Chapter Title : മംഗല്യധാരണം 4 [Nishinoya]

മതിയായില്ല. ആവനാഴിയിലെ അവസാന അമ്പും എയ്യാൻ തോന്നി.

"... ഗുഡ് നൈറ്റ്‌ love you..." അത്രയും പറഞ്ഞു ഫോൺ കട്ടാക്കി.ചരുവിനു നേരെ തിരിഞ്ഞു.

"...എന്താ ചാരു പറയാൻ ഉണ്ടെന്നു പറഞ്ഞെ..." നിഷ്കളങ്ക ഭാവത്തിൽ ഞാൻ ചോദിച്ചു.

"...ഏ ആരാ വിളിച്ചേ..?" എന്റെ ചോദ്യം കേട്ടപ്പോ ചാരുവിൽ ഒരു ഞെട്ടൽ ഉണ്ടായി. പിന്നെ ആദ്യം വന്ന ചോദ്യം ഇതാണ്

"... ഓ ഇതോ നമ്മുടെ ഗായു ആണ് വിളിച്ചേ. നിന്നെ വിളിച്ചില്ലേ അവൾ..?"

"...ഇല്ല..."

"... ആണോ. എന്നെ ഗായു എന്നും വിളിക്കും 🥰.എന്നാ ഞാൻ കിടക്കാൻ പോവാ..." അതും പറഞ്ഞു തിരിച്ചു എന്റെ ബെഡിൽ കേറി കിടന്നു. ചാരു ഇപ്പോഴും അതെ ഇരുപ്പു ഇരിക്കാണ്.

ഞാൻ എന്തൊക്കെയാ ഇപ്പൊ കാണിച്ചു കൂട്ടിയെ. ചരുവും അരുണും ഇഷ്ടത്തിൽ ആണെങ്കിൽ തന്നെ എനിക്ക് എന്താ കുഴപ്പം. ഗായുവിനോട് ഇപ്പൊ പറഞ്ഞത് മുഴുവൻ തെറ്റായി പോയോ. അവൾ എന്തായാലും എന്നെ നല്ലൊരു ഫ്രണ്ട് ആയിട്ട കാണുന്നെ എനിക്കും അങ്ങനെ തന്ന. ചരുവിന്റെ മുന്നിൽ തോൽക്കാതെ ഇരിക്കാൻ ആ ഫ്രണ്ട്ഷിപ് ഞാൻ ഇപ്പൊ മുതൽ എടുക്കയല്ലേ ചെയ്തേ. ഞാൻ അത്രക്ക് ചീപ് ആയോ. താഴെ ചരുവിന്റെ ബെഡിൽ നോക്കിയപ്പോ അവൾ നേരുത്തേ ഇരുന്ന അതെ ഇരുപ്പ് ഇരുന്നു എന്തോ ചിന്തിച്ചു കൂട്ടുന്നുണ്ട്. എന്താണ് എന്റെ പ്രശ്നം എന്നും എനിക്ക് എന്താ സംഭവിച്ചത് എന്നും മനസ്സിലാവുന്നില്ല.

പിറ്റേന്ന് ട്രെയ്നിൽ നിന്നും ഇറങ്ങി ഒരു മുറി എടുത്ത് ഫ്രഷ് ആയി എക്സാം സെന്ററിൽ പോയി. രാവിലെ മുതൽ ചാരു എന്നോട് ഒന്നും മിണ്ടുന്നില്ല ചോദിക്കുന്നതിനു മറുപടി മാത്രം അതുകൊണ്ട് ഞാനും അധികം മിണ്ടാൻ പോയില്ല. അവളെ എക്സാം എഴുതാൻ പറഞ്ഞയച്ചതിനു ശേഷം ഞാൻ പുറത്ത് വെയിറ്റ് ചെയ്തു. അവൾ അകത്തു പോയതിന് ശേഷം അവളുടെ ഫോണിൽ 2,3 തവണ അരുണിന്റെ കാൾ വന്നു. എനിക്ക് വല്ലാതെ ദേഷ്യം വരുന്നുണ്ടായിരുന്നു. പക്ഷെ പറഞ്ഞിട്ട് കാര്യം ഇല്ല. എക്സാം കഴിഞ്ഞു തിരിച്ചു മുറിയിൽ എത്തി എത്തി ഞാൻ കുറച്ചുസമയം ബെഡിൽ തന്നെ കിടന്നു ചാരു പോയി റെഡി ആയി വന്നു