Chapter Title : മൈസൂരിലെ മഞ്ഞുള്ള രാത്രി 1 [സ്പൾബർ]

ചോദിച്ചു..

“എനിക്കറിയില്ല സാറേ…”..

മുസ്തഫയും പേടിച്ചിരുന്നു..

പെട്ടെന്ന് അവരെ നടുക്കിക്കൊണ്ട് ഒരു വെടിയൊച്ച മുഴങ്ങി..കന്നഡയിൽ എന്തോ പറഞ്ഞ് കൊണ്ട് മൂന്ന് പേർ അവരുടെ അടുത്തേക്ക് വന്നു.. അംബിക പേടിച്ച് വിറച്ച് പോയിരുന്നു..

“ എന്താ… ?..ആരാ നിങ്ങളൊക്കെ…?”..

അൽപം ധൈര്യം വീണ്ടെടുത്ത സുരേഷ് ചോദിച്ചു.. മൂന്ന് പേരാണുള്ളത്.. ഒരാളുടെ കയ്യിൽ ഒരു തോക്കുണ്ട്.. മൂന്നാളും മുഖം മൂടിയും ധരിച്ചിട്ടുണ്ട്..അതിൽ തോക്ക് പിടിച്ചയാളാണ് സംഘത്തലവനെന്ന് തോന്നിച്ചു.. അയാൾ വീണ്ടും കന്നഡയിലെന്തോ അലറി..

“ഞങ്ങൾക്ക് കന്നഡ അറിയില്ല… “..

അത് കേട്ട് സുരേഷ് പറഞ്ഞു..

“എങ്കിൽ മലയാളത്തിൽ പറയാം… ഇത് അബ്ബാസിന്റെ വീടല്ലേ… ?.. അവനെവിടെ… ?”..

അതിലൊരുത്തൻ പച്ച മലയാളത്തിൽ ചോദിച്ചു.. അത് കേട്ടതും സുരേഷിന് ആശ്വാസമായി..ഇവർ അബ്ബാസിനെ അന്വോഷിച്ച് വന്നവരാണ്..അവർ തമ്മിലെന്തേലും പ്രശ്നം കാണും..എന്നാലും തോക്കൊക്കെയായി വീട്ടിൽ കയറിവരണമെങ്കിൽ പ്രശ്നം ഗുരുതരമായിരിക്കും..

“ സുഹൃത്തേ… ഇത് അബ്ബാസിന്റെ വീട് തന്നെയാണ്… പക്ഷേ അവനിവിടെ ഇല്ല… അവൻ ഭാര്യയുടെ പ്രസവത്തിനായി നാട്ടിൽ പോയിരിക്കുകയാ… ഞങ്ങൾ നാട്ടിൽ നിന്ന് രണ്ട് ദിവസത്തിന് മൈസൂർ കാണാനായി വന്നതാ… രണ്ട് ദിവസം ഈ വീട്ടിൽ താമസിക്കുന്നൂന്നേ ഉള്ളൂ…”..

സമാധാനത്തോടെയാണ് സുരേഷ് സംസാരിച്ചത്..

അത് ആ മലയാളി അവന്റെ നേതാവിന് കന്നഡയിൽ പരിഭാഷപ്പെടുത്തി..പക്ഷേ അയാൾക്കത് വിശ്വാസമായില്ല..അയാൾ കന്നഡയിൽ വീണ്ടും അലറി..

“അബ്ബാസ് ഇവിടെ ഉണ്ടെന്നാണ് ഞങ്ങൾക്ക് കിട്ടിയ വിവരം… നിങ്ങളവനെ വിളിച്ച് പുറത്തിറക്ക്… അല്ലേൽ പ്രശ്നം വഷളാകും…”..

മലയാളി പറഞ്ഞു..അതോടെ അംബിക പ്രശ്നത്തിൽ ഇടപെട്ടു.. ഏവരും ബഹുമാനിക്കുന്ന വില്ലേജോഫീസറായ താനിവിടെ ഉണ്ടാവുമ്പോൾ ഒരു പ്രശ്നമുണ്ടാവാൻ പാടില്ല..

“നിങ്ങൾക്ക് പറഞ്ഞാൽ മനസിലാവില്ലേ… ?.. നിങ്ങളന്വേഷിച്ച് വന്ന ആൾ ഇവിടില്ല… അയാൾ വരുമ്പോ നിങ്ങളെന്താന്ന് വെച്ചാ ചെയ്തോ… ഇപ്പോ ഞങ്ങളെ ഉപദ്രവിക്കാതെ പോണം മിസ്റ്റർ… ഇല്ലെങ്കിൽ പോലീസിനെ വിളിക്കും… “..

ആ മലയാളിയെ നോക്കി അൽപം രൂക്ഷമായാണ് അംബിക പറഞ്ഞത്.. അവളെന്താണ് പറഞ്ഞതെന്ന് ആ കന്നഡക്കാരൻ മലയാളിയോട് ചോദിച്ചു..അവനത് പരിഭാഷപ്പെടുത്തിക്കൊടുത്തു..

അത് കേട്ട കന്നഡക്കാരൻ അംബികയുടെ നേർക്ക് തിരിഞ്ഞ് എന്തോ അട്ടഹസിച്ചു.. പിന്നെ വഷളൻ ചിരിയോടെ അവളെ അടിമുടി നോക്കി.. കൂടെയുള്ളവരോട് കന്നഡയിലെന്തോ പറഞ്ഞു.. അവർ മൂന്നാളും പൊട്ടിച്ചിരിച്ചു…