Chapter Title : മധുര പതിനെട്ടിൽ ആയിഷ 5 [ഗില്ലി ബാല]

വെറുതെ ഓരോന്ന് പറഞ്ഞു ചൂടാവണ്ട. എനിക്ക് എന്റെ കാര്യങ്ങൾ അറിയാം. ഇക്ക വന്ന സ്ഥിതിക്ക് ഇക്ക തന്നെ പൊക്കോ," അജു വിട്ടുകൊടുക്കാൻ തയ്യാറായിരുന്നില്ല.

​ഭക്ഷണമേശയിൽ സഹോദരങ്ങൾ തമ്മിൽ വാക്കുകൾ കൊണ്ട് തർക്കം മുറുകി. പുറത്ത് മഴ പെയ്യാൻ തുടങ്ങുന്നതുപോലെ അന്തരീക്ഷം ഇരുണ്ടു കൂടിയിരുന്നു. മുറിക്കുള്ളിൽ ഫൈസിയുടെയും അജുവിന്റെയും തർക്കം നടക്കുമ്പോൾ, കുളി കഴിഞ്ഞ് ഈറൻ മണക്കുന്ന ശരീരവുമായി പടികൾ ഇറങ്ങി വരുന്ന ഐഷു ഇതൊന്നും അറിയുന്നുണ്ടായിരുന്നില്ല.

​​അകത്തെ മുറിയിലെ തർക്കം മുറുകുന്നതിനിടയിലാണ് കുളി കഴിഞ്ഞ് ഈറൻ മുടിയുമായി ഐഷു താഴേക്ക് എത്തിയത്.

നേരിയ നനവുള്ള നീല ചുരിദാറിൽ അവൾ വല്ലാതെ തിളങ്ങുന്നുണ്ടായിരുന്നു. പടികൾ ഇറങ്ങി വരുമ്പോൾ തന്നെ ഡൈനിങ് ടേബിളിലിരുന്ന് ഇക്കയും അനിയനും പരസ്പരം പോർവിളിക്കുന്നത് അവൾ കേട്ടു.

​"എന്താടാ രണ്ടും കൂടി ഇവിടെ? വന്നിട്ട് ഒരു മണിക്കൂർ ആയതേ ഉള്ളൂ... അപ്പോഴേക്കും തുടങ്ങിയോ കോഴിപ്പോര്?" ഐഷു ഒരു കള്ളച്ചിരിയോടെ അവരുടെ അടുത്തേക്ക് വന്ന് ചോദിച്ചു.

​ഫൈസി ഗൗരവത്തിൽ ഐഷുവിനെ നോക്കി.

"നീ കേൾക്ക് ഐഷൂ... നാളെ പാർലറിലെ ആവശ്യത്തിന് ഇവനോട് കോയമ്പത്തൂർ വരെ ഒന്ന് പോകാൻ പറഞ്ഞതാ. എനിക്ക് വല്ലാത്ത ബോഡി പെയ്‌ൻ ഉണ്ട്. ഇവൻ അത് കേൾക്കാതെ കളി എന്നും പറഞ്ഞ് ഒഴിയുവാ."

​അജു ഉടനെ ഇട കേറി. "അതല്ല ഐഷൂ... ഈ മാസം ഫുൾ ഞങ്ങൾക്ക് ടൂർണമെന്റ് ആണ്. ഞാൻ ടീമിലെ മെയിൻ വിങ്ങർ ആണ്. ഞാൻ പോയാൽ കളി മൊത്തം പാളും.
ഇക്കയ്ക്ക് വേണമെങ്കിൽ ഒരാഴ്ച കഴിഞ്ഞ് പോകാം, അല്ലെങ്കിൽ വേറെ ആരെങ്കിലും വിടാം. അതിന് എന്നെ നിർബന്ധിക്കുന്നതാ."

​ഐഷു അല്പനേരം