ലതികയും മരുമകനും

Lathikayum Marumakanum | Author : Smitha

അനിത പ്രസാദവും വാങ്ങി അമ്പലക്കുളത്തിനടുത്തുകൂടിയുള്ള വഴിയിലൂടെ കേശവമേനോൻ ജംക്ഷനിലേക്ക് കയറാൻ തുടങ്ങുമ്പോഴായിരുന്നു ഡയാനയുടെ കാറിന്റെ ഹോൺ പിമ്പിൽ നിന്നും കേട്ടത്. കാർ അടുത്തെത്തി അവളുടു അടുത്ത് നിർത്തി. ഡയാന ഗ്ളാസ് താഴ്ത്തി അനിതയെ നോക്കി പുഞ്ചിരിച്ചു.

"അമ്പലത്തിൽ പോയോ?"

ഡയാന ചോദിച്ചു.

അവൾ പുഞ്ചിരിയോടെ തലയാട്ടി.

"എവിടെപ്പോയതാചേച്ചി?"

"ഓ! ഞാൻ ദാ നമ്മടെ നഫീസയുടെ പാർലറിൽ വരെയൊന്ന് പോയി..."

അനിത പുഞ്ചിരിച്ചതേയുള്ളൂ.പറയാതെ തന്നെയറിയാം ഡയാന ബ്യൂട്ടിപാർലറിൽ പോയതാണ് എന്ന്. മുഖത്തും കൈവിരലുകളിലുമൊക്കെ അതിന്റെ അടയാളങ്ങൾ വ്യക്തമായുണ്ട്. ഡയാനയ്ക്ക് അതിന്റെ ആവശ്യമുണ്ടോയെന്ന് അനിത സംശയിച്ചു. അല്ലാതെ തന്നെ എന്ത് സുന്ദരിയാണവൾ! പക്ഷെ സൗന്ദര്യം ഒരുപാടുള്ളവർക്ക് ഒരിക്കലും സംതൃപ്തിയുണ്ടാവില്ലല്ലോ.

"അമ്പലത്തിൽ പോയി ശരിക്ക് പ്രാർത്ഥിച്ചോ?"

ഡയാന പുഞ്ചിരിയോടെ തിരക്കി.

"അങ്ങനെ പ്രത്യേകിച്ച് ഒന്നുമില്ല ചേച്ചി..ഫ്രീ ടൈം കിട്ടുമ്പോഴൊക്കെ പോകുന്നു ...അത്രേയുള്ളൂ.."

"അതൊന്നുമല്ല ...പ്രാർത്ഥിക്കാൻ കാരണങ്ങളൊക്കെ ഉണ്ടല്ലോ,"

ഡയാന എന്താണ് ഉദ്ദേശിക്കുന്നത് എന്ന് അനിതയ്ക്ക് മനസിലായില്ല.ഇനി കുഞ്ഞുണ്ടാകുന്നതിന് വേണ്ടി എന്നാണോ ഉദ്ദേശിച്ചത്? വിവാഹം കഴിഞ്ഞിട്ട് ഒരു വർഷം ആകാറാവുന്നു. ശ്രീയേട്ടന് ഇപ്പോൾ കുട്ടികളിൽ താൽപ്പര്യമില്ല എന്ന് പറഞ്ഞത് കൊണ്ടാണ് അതിന് ശ്രമിക്കാത്തത്.

"ഏയ് ..അതൊന്നുമല്ല ചേച്ചി.."

ഡയാനയുടെ മനസ്സിലുള്ളത് എന്താണ് എന്ന് വ്യക്തമായില്ലെങ്കിലും അനിത അങ്ങനെ പറഞ്ഞു.

"ഹ്മ്മ്.."

ഡയാന പുഞ്ചിരി നിലനിർത്തി പറഞ്ഞു.

"പ്രാർത്ഥിച്ചോ!ശരിക്ക് പ്രാർത്ഥിച്ചോ!ഭർത്താവിന്റെ കാര്യത്തിൽ പ്രാർത്ഥിക്കാത്ത ഭാര്യ ഒരു നല്ല ഭാര്യയല്ലല്ലോ!"

ഭർത്താവിന്റെ കാര്യത്തിലോ?

അനിതയ്ക്ക് വീണ്ടും സംശയമേറി.

"അനിത എന്താ നെറ്റി ചുളിക്കുന്നെ?"

"ചേച്ചി ഉദ്ദേശിക്കുന്നത് മനസ്സിലാകാഞ്ഞിട്ടാ..."

"ഏയ് ...അനിത ചുമ്മാ പൊട്ടി കളിക്കുന്നതാണ് എന്നെനിക്കറിയാം,"

ഡയാന ചിരിച്ചു.

"ഇല്ല ചേച്ചി ..എനിക്കൊന്നും മനസ്സിലായില്ല..."

ഡയാന അനിതയെ ഒന്ന് നോക്കി.

"അനിതയുടെ ശ്രീരാഗ് ചേട്ടൻ വർക്ക് ചെയ്യുന്നത് എന്റെ ഹസ് ജോർജ്ജ് വർക്ക് ചെയ്യുന്ന ടെക്‌നോ കോർപ്പിൽ തന്നെയല്ലേ?"

"പിന്നല്ലാതെ!"

അനിത ചിരിച്ചു.

"ചേച്ചിയെന്താ ഇങ്ങനെയൊക്കെ ചോദിക്കുന്നെ?'

"അല്ല ,അനിത ഇങ്ങനെ പൊട്ടി കളിക്കുമ്പം എനിക്കും ആകാല്ലോ.അതുകൊണ്ട് ചോദിക്കുന്നതാ,"

അവളുടെ വാക്കുകളിൽ എന്തൊക്കെയോ മുള്ളുകളുണ്ട്‌. പക്ഷെ എന്താണത്? അനിതയ്ക്ക് വല്ലായ്ക തോന്നി.

"ഇല്ല ചേച്ചി..."

അവൾ