Chapter Title : മംഗല്യധാരണം 2 [Nishinoya]

സംശയത്തോടെ അവളെ നോക്കി

"...ആദിക്ക് അറിയോ ഞാൻ അങ്ങനെ ബീച്ചിൽ ഒന്നും പോയിട്ടില്ല. എന്നിട്ടും ഞാൻ ഒരു ആഗ്രഹം പറഞ്ഞപ്പോ വേറൊന്നും ചിന്തിക്കാതെ വന്നില്ലേ..."

ആ വാക്കുകളിൽ നിന്നും എനിക്ക് മനസിലായി അവൾ എന്തുമാത്രം happy ആണെന്ന്.

"...ഇതിലൊക്കെ എന്തിരിക്കുന്നു..." എന്നുപറഞ്ഞ് ഞാൻ ചിരിച്ചു തള്ളി

രാത്രി കട്ടിലിൽ കിടക്കുമ്പോൾ ഇൻസ്റ്റയിൽ ഒരു നോട്ടിഫിക്കേഷൻ വന്നു. ചാരുവും നമ്മൾ മൂന്നും ഉള്ള ഒരു story. ചാരു ഇട്ടതാ ക്യാപ്ഷൻ കണ്ടപ്പോ അറിയാതെ ചുണ്ടിൽ ഒരു പുഞ്ചിരി വിരിഞ്ഞു.

"... such a memorable day with favorite person ..."

അപ്പോഴേ ഒരു ലൈക്കും കൊടുത്ത് നേരെ ഞാൻ story ആക്കി. അത് കാണേണ്ട താമസം അപ്പൊ വന്നു call

"... ആരാടാ മൈരേ കൂടെയുള്ള പെണ്ണ്..." കാർത്തിയായിരുന്നു

"... നിനക്ക് രാത്രി ഉറക്കം ഒന്നും ഇല്ലാതെ എന്റെ അക്കൗണ്ടിൽ പെറ്റുകിടക്കണോടാ..."

"... ചോദിച്ചതിന് മറുപടി കിട്ടിയില്ല..."

"...നാളെ പറയാം അളിയാ ഇപ്പൊ ഞാൻ വേറൊരു മൂഡിൽ ആണ്..." അതും പറഞ്ഞത് ഫോൺ കട്ടാക്കി.

എന്റെ മനസിലൂടെ ചരുവിന്റെ മുഖം പാഞ്ഞു പോയി. എനിക്ക് അവളോട്‌ പ്രേമം ആണോ. അതോ മറ്റെന്തെങ്കിലും ആണോ. ഇതുവരെ അനുഭവിക്കാത്ത അനുഭൂതി. അവളുടെ കുറുമ്പും എന്നോടുള്ള പെരുമാറ്റവും എല്ലാം ആലോചിച്ചു നിദ്രയിലേക്ക് വഴുതി വീണു.

പിറ്റേന്ന് വൈകിട്ട് ബോക്സിങ് ബാഗിൽ പഞ്ച് ചെയ്തോണ്ട് ഇരിക്കയിരുന്നു.

"... എന്താടാ നിനക്ക് കുറച്ചു ദിവസമായിട്ടു ഒരു ഇളക്കം..." കാർത്തിയുടെ അർത്ഥം വച്ചൊരു ചോദ്യം

"... ഏയ്യ് അങ്ങനെ ഒന്നും ഇല്ല..."ഞാൻ ഒഴിഞ്ഞു മാറാൻ നോക്കി.

"... ഏതാടാ ഇന്നലെ story ഇട്ട ആ പെണ്ണ്..."മുഖവര ഇല്ലാതെ അവൻ ചോദിച്ചു.

"... അത് എന്റെ ഒരു ബന്ധുവാണ്..."

"... ബന്ധു എന്ന് പറയുമ്പോൾ..?"

"... എന്റെ മാമന്റെ മോൾ ആയിട്ടു വരും..." അത് പറഞ്ഞപ്പോ അറിയാതെ നാണം വന്നു

"... ഓ പറഞ്ഞു വരുമ്പോൾ മുറപ്പെണ്ണ്. അല്ലിയോടാ..."അതെന്നു ഞാൻ തലയാട്ടി.

"... ചുമ്മാതല്ല നിന്റെ പഞ്ച് ഒന്നും പഴയപോലെ ഗും ഇല്ലാതെ. അളിയൻ റൊമാന്റിക് മൂഡ് അല്ലെ..."