Chapter Title : മാഷിനെ പ്രണയിച്ച ടീച്ചറും കുട്ടികളും 10 [SAMI]

“അല്ലെടി. ഹൈദ്രബാദ് എന്ന് പറഞ്ഞാൽ യാത്ര തന്നെ വലിയ കാര്യമാണ്.”

മനു എയ്ഞ്ചലിനെ നോക്കി.

“നീ എന്താ ഒന്നും പറയാത്തത്?”

അവൾ അവനെ നോക്കി.

“എല്ലാം നിങ്ങൾ പറഞ്ഞോളൂ…”

ശബ്ദം ശാന്തമായിരുന്നു.

പക്ഷേ മനുവിന് ആ ശാന്തതയ്ക്കുള്ളിലെ പിണക്കം വ്യക്തമായിരുന്നു.

“ശരി… ആദ്യം ടൂർ തന്നെ തീരുമാനിക്കാം.”

അവൻ വീണ്ടും ലക്ഷ്മിയിലേക്ക് തിരിഞ്ഞു.

“മൈസൂർ, ഊട്ടി, കൊടൈക്കനാൽ… ഇതൊക്കെ എല്ലാവരും പോയിട്ടുണ്ടെന്ന് പറഞ്ഞതുകൊണ്ട് മാത്രം ഹൈദ്രബാദ് പോകണമെന്നില്ല.”

“പുതിയ സ്ഥലം വേണം സാർ,” ലക്ഷ്മി പറഞ്ഞു.

“സ്ഥലം കാണാൻ മാത്രമല്ലല്ലോ ടൂർ.”

മനുവിന്റെ ശബ്ദം ശാന്തമായി.

“ഒരുമിച്ച് പോകുന്നതും, യാത്ര ചെയ്യുന്നതും, എല്ലാവരും ചേർന്ന് സമയം ചെലവഴിക്കുന്നതുമാണ് പ്രധാനപ്പെട്ടത്.”

ആ വാക്കുകൾ കേട്ട് മൂവരും മിണ്ടാതായി.

“പിന്നെ ഹൈദ്രബാദ് എന്നൊക്കെ പറഞ്ഞാൽ,” മനു തുടർന്നു, “ചിലവ് നല്ല രീതിയിൽ കൂടും. എല്ലാവർക്കും അത് എടുക്കാൻ പറ്റണമെന്നില്ല.”

ലക്ഷ്മി തലകുനിച്ചു.

“അതും ശരിയാണ്…”

ആർദ്ര പതുക്കെ പറഞ്ഞു—

“വയനാട് മതിയെടാ…”

അവളുടെ മുഖത്ത് ഒരു ചെറിയ ചിരി.

“അവിടെ ഇപ്പോ നല്ല തണുപ്പായിരിക്കും.”

“അതെ,” മനു ചിരിച്ചു. “നിങ്ങൾക്ക് ടൂർ കഴിഞ്ഞ് വന്നിട്ട് പനി പിടിച്ചു ഒരാഴ്ച്ച ലീവും എടുക്കാം.”

ആർദ്ര ചിരിച്ചു.

“അത് സാർ നോക്കിക്കോളും.”

“ഞാനോ?”

“ഹാ.”

“എനിക്ക് ഇത്രയും ഉത്തരവാദിത്വമുണ്ടോ?”

ലക്ഷ്മി ഉടൻ പറഞ്ഞു—

“ഉണ്ട് സാർ.”

“എന്ത് ഉത്തരവാദിത്വം?”

“ഞങ്ങളെ കൊണ്ടുപോകാനുള്ളത്.”

“അത് സ്കൂളിന്റേതാണ്. എന്റേതല്ല.”

“പക്ഷേ ഞങ്ങൾ തീരുമാനിച്ചിരിക്കുന്നത് സാറിനെയും മെഹർ മിസ്സിനെയും കൂടെ കൊണ്ടുപോകണമെന്നാണ്.”

മനുവിന്റെ ചിരി ഒരു നിമിഷം മങ്ങിയെങ്കിലും, അത് ആരും ശ്രദ്ധിച്ചില്ല.

“നിങ്ങൾ ആദ്യം നിങ്ങളുടെ