Chapter Title : മൈ ഡിയർ യക്ഷി 2 [Ganesh Gaitonde]

കഴിയുമ്പോൾ ഇങ്ങനെ തന്നെ നിന്നാതി.....ഇപ്പോഴത്തെ സ്റ്റുഡൻ്റ്സ് യൂണിയൻ ഏരിയ സെക്രട്ടറി ആരാണാവോ ഇപ്പോ... മുൻപ് എനിക്ക് പരിചയം ഉള്ള ഒരു സുഹൃത്ത് ആയിരുന്നു... എന്നാലും എന്തെങ്കിലും പ്രശ്നം ഉണ്ടെങ്കിൽ വിളിക്കാം ഒരു സേഫ്റ്റിക്ക്... എന്തായാലും ഒരു ഗാങ്ങിനെ ഒറ്റക്ക് നേരിടാൻ സാധാരണ മനുഷ്യന്മാരെക്കൊണ്ട് സാധിക്കില്ല... എന്തായാലും നമുക്ക് സമാധാനം ആണ് വലുത്... 🕊️ PEACE...☮️

ഞങ്ങൾ ഇരു ഡോറും തുറന്ന് പുറത്തേക്ക് ഇറങ്ങി... ഞാൻ കോളേജിനെ മൊത്തത്തിൽ ഒന്ന് നോക്കി... അമ്മു വേഗം വന്നു എൻ്റെ ഇടതുകൈക്കുള്ളിലൂടെ ചൂഴ്ന്നു കേറി വലതുകൈകൊണ്ട് എന്നെ വട്ടം പിടിച്ചുകൊണ്ട് നടന്നു... ഞാൻ അമ്മുനെ നോക്കിപ്പോ അവളെ ചേർത്ത് പിടിക്കാൻ കണ്ണുകൊണ്ട് കാണിച്ചു... ചെറിയ യാചന ഭാവത്തോടെ...

ഞാൻ അവളെ ഒന്നു കണ്ണുരുട്ടിക്കൊണ്ട് ഇടതുകൈ എടുത്ത് അമ്മുൻ്റെ ഷോൾഡറിന് താഴേക്കൂടി മെല്ലെ ചുറ്റിപ്പിടിച്ചുകൊണ്ട് നടന്നു...

ഇപ്പോ അമ്മു ലേശം ഉഷാറായ പോലെ ആയി... ഞാൻ മനസ്സിൽ പറഞ്ഞു ഇതൊന്നും അത്ര നല്ലതല്ല...

ഞങ്ങൾ അമ്മുൻ്റെ ഫ്രണ്ട്‌സിൻ്റെ അടുത്ത് എത്തി... അവരെ കണ്ടതും

അമ്മു എന്നെ പരിചയപ്പെടുത്താൻ തുടങ്ങിയതും... അപ്പൊൾ തന്നെ പിള്ളേര് രണ്ടും "ശ്രുതിടെ ജിത്തേട്ടൻ അല്ലെ" എന്ന് ഒരേ സ്വരത്തിൽ ചോദിച്ചു...

ഞാൻ അതേ എന്ന് മൂളി...

ഞാൻ അത്രയ്ക്ക് ഫേമസ് ആയോ... അവരുടെ ചോദ്യം കേട്ട ഞാൻ എന്നോട് തന്നെ ചോദിച്ചു...

"ചേട്ടനെ കുറിച്ച് ശ്രുതി എപ്പോഴും പറയാറുണ്ട്.. ഞങ്ങൾക്ക് എല്ലാം അറിയാ... ശ്രുതി ഞങ്ങളോട് എല്ലാം പറയാറുണ്ട്... "

എനിക്ക് ചെറിയ ചമ്മൽ വന്നു... പക്ഷേ അവർ തുടർന്നുകൊണ്ടേയിരുന്നു...

"എൻ്റെ ജിത്തേട്ടൻ അങ്ങനെയാണ് ഇങ്ങനെയാണ് എന്നെ ഭയങ്കര