❤️മായേച്ചി തുറന്ന പറയാൻ മടിച്ച പ്രണയ പുസ്തകം 1 [Garuda]

എനിക്ക് സന്തോഷം വരാൻ തുടങ്ങി.

""അപ്പോ ഇനിയെന്താ നമ്മുടെ പ്ലാൻ "" ആകാംഷയോടെ ഞാൻ ചോദിച്ചു..

""ഒന്നടങ്ങു ചെക്കാ.. നിന്നെ കുറിച്ച് ഞാൻ ചോദിച്ചു.. "" അത് കേട്ടത്തോടെ എന്റെ നെഞ്ച് പെട പെടാന്നിടിക്കാൻ തുടങ്ങി..

""അയ്യോ അതെന്തിനാ അങ്ങനെ ചോദിച്ചേ.. എനിക്കപഴേ തോന്നി.. അവളെന്തു വിചാരിച്ചു കാണും ""

""നീയാദ്യം പറയുന്നത് കേൾക്കു.. നിന്റെ കയ്യിൽ നീ വരച്ച അവളുടെ ഫോട്ടോയുണ്ടെന്നാണ് പറഞ്ഞെ.. എന്നോട് അതെന്തിനാ വരച്ചതെന്നു ചോദിച്ചു.. ഞാൻ പറഞ്ഞു നിന്നോട് ചോദിക്കാൻ...""

""കുളമായി.. എല്ലാം കുളമായി. എന്നാലും ചേച്ചി എന്ത് പണിയാ കാണിച്ചേ?""

""എടാ പൊട്ടാ.. അവൾക്കൊരു പ്രശ്നവുമില്ല.. നീയൊരു പേടിയും പേടിക്കണ്ട.. ആരുടേം മുമ്പിൽ വച്ചു അവൾ ചോദിക്കില്ല.. ""

""പിന്നെ ""

""നിങ്ങളുടെ ടൂർ വരുന്നില്ലേ.. അന്ന് അവൾ നിന്നോട് ചോദിച്ചോളും. അതൊക്കെ ഞാൻ പറഞ്ഞു സെറ്റ് ആക്കിയിട്ടുണ്ട്.. എന്റെ അഭിപ്രായത്തിൽ അവൾക്കു നിന്നോട് എന്തോ ഉണ്ട്.. നമുക്ക് നോക്കാം "" അത് കേട്ടത്തോടെ എനിക്ക് അൽപ്പം സമാധാനമായി..

""അതുകൊള്ളാം.. പക്ഷെ അന്നവൾ പ്രശ്നമൊന്നും ഉണ്ടാകില്ലല്ലോ ""

""അതിനു നീയവളെ കേറിപ്പിടിച്ചിട്ടൊന്നുമില്ലല്ലോ. ഒരു പേടിയും പേടിക്കണ്ട.. ബാക്കിയൊക്കെ ഞാൻ വീട്ടിൽ നിന്നും പറഞ്ഞു തരാം.. ഇപ്പോൾ ക്ലാസ്സിൽ കയറട്ടെ ട്ടോ "" എന്റെ കയ്യിലൊരു പിച്ചും തന്നു ചേച്ചി പോയി..

ചേച്ചിയാള് കൊള്ളാലോ.. എത്രപെട്ടെന്നാ കാര്യങ്ങൾ നീക്കുന്നെ.. ബാക്കി വരുന്നിടത്തു വച്ചു കാണാം.. ക്ലാസ്സിൽ കയറിയ ഞാൻ ആദ്യം നോക്കിയത് സ്വാതിയെ ആയിരുന്നു. എന്നെ മൈൻഡ് ചെയ്യാതെ അവൾ കൂട്ടുകാരികളോട് സംസാരിച്ചിരിക്കുന്നു.. അവളെ നോക്കാൻ സത്യത്തിൽ ഒരു പേടി തോന്നി.. അങ്ങനെ അടുത്തമാസം കോളേജിൽ നിന്നും ടൂർ പോകാൻ തീരുമാനിച്ചു.. മൈസൂർ!! എല്ലാവരും അംഗീകരിച്ചു.. അപ്പ്രൂവലിനു വേണ്ടി ഓഫീസിൽ സബ്‌മിറ്റ് ചെയ്യുകയും ചെയ്തു.. അന്ന് കോളേജിൽ പരമാവധി ഞാൻ സ്വാതി കാണാതെ മുങ്ങി നടന്നു..

വീട്ടിലെത്തിയതും ചേച്ചിയുടെ അടുത്തേക്ക് ഞാൻ ഓടി.. കോളേജ് പ്രായമാണെങ്കിലും പ്രണയത്തിന്റെ വിഷയത്തിൽ എല്ലാവർക്കും പേടിയാണ്.. പൈങ്കിളിയാണ്.. അതിനി ഏത് രാജാവ് വന്നാലും മാറില്ല..

വീട്ടിലെത്തിയതും ചേച്ചി ഡ്രസ്സ്‌ മാറുന്നത് നോക്കാതെ ഞാൻ അകത്തു കയറി.. അവൾ ആ സമയത്തു ഒരു ടോപ്പും ഡ്രസ്സ്‌ മാറാനായി ഒരു മുണ്ടും ഉടുത്തിരുന്നുള്ളു.. എന്നെ കണ്ടതും ചേച്ചി ഒന്ന് പതറി!.

""എന്താടാ ഒന്ന് മുട്ടിയിട്ട് വന്നൂടെ "" അവളുടെ പതർച്ച ആ വാക്കുകളിൽ കാണാമായിരുന്നു.

""പൊന്ന് ചേച്ചി മുട്ടിയിട്ട് തന്നെയാ വന്നേ.. ഇനിയും ചേച്ചിയോട് സംസാരിച്ചില്ലെങ്കിൽ എനിക്ക് ശ്വാസം മുട്ടും "" അവളുടെ വേഷം ശ്രദ്ധിക്കാതെ ഞാൻ പറഞ്ഞു..

""നീയിത്ര പാവമായല്ലോ.. ഇപ്പോൾ എന്താ പ്രശ്നം. അവളെന്തെങ്കിലും പറഞ്ഞോ?"" എന്റെ അടുത്ത് അതെ ഡ്രെസ്സിൽ വന്നിരുന്നവൾ പറഞ്ഞു.

""ഒന്നും പറഞ്ഞില്ല.. പക്ഷെ അവളുടെ നോട്ടം എനിക്കങ്ങു പിടികിട്ടുന്നില്ല.. ആ നോട്ടത്തിൽ ഞാൻ ദഹിച്ചു പോയെന്നു തോന്നി.. അവളെ കാണാതെ നടക്കേണ്ട അവസ്ഥായാണിപ്പോൾ ""

""Da മോനെ നീ ആൺകുട്ടികളുടെ വില കളയരുത്.. നീ ഒരു മണ്ടനാണെന്ന് അവൾക്കു തോന്നരുത്.. അവളുടെ മുമ്പിൽ കൂടി തലയുയർത്തി നടക്കണം.. അവളോട്‌ നോർമൽ