Chapter Title : ലണ്ടന്‍ ഡ്രീംസ് [ആദ്വിക്]

മലരെ ...നീ എന്തു കണ്ടിട്ട് ആണ് ഇന്ന് ആ സക്കറിയയുടെ അടുത്ത് ഇത്ര പ്രശ്നം ഉണ്ടാക്കിയത് ..അയാളുടെ കൂടെ വന്ന ആ തടിയന്‍ ആരാണെന്ന് നിനക്കു അറിയാമോ . അയാള്‍ ആ ദാമോദറിന്റെ അടുത്ത ആളാണ് ..ഇപ്പോ തന്നെ കാര്യം എല്ലാം ദാമോദര്‍ അറിഞ്ഞു കാണും . ദൈവമേ ഇനി എന്തൊക്കെ പ്രശ്നം ആണോ ഉണ്ടാകാന്‍ പോകുന്നത് .. നീ ഏതായലും ഒന്നു കരുതി ഇരുന്നോ .. ഇത്രയും ഒറ്റ ശ്വാസത്തില്‍ പറഞ്ഞു ഡേവിഡ് ഏട്ടന്‍ ഒന്നു നിര്‍ത്തി .. ദാമോദര്‍ ..ആ പേര് കേട്ടപ്പോള്‍ തന്നെ ഒരു ചെറിയ ഭയം എന്നില്‍ ഉടലെടുത്തു ..ലണ്ടനിലെ ഏറ്റവും വലിയ ധനികരില്‍ ഒരാള്‍ .. ആളെ നേരിട്ടു പരിചയം ഇല്ലെങ്കിലും ലണ്ടനിലെ മിക്ക മലയാളിയകളുടെയും ഇടയില്‍ ആ പേര് പരിചിതം ആണ് . പലര്‍ക്കും അയാള്‍ കണ്‍ കണ്ട ദൈവം ആണ് . പലരുടേയും godfather എന്നു തന്നെ വേണമെങ്കില്‍ പറയാം ..പുള്ളിക്കു ഇല്ലാത്ത ബിസിനസുകള്‍ ഇല്ല . ഉപ്പ് മുതല്‍ എകെ 47 വരെ ഉള്ള എന്തും അയാളുടെ കയ്യില്‍ കൂടെ കേറി എറങ്ങി പോയതാണ് . ഡേവിഡ് ഏട്ടന്‍ പണ്ടെങ്ങോ പറഞ്ഞത് ഓര്‍മ്മയില്‍ വന്നു .പുള്ളിയുടെ ഭാര്യ മരിച്ചതിന് ശേഷം

തരികിട എല്ലാം നിര്‍ത്തി മകള്‍ക്ക് വേണ്ടി ജീവിക്കുക ആണിപ്പോള്‍ . എന്നു വെച്ചു ആള്‍ പഞ്ച പാവം ആയി എന്നല്ല ..എന്തിനും ഏതിനും പോന്ന ഒരു ഗുണ്ട ടീം തന്നെ പുള്ളിക്കു ഉണ്ട് ..ഹലോ ..ഹലോ .. നീ വല്ലതും കേള്‍ക്കുന്നുണ്ടോ .. ഡേവിഡ് ഏട്ടന്റെ ആ വിളിയില്‍ ആണ് വീണ്ടും ബോധത്തിലേക്ക് വന്നത് .. അത് ഡേവിഡ് ഏട്ടാ ഞാന്‍ അറിഞ്ഞില്ല അയാള്‍ ദാമോദറിന്റെ ആളാണ് എന്നു ..അന്നേരത്തെ ഒരു ആവേശത്തില്‍ ഞാന്‍ വല്യ ഡയലോഗ് അടിച്ചും പോയി ..അത് ഇത്രക്ക് അങ്ങ് കേറി മൂക്കും എന്നു ഞാന്‍ വിചാരിച്ചില്ല ...അവര്‍ എന്തെങ്കിലും പ്രശ്നം ഉണ്ടാക്കിയോ .. എനിക്കു പ്രശ്നം ഒന്നും ഇല്ല ..പക്ഷേ നീ പേടിക്കണം ..എന്നെ നേരത്തെ ആ ദാമോദറിന്റെ ശിങ്കിടി