Chapter Title : മൈ ഡീമൻ 3 [മഹി]

കിഴക്കുനിന്നും കുമിഞ്ഞുകൂടുന്ന മേഘങ്ങൾ വർഷിച്ച മിന്നലിന്റെ പ്രകാശത്തിൽ അവന്റെ രൂപം ഒരു അസുരനെപ്പോലെ തോന്നിച്ചു....

ജോഷ്വ....അനുദ്രയുടെ അധരം മന്ത്രിച്ചു

നാൻസിയുടെ കാർ സ്റ്റാർട്ട്‌ ചെയ്ത് റിവേഴ്‌സ് എടുത്ത കാശിയും മിററിലൂടെ അവനെ കണ്ടിരുന്നു....അവന്റെ കണ്ണുകൾ കുറുകി

"Strange....."

.

.

.

.

.

.

St തെരേസ കോളേജിന്റെ പാർക്കിംഗ് ഏരിയയിൽ അരുൺ കാർ നിർത്തി ....നാലുപേരും പുറത്തേക്ക് ഇറങ്ങി.... അവൻ തങ്ങളെ ശ്രദ്ധിക്കുന്ന കുട്ടികളെയും, ക്യാമ്പസും ആകമാനം ഒന്ന് വീക്ഷിച്ചു....

ഒരു വർഷത്തിനു മുമ്പ് തങ്ങൾ കണ്ടുമുട്ടിയ ഇടം....വന്ന നാൾ മുതൽ കാശി എല്ലാവരുടെയും കണ്ണിലൊരു ക്യാമ്പസ് ഹീറോ ആയിരുന്നു.... നാൻസിയെ റാഗിംഗ് ചെയ്തതിന്റെ പേരിൽ ആദ്യദിവസംതന്നെ സീനിയേർസുമായി തല്ലുപിടിച്ച... പെൺകുട്ടികൾ നെഞ്ചിലേറ്റി നടന്ന ഒരുവൻ....

അരുണും കാശിയും സ്വദേശമായ കൊല്ലത്തെ ഒരു സർക്കാർ സ്കൂളിൽ  ഒന്നിച്ച് പഠിച്ചവരായിരുന്നു....കോളേജിന്റെ ആരംഭദിവസങ്ങളിൽ

എപ്പോഴോ അനുദ്രയും സെഫന്യയും കൂടെക്കൂടെ.... കണ്ട നാൾ മുതൽ അനുദ്ര പതുങ്ങിയ സ്വഭാവക്കാരിയാണ്..... ആഭരണങ്ങളെ വെറുക്കുന്ന, മിതമായി മാത്രം സംസാരിക്കുന്ന ഒരുവൾ....ആ സുന്ദരി എപ്പോഴോ ഹൃദയത്തിൽ കയറിപറ്റിയിരുന്നു... അനുദ്രയെ ഓർത്തതും അവന്റെ ഹൃദയം മുറുകി

പിന്നെയും ഒരുമാസത്തോളം കഴിഞ്ഞതിനു ശേഷമാണ് അഞ്ചുപേരും ഷെയർ ഇട്ട് ബൊഗൈൻ വില്ല റെന്റിനെടുത്തത്

തങ്ങൾക്കുപിന്നാലെ അരുൺ ഇല്ലെന്ന് തോന്നിയതും നാൻസി  തിരിഞ്ഞു നോക്കി.... കാറിനരികിൽ നിന്ന് അവൻ അവരെതന്നെ നോക്കി നിൽക്കുകയാണ്....

"ഡാ... വരുന്നില്ലേ...."

"ദാ വരുന്നു...."

അവൻ നിറഞ്ഞ ചിരിയോടെ അവർക്കുപിന്നാലെ ഓടി.... പത്തുമണിയോടെ ക്ലാസ്സുകൾ ആരംഭിച്ചു....ആദ്യത്തെ ഇന്റർവെല്ലിന് ശേഷമാണ് കാശി എത്തിയത്

" അവന് ഉച്ചക്ക് കഴിക്കാൻ ഭക്ഷണം എന്തെങ്കിലും ഓർഡർ ചെയ്യണ്ടേ.... "

ലഞ്ച് കഴിക്കാൻ ക്യാന്റീനിൽ ഇരുന്ന സമയം നാൻസിയുടെ വായിൽ നിന്നും ജോഷ്വ എന്ന വിഷയം അവർക്കിടയിൽ തലപൊക്കിയതും അരുണിന്റെ മുഖം ഇരുണ്ടു.... ജോഷ്വക്കുവേണ്ടി കോഫി ഇടുന്ന അനുദ്രയുടെ രൂപം അവന്റെ മനസ്സിൽ ഓടിയെത്തി

"അതിന്റെ ഒരാവശ്യവും ഇല്ല... രാവിലെ ബ്രേക്ക്‌ ഫാസ്റ്റ് കഴിക്കാൻ വിളിച്ചിട്ട് അവൻ വന്നില്ലല്ലോ...."

"എടാ അതല്ല... ടാബ്ലറ്റ് ഒക്കെ ഉള്ളതല്ലേ.... കഴിക്കാതെ ഇരുന്നാൽ എങ്ങനെയാ..."

"നിങ്ങളൊക്കെ എന്താന്ന് വച്ചാൽ കാണിക്ക്...."

അരുൺ കഴിച്ചുമതിയാക്കി എഴുന്നേറ്റ് വാഷിങ് ഏരിയിലേക്ക് നടന്നു...

"ഇവനിതെന്താ ഇങ്ങനെ.?"

അരുൺ പോയ വഴിയേ നോക്കി ആരോടെന്നില്ലാതെ നാൻസി ചോദിച്ചു.... അവൾ മൊബൈൽ എടുത്ത് സ്വിഗിയിൽ ജോഷ്വക്ക് വേണ്ടി ഫുഡ്‌ ഓർഡർ ചെയ്തു....

.

.

.

.

.

.

.

അന്ന് ക്ലാസ്സിൽ പഠിപ്പിക്കുന്നതൊന്നും