Chapter Title : ലക്കി ഡോണർ 5 [Danmee]

"

" എന്നോട് എന്തിനാ നന്ദി പറയുന്നത് ഞാൻ എന്റെ ഡ്യൂട്ടി അല്ലെ ചെയ്തത് "

ഡോക്ടർന്റെ റൂമിൽ നിന്നും ഇറങ്ങുമ്പോൾ മനസിലെ ഭാരം എല്ലാം ഇറങ്ങിയ പോലെ തോന്നി. അതിന് ശേഷം. റൂമിന്റെ കാര്യത്തിനും മറ്റുമായി ഞാൻ അൽപ്പം തിരക്കിൽ ആയിരുന്നു. വീട്ടിലും മറ്റും വിളിച്ചു കാര്യം പറയുകയും ചെയ്തു.

മെഹ്റിനെ റൂമിൽ കൊണ്ടുവന്നപ്പോൾ വൈകുന്നേരം ആയിരുന്നു. അവളുടെ മുഖത്ത് നല്ല ക്ഷീണം ഉണ്ടായിരുന്നു. അറ്റെൻഡർ മാർ റൂമിന്  പുറത്ത് പോയപ്പോൾ ഞാൻ അവിടെ ഉണ്ടായിരുന്ന സ്റ്റൂൾ എടുത്ത് അവൾ കിടന്നിരുന്ന ബെഡിന്റെ അടുത്തേക്ക് ഇട്ട് അതിൽ ഇരുന്നുകൊണ്ട് അവളുടെ കവിളിൽ തലോടി.

"ഹൌ!!!!"""

അവളുടെ  നിലവിളി കെട്ട് ഞാൻ കൈ പെട്ടെന്ന് വലിച്ചു.

" ഹാ ഹാ "

അവൾ എന്നെ നോക്കി ചിരിക്കാൻ തുടങ്ങിയപ്പോൾ ആണ്‌ എന്റെ ജീവൻ തിരിച്ചു കിട്ടിയത്.

"  നിങ്ങൾ ആര് ഹാൾക്കോ ... രണ്ട് ദിവസം മുന്നേ അടിച്ച അടിയുടെ വേദന ഇപ്പോഴും കാണാൻ...... ഹാ ഹാ "

" സോറി  ഡി.... ഞാൻ പെട്ടെന്ന് കേട്ടപ്പോൾ  എന്റെ കയ്യിന്ന് പോയതാ "

" അതൊക്ക നമുക്ക് പിന്നെ സംസാരിക്കാം ..... ഇക്ക നമ്മുടെ മോളെ കണ്ടോ "

" ആ സമയത്ത് കണ്ടത് തന്നെ..... പിന്നെ നിന്റെ കാര്യം എന്താണെന്ന് അറിഞ്ഞിട്ട്  പോകാം എന്ന് കരുതി.... ഇടക്ക് അവർ പറഞ്ഞ സാധനങ്ങൾ കൊടുക്കാൻ അങ്ങോട്ട് പോയിരുന്നു........ നീ കണ്ടായിരുന്ന മോളെ "

" എനിക്ക് എന്തോ മിന്നായം പോലെ ഒരു ഓർമയെ ഉള്ളു "

"