Chapter Title : മൈ ഡിയർ യക്ഷി 3 [Ganesh Gaitonde]

ലേശം കുറുമ്പൻ ആണെങ്കിലും കളിയാക്കിയാൽ പെട്ടെന്ന് ഡൗൺ ആകും... അമ്മു ആണെങ്കിൽ അത് അറിഞ്ഞിട്ടും എന്തെങ്കിലും കിട്ടിയാൽ അവനെ പോര് കുത്തും.. മിക്കപ്പോഴും എൻ്റെ പേരും പറഞ്ഞ് ആയിരിക്കും.. മുൻപ് പറഞ്ഞത് പോലെ തന്നെ...

"ആണോ... കൊരങ്ങി അങ്ങനെ പറഞ്ഞോ..."

ബെഡിൽ നിന്ന് എഴുന്നേറ്റ് ഇരുന്നുകൊണ്ട് ഞാൻ നന്ദുട്ടനോട് കാര്യം ഉറപ്പിക്കാൻ ചോദിക്കുന്ന പോലെ ലേശം ദേഷ്യവും ആകാംഷയും വരുത്തി ചോദിച്ചു...

നന്ദൂട്ടൻ എന്നെ നോക്കി അതെ തലയാട്ടി...

"ആഹാ... അത്രയ്ക്കായോ.. നമുക്കേ...നിൻ്റെ കൊരങ്ങി ചേച്ചിയെ ശരിയാക്കാ.... എൻ്റെ നന്ദുട്ടനേ പോര് കുത്തിലേ...അവളെ അങ്ങനെ വിട്ടാൽ ശരിയാവില്ലല്ലോ..."

അവനെ കളിയാക്കിയതിൽ അമ്മൂന് രണ്ട് കൊടുക്കാം എന്ന രീതിയിൽ പറഞ്ഞുകൊണ്ട് ഞാൻ നന്ദുട്ടനെയും കൊണ്ട് നടന്നു... ആള് ചെറുതായി ഓക്കെ ആയിട്ടുണ്ട്...

"ജിത്തുചേട്ടാ... ചേട്ടൻ ചേച്ചിക്ക് ഐസ്ക്രീം വാങ്ങി കൊടുത്തില്ലേ... എനിക്ക് തന്നിലല്ലോ..?"

നടക്കുന്ന വഴി നന്ദുട്ടൻ എന്തോ ഓർത്തെന്ന പോലെ അടുത്ത പരാതി അഴിച്ചുവിട്ടു... നന്ദുട്ടന് സ്ട്രോബറി ആണ് ഇഷ്ടം. അവന് വാങ്ങാണേൽ അതാ വാങ്ങാറ്... അതാണ് അങ്ങനെ ചോദിച്ചത്.. യക്ഷി ചെക്കനെ കണ്ട വഴി മൊത്തത്തിൽ ഒന്ന് ഇളക്കി വിട്ടു കാണും...

"അയ്യോ... ചേട്ടൻ മറന്ന് പോയിടാ.. മോന് ചേട്ടൻ വാങ്ങാതിരിക്കോ... സ്ട്രോബറി ഐസ്ക്രീംമും മൂന്ന് സ്നിക്കേഴ്സും വാങ്ങിട്ടുണ്ട് .... വലുത്.. പോരേ...."

നടക്കും വഴി പെട്ടെന്ന് തിരിഞ്ഞ് ചെറുതായി നടു വളച്ച് നന്ദുട്ടൻ്റെ താടിയിൽ പിടിച്ചുകൊണ്ട് മുഖത്ത് സന്തോഷ ഭാവങ്ങൾ വരുത്തി ഞാൻ പറഞ്ഞു.... അതിന് പകരം ആശാൻ ഒരു നല്ല ചിരി ചിരിച്ചു.. ആൾ ഹാപ്പി ആയി...

സ്‌നിക്കേഴ്‌സും സ്ട്രോബറി ഫ്ലേവർ ഐസ്ക്രീമും