Chapter Title : ലവ് ബൈറ്റ് 3 [കാവൽക്കാരൻ]

അങ്ങനെ കോടികൾ വിലമതിക്കുന്ന വണ്ടികൾ വെയിലത്ത് തിളങ്ങി നിൽക്കുന്നു.

പക്ഷേ, എന്റെ കണ്ണുകൾ ഉടക്കിയത് അതിലൊന്നിലുമല്ല. ആ നിരയുടെ ഏറ്റവും ഒടുവിലായി, രാജകീയ പ്രൗഢിയോടെ കിടക്കുന്ന ആ കറുത്ത സുന്ദരിയിൽ!

റോൾസ് റോയ്സ്!

അതേ എന്റെ അനുവിന്റെ വണ്ടി! മറ്റ് കാറുകളെല്ലാം അതിന് മുന്നിൽ വെറും കളിപ്പാട്ടങ്ങൾ പോലെ തോന്നി....

ഞാൻ വെറുതെ ഒന്ന് കണക്കുകൂട്ടി നോക്കി.

ഞാനിപ്പോ തുടങ്ങാൻ പോകുന്ന ആ ടെക്സ്റ്റൈൽ ഷോപ്പിൽ നിന്ന് കിട്ടുന്ന ലാഭം വെച്ച്, ഇതിലൊരു വണ്ടിയുടെ ടയർ എങ്കിലും വാങ്ങാൻ പറ്റുമോ? ഇതിൽ ഏതെങ്കിലും ഒന്ന് സ്വന്തമാക്കണമെങ്കിൽ ഞാൻ എത്ര കാലം പണിയെടുക്കണം? അല്ല, എത്ര ജന്മം ജനിക്കണം?

എന്റെ ഉള്ളൊന്നു കാളി.

ഇത്രയും വലിയ സാമ്രാജ്യത്തിന്റെ അവകാശിയായ അനു എവിടെ, ഞാൻ എവിടെ!

കാർ പോർട്ടിക്കോയിൽ ചെന്ന് നിന്നു. ഡ്രൈവർ ഡോർ തുറന്നു തന്നപ്പോൾ, കാല് നിലത്തു കുത്താൻ എനിക്ക് പേടി തോന്നി. ആ മാർബിൾ തറയിൽ എന്റെ കാലിലെ ചെളി പറ്റുമോ എന്നൊരു ഭയം.....

പക്ഷേ പെട്ടെന്ന്‌ തന്നേ അതിന്റെ ഉത്തരമെന്നോണം എന്റെ മനസ്സ് എന്നോട് തന്നെ കലഹിക്കാൻ തുടങ്ങി...

"ഛെ! എന്താടാ അഭിമന്യു നീ ഈ കാണിക്കുന്നത്?"

ഞാൻ സ്വയം ചോദിച്ചു.

"അഭിമന്യു എന്ന പേരും വെച്ചിട്ട്, കുറച്ച് സിമന്റും കമ്പിയും കൊണ്ട് ഉണ്ടാക്കിയ ഈ കെട്ടിടത്തിന് മുന്നിൽ, ഈ കിടക്കുന്ന ഇരുമ്പ് കൂട് കണ്ട് മുട്ട് വിറച്ചു നിൽക്കാൻ നിനക്ക് നാണമില്ലേടാ?"

എന്റെ ഉള്ളിലെ അഭിമാനം ഉണർന്നു.

"പത്മവ്യൂഹം തകർത്തു കയറിയവന്റെ പേരാടാ നിന്റെ... അല്ലാതെ പണപ്പെട്ടിയുടെ മുന്നിൽ പകച്ചു നിൽക്കുന്നവന്റെയല്ല. അവൾ