Chapter Title : Love Or Hate 08 [Rahul Rk]

വിഷമിപ്പിക്കാൻ വേണ്ടി പറഞ്ഞതല്ല... പക്ഷേ അത് പോലൊരു തെറ്റ് ഇനി നീ ആവർത്തിക്കരുത്... നീ അത്രയും സീരിയസ് ആണെങ്കിൽ മാത്രം ഇതുമായി മുന്നോട്ട് പോയാൽ മതി... വിഷ്ണു: അല്ല അവളോട് ഇതിനെ പറ്റി വല്ലതും പറഞ്ഞോ..?? ഷൈൻ: ഇല്ല ഞാൻ നാളെ പറഞ്ഞാലോ എന്ന് ആലോചിക്കുകയാണ്.. ഇനിയും വൈകിപ്പിച്ചിട്ട്‌ കാര്യം ഇല്ലല്ലോ... അരവിന്ദ്: അതെ.. അതാണ് നല്ലത്.. നീ ആദ്യം അവളെ പോയി കണ്ട് എല്ലാം തുറന്ന് സംസാരിക്.. അവളുടെ റസ്പോൺസ് അറിഞ്ഞിട്ട് നമുക്ക് ബാക്കി നോക്കാം... ഷൈൻ: ഓകെ... പിന്നെയും കുറെ നേരം അവർ പതിവ് പോലെ അവിടെ ഇരുന്ന് ഓരോന്ന് സംസാരിക്കുകയും കളിക്കുകയും ചിരിക്കുകയും ഒക്കെ ചെയ്തു... വൈകുന്നേരം പതിവ് സമയത്തിനും വൈകി ആണ് ഷൈൻ വീട്ടിലേക്ക് ചെന്നത്...

മുറ്റത്ത് അളിയന്റെ കാർ കിടക്കുന്നത് കണ്ടപ്പോൾ തന്നെ ചേച്ചിയും അളിയനും വന്നിട്ടുണ്ട് എന്ന് ഷൈനിന് മനസ്സിലായി...ഷൈനിന്റെ അളിയൻ ഇപ്പൊൾ പോലീസ് ജോലി ഒക്കെ ഉപേക്ഷിച്ച് ഒരു കോളേജിൽ ലെച്ചറർ ആയി ജോലി ചെയ്യുകയാണ്.. അതാണ് സേഫ് എന്നാണ് അങ്ങേരു പറയുന്നത്... ഷൈൻ വാതിൽ തുറന്ന് അകത്ത് കയറിയതും എല്ലാവരും ഇരുന്ന് ഭക്ഷണം കഴിക്കുന്നത് ആണ് കണ്ടത്.. ഷൈനിനെ കണ്ടതും അമ്മച്ചി വിളിച്ചു... അമ്മച്ചി: വാടാ.. വന്ന് ഇരിക്ക്‌... ഷൈൻ തോളിൽ ഇട്ടിരുന്ന കോട്ട്‌ സോഫയിലേക്ക് ഇട്ട് ഒരു കസേര വലിച്ച് അവരുടെ കൂടെ ഇരുന്നു... ഷൈൻ ഇരുന്നതും പപ്പ അൽപം ഗൗരവത്തോടെ ചോദിച്ചു.. അല്ല പുള്ളി എപ്പോഴും അങ്ങനെ തന്നെ ആണ്.. പപ്പ: എവിടെ ആയിരുന്നു നീ ഇത്ര നേരം...?? ഷൈൻ: ഞാൻ.. കൂട്ടുകാരുടെ കൂടെ ഒന്ന് പുറത്ത് പോയി... പപ്പ: കറക്കം കുറച്ച് കൂടുന്നുണ്ട്.. കമ്പനി കാര്യങ്ങൾ ഒക്കെ നീ നോക്കും എന്ന ധൈര്യത്തിൽ ആണ് ഞാൻ എല്ലാം അങ്ങ് കയ്യിൽ തന്നത്.. ആ പ്രതീക്ഷ നീയായിട്ട്‌ തെറ്റിക്കരുത്... ഷൈൻ: ഇല്ല പപ്പ... ഷൈനിനെ അവസരം കിട്ടുമ്പോൾ ഒക്കെ പപ്പ ഇങ്ങനെ വിരട്ടാർ ഉള്ളതാണ്.. ഇനിയും എന്തെങ്കിലും പറയും എന്നുള്ളത് കൊണ്ട് അമ്മച്ചി അതിനൊരു ബ്ലോക്ക് ഇട്ടു... അമ്മച്ചി: നിങ്ങള് ഒന്ന് ചുമ്മാ ഇരുന്നെ..