Chapter Title : മധുരിമ [മധുരിമ]

അവളെ മനസ്സുകൊണ്ട് ഭോഗിച്ചു കഴിഞ്ഞിരുന്നു. ഒടുവിൽ അവളുടെ ഫെയ്സ് ബുക്കിലേക്ക് മെസേജ് അയച്ച് കാര്യം അവതരിപ്പിച്ചപ്പോൾ മധുരിമയുടെ മറുപടി തനിക്ക് വിലയൽപ്പം കൂടുതലാണെന്നാണ്. എന്നാൽ രാഹുലിന് വില ഒരു പ്രശ്നമേ അല്ലായിരുന്ന. ആ കാര്യം അറിയിച്ചപ്പോൾ കൊച്ചിയിലെത്തുന്ന ദിവസം നേരിട്ടു കാണാമെന്ന് മധുരിമ അറിയിച്ചു.

കൊച്ചിയിലെത്തുന്ന ആദ്യ ദിവസം തന്നെ അവളെ നേരിട്ടു കാണണം എന്ന് രാഹുൽ തീരുമാനിക്കുന്നു. കൊച്ചിയിലെത്തിയ ശേഷമാണ് അന്ന് തന്നെ രാത്രി 7 മണിക്ക് മീറ്റിംഗ് അറ്റന്റ് ചെയ്യണം എന്ന് രാഹുൽ അറിയുന്നത്. എന്നാൽ അവൻ ഇന്ന് തന്നെ മധുരിമയെ കാണാൻ അതിയായി ആഗ്രഹിച്ചിരുന്നു. അതുകൊണ്ട് തന്നെ മീറ്റിംഗിൽ പങ്കെടുക്കുന്നതിന് മുൻപ് അവളെ കണ്ടിട്ടുപോകാൻ രാഹുൽ തീരുമാനിക്കുന്നു. രാഹുലിന്റെ വരവിന്റെ ഉദ്ദേശങ്ങൾ എല്ലാം നേരത്തെ തന്നെ അവൻ മധുരിമയെ അറിയിച്ചിരുന്നു. അതുകൊണ്ട് തന്നെ അവന്റെ തിരക്ക് കണക്കാക്കി വൈകിട്ട് 5 മണിക്ക് നേരിൽ കാണാം എന്ന് മധുരിമ അറിയിച്ചു. അതിനായി ഒരു കോഫീഷോപ്പും അവൻ തിരഞ്ഞെടുത്തു. പറഞ്ഞ സമയത്തിനും മുൻപേ രാഹുൽ അവിടെ എത്തി ഇരിപ്പുറപ്പിച്ചു.

രാഹുൽ തന്റെ മൊബൈലിലെ സമയം ഒന്നുകൂടി നോക്കി. 5 മണി കഴിഞ്ഞിരിക്കുന്നു. ഒന്നുകൂടി നിവർന്നിരുന്ന ശേഷം അവൻ ഒരു ദീർഘനിശ്വാസമെടുത്ത് വിട്ടു. ഏതു നിമിഷവും അവൾ ഇവിടേക്ക് കടന്നു വരും എന്ന ചിന്ത ആദ്യം അവനിൽ ഒരു കുളിർമ്മ ഉണ്ടാക്കി. തൊട്ടടുത്ത നിമിഷം എന്തോ ഒരു ഭയം അവന്റെ മനസ്സിലേക്ക് കടന്നുവന്നു. അത് എന്ത് എന്നാലോചിക്കും മുൻപേ അവന്റെ
ഐ ഫോൺ ബെല്ലടിച്ചു.ആദ്യബെല്ല് മുഴങ്ങി തീരുന്നതിന് മുന്നേ രാഹുൽ കാൾ എടുത്ത് ഫോൺ ചെവിയിൽ വച്ചുകഴിഞ്ഞിരുന്നു...