ നമ്മുടെ ഉള്ളിൽ തന്നെ ഉണ്ടാവും... " " പക്ഷെ പ്രേമിക്കുന്നവർ അങ്ങനെ അല്ല... " " അവിടെ നിബന്ധനകൾ ഇല്ല, നിയമങ്ങൾ ഇല്ല... " പ്രണയം മാത്രം... രേഷ്മ ആ വാക്കുകൾ നെഞ്ചിലേക്ക് ആവാഹിച്ചു... " അപ്പോൾ അവൻ എന്നോടുള്ള പ്രണയത്തിൽ ഇല്ലാതാവുകയായിരുന്നു... " അലിഞ്ഞില്ലാതാവുകയായിരുന്നു... " ഇപ്പൊ എന്തിനാ അതൊക്കെ ഓർക്കുന്നത്... " ആ കുട്ടി രക്ഷപ്പെട്ടു ല്ലോ... " നീ കിടക്ക്... " സജീഷ് അവളെ കിടത്തി... " അവൾ അപ്പോഴും ചിന്തയിൽ ആയിരുന്നു... " അവൾക്കു പോലും നിശ്ചയമില്ലാത്ത ചിന്തകളിൽ. " പിറ്റേന്ന് അതിരാവിലെ എഴുന്നേറ്റ് അവൾ വീട്ടിലെ ജോലികൾ തുടങ്ങി... അമ്മ എഴുന്നേറ്റു വരുമ്പോഴേക്കും അവൾ അത്യാവശ്യം പണികൾ എല്ലാം തീർത്തു വക്കും, ആദ്യം മുറ്റമടി ആയിരുന്നു... പിന്നെ അടുപ്പ് കത്തിച്ച് ചായ തിളപ്പിച്ചു, കാലത്തെ ഭക്ഷണത്തിന് ഉള്ള അരി കഴുകി അടുപ്പത്തിട്ടു, പിന്നീടായിരുന്നു പല്ലുതേപ്പും, കുളിയുമൊക്കെ... അതെല്ലാം കഴിഞ്ഞു വരുമ്പോഴേക്കും 'അമ്മ എഴുന്നേറ്റു വന്നിട്ടുണ്ടാവും... അമ്മക്ക് ചായ കൊടുക്കലാണ് അടുത്ത പണി... പക്ഷെ 'അമ്മ അത് കുടിക്കാൻ വൈകും...

ഉമിക്കരി എടുത്ത് തൊടിയിൽ എല്ലാം നടന്ന് വിസ്തരിച്ചുള്ള പല്ലുതേപ്പ് കഴിയാതെ 'അമ്മ ചായ കുടിക്കാറില്ല... അമ്മ വരുമ്പോഴേക്കും ചായ തണുക്കാൻ തുടങ്ങിയിട്ടുണ്ടാവും... അവൾ വേറെ ചായ കൊണ്ടു വക്കാൻ ശ്രമിച്ചാലും ആ ചൂടാറിയ ചായയെ 'അമ്മ കുടിക്കൂ... കുളി കഴിഞ്ഞ് ഏട്ടന് ചായ കൊണ്ട് കൊടുക്കണം... അപ്പോഴേക്കും 'അമ്മ കൂട്ടാൻ വക്കാൻ ഉള്ള പണികൾ എല്ലാം തുടങ്ങിക്കാണും... പിന്നെ അമ്മയുടെ കൂടെ ആണ് ദിവസം തുടങ്ങുന്നത്... മണി എട്ടാവുമ്പോഴേക്കും ഏട്ടൻ പണിക്ക് പോവാൻ തുടങ്ങും അതിന് മുൻപേ ചോറ് കാലാവണം... അന്നും പതിവ് പോലെ സജീഷ് വീട്ടിൽനിന്ന് ഇറങ്ങി "