Chapter Title : മൈ ഡിയർ യക്ഷി 4 [Ganesh Gaitonde]

എൻ്റെ അമ്മു... ഞാൻ മനസ്സിൽ പറഞ്ഞു...

രാവിലെ എൻ്റെയടുത്ത് വന്നപ്പോൾ ഇട്ട വെള്ള കുർത്തിയും ഒപ്പം സ്കൈബ്ലൂ ജീൻസുമാണ് വേഷം....തോളിൽ ബാഗും ഉണ്ട്. മുടി അഴിച്ചിട്ടുകൊണ്ടാണ് വരവ്. അൽപ്പം മുന്നിലേക്കും കിടക്കുന്നുണ്ട്... ഇടത് കയ്യിൽ സിൽവർ വാച്ച് വലതുകയിൽ ഒരു നേർത്ത ഗോൾഡ് ചെയിനും കാതിൽ തൂങ്ങി കിടക്കുന്ന ചെറിയ കമ്മലും കഴുത്തിൽ നേർത്ത ഗോൾഡൻ ചെയ്നും നെറ്റിയിൽ ഒരു കുഞ്ഞു പൊട്ടും ഇട്ടുകൊണ്ട് 500 ൻ്റെ ബൾബ് കത്തുന്ന ചിരിയോടെ തുള്ളി ചാടി വരികയാണ് പെണ്ണ്... ഉഫ്... ഇപ്പോ തന്നെ ഒരു ഐ ലൗ യു പറഞ്ഞങ്ങ് തട്ടിക്കൊണ്ട് പോയാലോ എന്ന് ഞാൻ ഓർത്തു....

കാറ് കിടക്കുന്നത് കണ്ടെന്ന് തോന്നുന്നു... അതിൻ്റെയാണ് ആ ചിരി...

അവളേക്കൊണ്ട് പറയിക്കാൻ നോക്കീട്ട് അവസാനം ഞാൻ തന്നെ അവളെ പ്രോപോസ് ചെയ്യുമെന്നാ തോന്നുന്നേ...മുൻപും അവളെ കാണാൻ നല്ല ചെലാണ്... പക്ഷേ അന്നൊന്നും എനിക്ക് ഈയൊരു ഫീലിംഗ്സ് ഇല്ലായിരുന്നല്ലോ....

പക്ഷേ ഇപ്പോ അവളെ കാണുമ്പോൾ കണ്ണെടുക്കാൻ തോന്നുന്നില്ല... മനുഷ്യനെ മെനക്കെടുത്താൻ ഓരോ ദിവസം കഴിയുംതോറും പിശാശിനു ലുക്ക് കൂടിവരുന്നപോലെയാ... എന്നാ അതിൻ്റെ അഹങ്കാരം കാണിക്കാൻ മാത്രം ദൈവം അതിനു ബുദ്ധി കൊടുത്തില്ല...

എൻ്റെ പെണ്ണെ... നിൻ്റെയീ പാവം ചേട്ടനെ വേഗം പ്രൊപ്പോസ് ചെയ്തു സ്വന്തമാക്കൂ... അല്ലെങ്കിൽ ചേട്ടൻ തന്നെ വൈകാതെ നിന്നെ വല്ലതും ചെയ്തുകളയും... ഒരു കണക്കിനാണ് ഞാൻ പിടിച്ച് നിൽക്കുന്നത്. അതിൻ്റെ ഇടയിൽകൂടി അവളുടെ ഓരോ ടീസിങ്ങും... എൻ്റെ ഭഗവതി... കാത്തൊള്ളണേ... ഞാൻ മനസ്സിൽ പറഞ്ഞുകൊണ്ട് അവള് നടന്ന് വരുന്നതും നോക്കി ഇരുന്നു...

അമ്മു കാറിൻ്റെ അടുത്ത് എത്തി... ഞാനവളെ