Chapter Title : കുറ്റബോധം 16 [Ajeesh] [Climax]

പിന്നെ ഇറങ്ങി ഓടി... " അവൾ കണ്ണുകൾ തുടച്ച് ഉമ്മറപ്പാടിയിൽ കുത്തിയിരുന്നു... " അവളുടെ കടുത്ത മറുപടി അമ്മയുടെ മനസ്സ് വേദനിപ്പിച്ചിട്ടുണ്ട് എന്ന് അവൾക്ക് ഉറപ്പായിരുന്നു... എങ്കിലും ഇപ്പോൾ അവൾക്ക് അത് ഒരു വിഷയമേ ആയിരുന്നില്ല... മനസ്സ് മുഴുവൻ ആ ജീവന്റെ അവസാന പിടച്ചിൽ ആയിരുന്നു... എന്നെക്കൊണ്ട് ഒന്നും ചെയ്യാൻ പറ്റുന്നില്ലല്ലോ എന്ന നിസ്സഹായതയുടെ വേദന ആയിരുന്നു... " അവന് ഇതൊന്നും ശീലം ഇല്ലാത്തതാ... " കണ്ടവരുടെ ഒക്കെ ജീവിതത്തിൽ നമ്മൾ എന്തിനാ ഇടപെടണെ?? കടുത്ത ശബ്ദത്തിൽ പുറകിൽ നിന്നും അമ്മ പറഞ്ഞു...

അവനെ ഒരു ആപത്തിലേക്ക് പറഞ്ഞു വിട്ട പോലെ ആ മനസ്സ് വേവലാതിപ്പെട്ടു രേഷ്മക്ക് എങ്ങനെ മറുപടി കൊടുക്കണം എന്ന് പോലും അറിയില്ലായിരുന്നു... " എങ്കിലും ഇപ്പോൾ അമ്മയോട് താൻ ദേഷ്യം കാണിച്ചാൽ അത് ഉണ്ടാക്കുന്ന വിദ്വേഷം ഈ ജീവിതത്തിൽ പിന്നെ മാറില്ല എന്ന് അവൾക്ക് ഉറപ്പായിരുന്നു... അത് മനസ്സിലാക്കാൻ ഉള്ള വിവേകം അവൾക്ക് ഉണ്ടായി... " അവൾ അമ്മയുടെ മുൻപിൽ എന്നും ഒരു മോശം സ്ത്രീ ആയി മാറും " " ഏട്ടന് ഒന്നും പറ്റില്ല അമ്മേ... " വളരെ ശാന്തയായി അവൾ പറഞ്ഞു... അമ്മയിൽ നിന്നും മറുപടി ഒന്നും വന്നില്ല... രേഷ്മക്ക് തന്റെ തല പൊട്ടിപോകുന്ന പോലെ തോന്നി തുടങ്ങി... " അവൾ അമ്മയുടെ കാല് പിടിച്ചു കരഞ്ഞു ... " " അമ്മേ എന്നോട് ക്ഷമിക്ക്... " കസേരയിൽ ഇരിക്കുന്ന അമ്മയുടെ രണ്ട് കാലും വട്ടം പിടിച്ചു " സോറി... ഞാൻ മനപ്പൂർവ്വം അല്ല... ഒരു ... ഒരു മിനിറ്റ് നേരത്തെ എത്താത്തതിന്റെ പേരിൽ ആ കുട്ടിക്ക് എന്തെലും പറ്റിയാൽ പിന്നെ എനിക്ക് ഈ ജീവിതത്തിൽ ഉറങ്ങാൻ പറ്റില്ല അമ്മേ... " രേഷ്മ എങ്ങലോടെ കരഞ്ഞു പറഞ്ഞു... " മോളെ... അത് സാരല്യ... അമ്മേടെ കുട്ടി എണീക്ക്... " അമ്മയുടെ വാക്കുകൾ അവളെ കൂടുതൽ കരയിപ്പിച്ചു... " അമ്മേ.... വേണ്ടപ്പെട്ടവർ നഷ്ടപ്പെടണ വേദന എനിക്കറിയാം... നന്നായി അറിയാം... " ആ കുട്ടിക്ക് ഒന്നും പറ്റാതിരിക്കാൻ ഉള്ള ആദിയില് ഞാൻ പറഞ്ഞു പോയതാ...