Chapter Title : മൈസൂരിലെ മഞ്ഞുള്ള രാത്രി 1 [സ്പൾബർ]

ഈ അബ്ബാസിനും, മുസ്തഫാന്റെ പ്രായമാണ്.. ചെറുപ്പത്തിലേ ബാപ്പാന്റെ കൂടെ മൈസൂരിലെത്തി ഹോട്ടൽ ബിസിനസ് തുടങ്ങിയതാണവൻ.. ഇപ്പോൾ അവിടുത്തെ ഒരു നാട്ടുകാരൻ തന്നെയാണ് അബ്ബാസ്.. തനി കേരളാ ഫുഡ് കിട്ടുന്ന അവന്റെ ഹോട്ടലിൽ നല്ല കച്ചവടമാണ്.. മൈസൂരിൽ ആദ്യമായി ബ്രോസ്റ്റും, കുഴിമന്തിയും, അൽഫാമുമൊക്കെ തുടങ്ങിയത് അവന്റെ ബാപ്പയാണ്..ആ ഹോട്ടൽ ബിസിനസ് കൊണ്ട് അവർ നന്നായി സമ്പാദിച്ചിട്ടുമുണ്ട്..മൈസൂരിൽ തന്നെ നാലഞ്ചേക്കർ സ്ഥലം വാങ്ങി അതിലൊരു വീടും വെച്ചിട്ടുണ്ട്.. തൊടിയിൽ പലവിധ കൃഷികളും ചെയ്യുന്നുണ്ട്..

മൈസൂരിലെ കച്ചവടക്കാർക്കിടയിൽ ഒരു പ്രമാണി തന്നെയാണ് ഇന്ന് അബ്ബാസ്.. മറ്റൊരു സംസ്ഥാനത്ത് പോയി പിടിച്ച് നിൽക്കാൻ വേണ്ടി അൽപം ഗുണ്ടായിസവും അവനുണ്ട്.. ബിസിനസ് മേഖലയിൽ കുറച്ച് ശത്രുക്കളും അബ്ബാസിനുണ്ട്..

✍️… ,”എനിക്കീ മാഡം വരുന്നത് തീരെ പിടിച്ചിട്ടില്ല സുകൂ… ആ സുരേഷ് സാറിന്റെ പണിയാണത്… അയാൾക്കിതെന്തിന്റെ കേടായിരുന്നു…?”..

“ശരിയാ വേണൂ… പെമ്പ്രന്നോത്തിയുടെ ചീത്ത കേൾക്കാതെ നാലെണ്ണം കീറാലോന്നോർത്താ ഞാനീ ടൂറിന് വരാന്ന് തന്നെ സമ്മതിച്ചത്… ഈ മാഡം കൂടെയുണ്ടായാ നടന്നത് തന്നെ…”..

ബസിറങ്ങി ഓഫീസിലേക്ക് നടക്കുകയാണ് സുകുമാരനും വേണുവും.. രണ്ടാൾക്കും അമ്പതിന് മേൽ പ്രായമുണ്ട്..ബസിറങ്ങി ഒന്നര കിലോമീറ്റർ നടക്കണം വില്ലേജോഫീസിലേക്ക്.. ഇവർക്കും പിന്നെ അംബികക്കും മാത്രമേ ഓഫീസിൽ സ്വന്തമായി വണ്ടിയില്ലാത്തതുള്ളൂ..

“ഏത് മാഡമുണ്ടായിട്ടും കാര്യമില്ല… ഞാനടിക്കും… നമ്മളെന്തിനാന്നേ അവരെ പേടിക്കുന്നത്… ?”..

വേണു കൂസലില്ലാതെ പറഞ്ഞു..

“ എന്നാലും മാഡം ഒപ്പമുണ്ടാകുമ്പോ എങ്ങിനെയാ വേണൂ… ?”..

“നീയിങ്ങനെ അവരെയും പേടിച്ചിരുന്നോ… എടാ തമ്പുരാട്ടിമാരും അടിയാൻമാരുമൊക്കെ മാറി… ഇപ്പോ എല്ലാരും തുല്യരാ… പിന്നെ മേലുദ്യോഗസ്ഥയാണെന്ന ഒരു ബഹുമാനം കൊടുക്കണം… അതും ഓഫീസിനകത്ത്…”..

രണ്ടാളും പലതും പറഞ്ഞ് ഓഫീസിലെത്തി..ആരുണ്ടായാലും