Chapter Title : മൈ ഡിയർ യക്ഷി 2 [Ganesh Gaitonde]

ഇഷ്ടാണ്... എനിക്ക് ഇഷ്ടമുള്ളതൊക്കെ വാങ്ങിത്തരും എന്നൊക്കെ കുറേ പറയാറുണ്ട്... മാത്രമല്ല കോളേജിന്നു ടൂർ പോരുന്നുണ്ടൊന്ന് ചോദിച്ചപ്പോ ഇവള് പറഞ്ഞത് എൻ്റെ ജിത്തേട്ടൻ്റെ കൂടെ ഞാൻ വേറെ സ്ഥലത്ത് പൊയ്ക്കോളാം എന്നാണ്... "

എൻ്റെ ആറ്റുകാൽ അമ്മച്ചി... നാറ്റിച്ചു... ഈ പെണ്ണിനെക്കൊണ്ട് തോറ്റല്ലോ...

അമ്മു എല്ലാം കേട്ട് പല്ലിളിച്ച് എന്നെ നോക്കി ചേർന്ന് നിൽക്കുന്നുണ്ട്... ഞാൻ അവളെ നോക്കി തരാട്ടാ എന്ന് പറഞ്ഞു തല അനക്കി...

ഞാൻ ആകെ വിളറി വിയർക്കാൻ തുടങ്ങി... അല്ലെങ്കിൽ തന്നെ പെൺപിള്ളേരോട് കേറി മുട്ടാൻ സ്‌കിൽ കുറവുള്ള ആളാണ് ഞാൻ... കൂട്ടത്തിൽ അമ്മുവിൻ്റെ കഥകൾ കൂടി ആയപ്പോ പൂർത്തിയായി...

ഡിഗ്രി സെക്കൻഡ് ഇയറിൽ വച്ച് ഒരുത്തിയോട് ചെറിയ ഇഷ്ടം ഉണ്ടായിരുന്നു... അത് അവളോട് പറഞ്ഞപ്പോ ഓൺ ദി സ്പോട്ടിൽ അവൾ റിജെക്റ്റ് ചെയ്തു... അതെപ്പിന്നെ ആരോടും അങ്ങനെ ഇഷ്ടം തോന്നിട്ടില്ല... അമ്മുനോട് ഒഴിച്ച്... അത് എന്ത് തരത്തിലുള്ള ഇഷ്ടം ആയിരുന്നു എന്നത് എനിക്ക് ഇതുവരെ മനസ്സിലായിട്ടില്ല.... ശെ ശെ... മാറ്ററിൽ നിന്ന് പോയി...

ഞങൾ ഓരോന്ന് സംസാരിച്ചു ഇന്നത്തെ പരിപാടിയെ കുറിച്ച് ഒക്കെ... അമ്മു ക്ലാസ്സിൽ എങ്ങനെയാ എന്ന് ചോദിച്ചപ്പോ ടീച്ചർമാർക്കൊക്കെ നല്ല ഇഷ്ടം ആണ് ഇവളെ എന്ന് പറഞ്ഞു...അത് എനിക്ക് അറിയാവുന്ന കാര്യം ആണ്... അത്യാവശ്യം മാർക്കൊക്കെ ഒരു 80% ഇൽ കൂടുതൽ ഇപ്പോ വാങ്ങാറുണ്ട്... എന്നാലും ഞാൻ ചുമ്മാ ചോദിച്ചു...

അങ്ങനെ നമ്മുടെ കഥാപാത്രം ഇങ്ങെത്തി... ആ പയ്യൻ... നവിൻ... അമ്മു എന്നോട് ഒന്നൂടെ ചേർന്ന് നിന്നു....

"ഹായ് ശ്രുതി... ഞാൻ പറഞ്ഞ കാര്യം എന്തായി... എന്തേലും തീരുമാനം ആയോ...."