Chapter Title : കുറ്റന്വേഷണം [Lee child] [Full Story]

നോക്കി.. ആ മുഖം കണ്ടപ്പോ അവളുടെ മുഖത്തു ഭീതി നിറഞ്ഞു..അവളെ നശിപ്പിക്കാൻ ശ്രമിച്ച അതെ മുഖം..

"രാജാശേഖരൻ.."

അവൾ മെല്ലെ പറഞ്ഞു…

ഞാൻ : രാജാശേഖരൻ aka മുത്തുശേൽവം..

ഞാൻ തുടർന്നു :കോയമ്പത്തൂർ സ്വദേശി, ജോലി കൂലിപ്പണി,2 വർഷം മുൻപേ അവിടുത്തെ ഒരു ടൂറിസ്റ്റ് വിദേശ വനിതയെ ബലാത്സംഗം ചെയ്ത കേസിൽ കോയമ്പത്തൂർ പോലീസ് ഇയാളെ അറസ്റ്റ് ചെയ്തിരുന്നു..പക്ഷെ തെളിവിന്റെ അഭാവത്തിൽ കോടതി അയാളെ വെറുതെ വിട്ടു..

ഇനിയാണ് കഥ തുടങ്ങുന്നത്.. കേസിനു ശേഷം അയാൾ നാട് വിട്ടു.. രാജാശേഖരനെന്ന പേരിൽ ഇവിടെ താമസം തുടങ്ങി.. ഇവിടെ നല്ല ജോലിയും ചെയ്തു തുടങ്ങി.. പക്ഷെ അയാളുടെ മനസ്സിൽ പഴയ രതിവൈകൃതം അപ്പോഴുമുണ്ടായിരുന്നു.. അയാൾ സ്വന്തം ഇരയെ കണ്ടെത്താനുള്ള ശ്രമത്തിലായി.. അങ്ങനെയാണ് നിങ്ങൾ രണ്ട് പേരും അയാളുടെ കണ്ണിൽ പെടുന്നത്.. നിങ്ങളെ അയാൾ സ്വന്തം ലക്ഷ്യമാക്കി.. പക്ഷെ ആദ്യത്തെ പ്രാവശ്യം ചെയ്ത അതേ തെറ്റ് ഇവിടെ ആവർത്തിക്കാൻ അയാൾ തയ്യറായില്ല.. അത് കൊണ്ട് അയാൾ പറ്റിയ അവസരം കാത്തിരുന്നു.. അങ്ങനെ അയാൾക്കു ഒരു അവസരം വീണു കിട്ടി..അതാണ്‌ റീനയുടെ അഫ്‌യർ.. അതു അറിഞ്ഞതാവട്ടെ അയാളുടെ ബാൽക്കണിയിൽ നിന്നും..

ശ്രേയ :അതെങ്ങനെ..

ഞാൻ :മുത്തുസെൽവത്തിന്റെ ഫ്ലാറ്റുള്ളത് വിജയുടെ ഫ്ലാറ്റിന്റെ മുകളിലും റീനയുടെ ഫ്ലാറ്റിന്റെ താഴെയുമാണ്..

112,212,312..

അത് കൊണ്ട് തന്നെ ബാൽക്കണിൽ നിന്ന് സംസാരിക്കുന്നത് അയാൾക് കേൾക്കാമായിരുന്നു.. അങ്ങനെ അയാൾ അവരെ പിന്തുടർന്ന്.. അവരുടെ ബന്ധത്തിന്റെ തെളിവുകൾ ശേഖരിച്ചു…ഒരു തരത്തിൽ വിജയ് മുത്തുവിന് ബോണസായിരുന്നു ഒരാളിൽ നിന്ന് സുഖം, മറ്റൊരാളിൽ നിന്ന് പണം..

പക്ഷെ കഷ്ടകാലമെന്നു പറയട്ടെ, ഇത് സെന്തിൽ കണ്ടു.. തന്റെ പരിചയകാരനായ സെന്തിൽ തനിക്കു ഭീഷണി ആയിരുന്നു എന്ന് സെന്തിലിനും സെൽവനും ഒരു പോലെ അറിയാം ഇതേ സമയം സെന്തിലിന്റെ രഹസ്യം അതായത് അയാൾ smugglinginte ആളാണെന്നു മുത്തുവും അറിഞ്ഞിതുണ്ടാവണം..

പിന്നെ സെന്തിൽ മുത്തുവിനെ ബ്ലാക്ക് മെയിൽ ചെയ്യാൻ തുടങ്ങി.. ഒന്നാമതായി കള്ളക്കടത്തു വഴി അയാൾക്കു കിട്ടിയത് തുച്ഛമായ ശമ്പളം, പിന്നെ മുത്തുവെന്ന പൊന്ന്മുട്ടയിടുന്ന താറാവും.. ഓരോ മാസവും ₹25,000അയാളുടെ അക്കൗണ്ടിലേക്ക് വന്നു..

പക്ഷെ മുത്തുവിന് മറ്റൊരു പ്ലാനുണ്ടായിരുന്നു..