Chapter Title : മാളവിക 11 [Abhisha]

കാർ എടുത്തുകൊണ്ട് തനിച്ചു പുറത്തേക്ക് പോകുക എന്നത് അവൾക്ക് അത്രകണ്ട് താല്പര്യമുള്ള ഒന്നായിരുന്നില്ല. അവൾ തിരിഞ്ഞ് അമ്മയോടും അമ്മായിയോടും പറഞ്ഞു:

"അയ്യോ വേണ്ട അമ്മേ... ഞാൻ ബസ്സിൽ പൊയ്ക്കോളാം. ബസ്സിൽ പോകുന്നതാണ് എനിക്ക് സുഖം. കാറൊക്കെ എടുത്തുകൊണ്ട് പോകാൻ എനിക്ക് എന്തോ ഒരു മടി..."

പക്ഷേ, അമ്മയും അമ്മായിയും അത് കേൾക്കാൻ തയ്യാറായില്ല. അവർ അവളെ കൂടുതൽ നിർബന്ധിക്കാൻ തുടങ്ങി:

"ഏയ്, അതൊന്നും നടക്കില്ല! രാവിലെതന്നെ ബസ്സിൽ കയറി തിക്കിത്തിരക്കി പോകേണ്ട യാതൊരു കാര്യവുമില്ല. നീ വണ്ടിയുടെ താക്കോൽ എടുത്തോളൂ, കാർ എടുത്തു തന്നെ പോകണം. ഞങ്ങൾ പറയുന്നത് അനുസരിക്ക്."

ഒടുവിൽ അമ്മയുടെയും അമ്മായിയുടെയും ആ കർശനമായ നിർബന്ധത്തിന് മുന്നിൽ പിടിച്ചുനിൽക്കാൻ കഴിയാതെ മാളവിക സമ്മതിച്ചു. അവൾ മേശപ്പുറത്തുണ്ടായിരുന്ന കാറിന്റെ താക്കോൽ എടുത്തു.

മനസ്സിനുള്ളിൽ വല്ലാത്തൊരു അങ്കലാപ്പോടെ അവൾ ഗ്യാരേജിൽ കിടന്നിരുന്ന കാർ എടുത്തു പുറത്തേക്ക് ഇറങ്ങി.

കാറോടിച്ച് കുറച്ചുദൂരം പിന്നിട്ടപ്പോൾ, വണ്ടിയുടെ പെട്രോൾ കുറഞ്ഞത് അവൾ ശ്രദ്ധിച്ചു.അതുകൊണ്ട് അവൾ നേരെ റോഡരികിലുള്ള ആ പെട്രോൾ പമ്പിലേക്ക് കാർ വെട്ടിച്ചു.

കാർ പമ്പിന്റെ നോസിലിന് അരികിൽ നിർത്തി, അവിടെയുണ്ടായിരുന്ന ജീവനക്കാരനോട് അവൾ കാറിൽ പെട്രോൾ അടിക്കാൻ ആവശ്യപ്പെട്ടു.

പെട്രോൾ അടിച്ചുകൊണ്ടിരിക്കുന്ന ആ സമയത്ത്, അവളുടെ കാറിന്റെ ഡാഷ്ബോർഡിൽ വെച്ചിരുന്ന ഫോൺ പെട്ടെന്ന് റിങ് ചെയ്യാൻ തുടങ്ങി. അവൾ സ്ക്രീനിലേക്ക് നോക്കിയപ്പോൾ—അത് രാഹുൽ ആയിരുന്നു!

ഇന്നലെ രാത്രി താൻ മെസ്സേജ് അയച്ചപ്പോൾ ജോലിത്തിരക്കിലാണ് എന്ന് പറഞ്ഞ രാഹുൽ ആണ് ഇപ്പോൾ തിരിച്ച് വിളിക്കുന്നത്.

അവൾ പെട്രോൾ അടിച്ചു കഴിഞ്ഞു വണ്ടി പമ്പിന്റെ സൈഡിൽ ഒതുക്കി നിർത്തി.മാളവിക ഫോൺ എടത്ത്