Chapter Title : മൈ ഡിയർ യക്ഷി 4 [Ganesh Gaitonde]

അമ്മു ചിണുങ്ങിക്കൊണ്ട് പറഞ്ഞ് കിടന്ന് തുള്ളി...

"ആ... പോട്ടേ പോട്ടേ... വണ്ടി പോട്ടേ... ചേട്ടന് കുറച്ച് പണിയുണ്ട് മോളു...."

ഞാൻ അമ്മുവിനെ തിരിച്ച് നിർത്തി റൂമിന് വെളിയിലേക്ക് തള്ളിക്കൊണ്ട് പറഞ്ഞു...

"ന്തുന്നാ ജിത്തേട്ടാ... പ്ലീസ്... "

അമ്മു എൻ്റെ പിടിതത്തിൽ നടന്നുകൊണ്ട് തല തിരിച്ച് എന്നെ നോക്കി ചിണുങ്ങി പറഞ്ഞു...

"അമ്മൂ.... മോളേ... ചായ വേണ്ടേ മോൾക്ക്..."

കിച്ചണിൽ നിന്ന് അമ്മയുടെ വിളി എത്തി...

"ആ... ദേ നിൻ്റെ വല്യമ്മ വിളിക്കുന്നു... പോയി ചായ കുടിക്കൂ... എന്നിട്ട് എൻ്റെ അമ്മൂസ് പോയി റെഡിയായി കോളജിൽ പൊക്കോട്ടാ... "

ഞാൻ അമ്മുവിനെ തള്ളി റൂമിന് വെളിയിൽ ആക്കികൊണ്ട് പറഞ്ഞു...

വിണ്ടും അമ്മു ചിണുങ്ങികൊണ്ട് എന്നോട് അപേക്ഷിച്ചു... ഞാനത് അപ്പോൾ തന്നെ നിരസിക്കുകയും ചെയ്തു...

വീണ്ടും അവള് വായിൽ തോന്നിയത് എന്തൊക്കെയോ വിളിച്ചിട്ട് അമ്മയുടെ അടുത്തേക്ക് പോയി... പട്ടി ,തെണ്ടി , കൊരങ്ങൻ ഇതൊക്കെ തന്നെ...

ഞാൻ അവളുടെ പൊക്ക് നോക്കി ചിരിച്ചുകൊണ്ട് നിന്നു...നല്ല രസം ഉണ്ട് ഈ വേഷം. കുർത്തിയും പാവാടയും ആ കുണുങ്ങി കുണുങ്ങിയുള്ള പോക്കും...

അങ്ങനെ ഞാൻ എൻ്റെ കാര്യങ്ങളിലേക്ക് കടന്നു... പാവം അതിൻ്റെ കാര്യം ഓർത്തിട്ട് എനിക്ക് ചെറിയ വിഷമം തോന്നാതില്ല...

എല്ലാ കാമുകന്മാരെ പോലെ ഇപ്പോ എനിക്കും അവളെ കോളജിൽ കൊണ്ടാക്കണം തിരിച്ച് കൊണ്ടോരണം എന്നൊക്കെ ഉണ്ട്.. അവളും അത് നല്ലപോലെ ആഗ്രഹിക്കുന്നുണ്ടാവും... പക്ഷേ ഞാൻ ഇങ്ങനെ ചില നേരങ്ങളിൽ മാത്രേ പഠിക്കാൻ ഇരിക്കുവോളൂ.. ഒന്നെങ്കിൽ രാവിലെ ഇരുന്നാൽ ഒരു ഉച്ചവരെ പിടിക്കും. അല്ലെങ്കിൽ ഇപ്പോ ഇവിടെന്നു എണീറ്റാൽ പിന്നെ രാത്രിയിൽ നോക്കിയാൽ