Chapter Title : മൈ ഡിയർ യക്ഷി 1 [Ganesh Gaitonde]

എൻ്റെ ഭാര്യയോട്... സാരിയോക്കെ ഉടുത്ത് തലയിൽ ഈറനുടുത്ത ഒരു സുന്ദരി.... മുഖം അത്ര വ്യക്തമല്ല.. പക്ഷേ ചെറിയ പരിചയം തൊന്നുന്നു.....

"ഓ... ഈ കൊരങ്ങനേക്കൊണ്ട് ഞാൻ തോറ്റു... ഇപ്പോ ശരിയാക്കിത്തരാട്ടോ.. കള്ള ചേട്ടാ... "

വീണ്ടും അതേ കിളിനാഥം.... ഒപ്പം എൻ്റെ കവിളിൽ ചെറിയ വേദന അനുഭവപ്പെടാൻ തുടങ്ങി.... ഒപ്പം മേത്ത് ചെറിയ ഭാരവും തോന്നുന്നു... അനങ്ങുവാൻ പറ്റുന്നില്ല.... പെട്ടെന്ന് ഒരു അമ്മേ.. എന്ന വിളി കേട്ടു.

എൻ്റെ ഭാര്യ അല്ലേ.... എൻ്റെ സൈഡിൽ കൈ കാൽ മുട്ടുകൾ കുത്തി നിന്നവളെ ഇരു കൈകൾ കൊണ്ട് വരിഞ്ഞ് മുറുക്കി ഇടത്തോട്ട് മറിഞ്ഞതാണ്....

" കടിക്കാതെ ഒരു ഉമ്മ താടി പെണ്ണേ നിൻ്റെ കെട്ടിയോന്....."

ഞാൻ എൻ്റെ മേലെ കിടക്കുന്നവളോട് പറഞ്ഞ് ചുണ്ട് കൂർപ്പിച്ചു....
കവിളിൽ വീണ്ടും ഒരു കടിയാണ് അതിന് പകരം കിട്ടിയത്...ഞാൻ കണ്ണുകൾ തുറക്കുവാൻ അൽപ്പം പാട് പെട്ടു...ചെറിയ വേദനയും ഉണ്ട്...

ഞാൻ കണ്ണുകൾ തുറക്കുവാൻ തുടങ്ങി... ഒപ്പം ഒരു കുടുകുട ചിരിക്കുന്ന ശബ്ദം കേട്ടു....

എനിക്ക് അങ്ങ് പൊളിഞ്ഞു... ഭാര്യ ആയാൽ ഇത്രയ്ക്ക് അഹങ്കാരമോ.... അവളെ എൻ്റെ മേലെ നിന്ന് തള്ളി മാറ്റി ഒരെണ്ണം കൊടുക്കുവാൻ നോക്കിപ്പോ എൻ്റെ കിളി പോയി.... അടിക്കുവാൻ കൈ ഓങ്ങുന്നതിന് ഒപ്പം ഞാൻ കണ്ണുകൾ തുറന്നിരുന്നു.

"ഏഹ്.....നീ.... എന്താ ഇവിടെ.... "

ഞാൻ ബെഡിൽ നിന്ന് ചാടി ഇറങ്ങിക്കൊണ്ട് പറഞ്ഞു. സ്വപ്നത്തിലെ സുന്ദരിയായ ഭാര്യയെ കെട്ടിപ്പിടിച്ച് കിടന്ന ഞാൻ കണ്ണു തുറന്നു പെട്ടെന്ന് അമ്മുക്കുട്ടിയെ കണ്ടപ്പോ എൻ്റെ കിളി പോയി...

പെട്ടെന്ന് എന്താ ചെയ്യണ്ടേ എന്ന പോലെ ആയി.