Chapter Title : മംഗല്യധാരണം 4 [Nishinoya]

മുറിയിലേക്ക് വന്നു.

"... എന്താ ഇവിടെ ഒരു ബഹളം..."ചാരു തിരക്കി.

"...ഒന്നും ഇല്ല ചേച്ചി ഏട്ടന്റെയും ഗായുവിന്റെയും ഓരോ തമാശ..."അത് പറഞ്ഞു അമ്മു വീണ്ടും ചിരിക്കാൻ തുടങ്ങി.എന്നെയും ഗായുവിനെയും മാറിമാറി നോക്കിയ ശേഷം ചാരു തിരിച്ചു പോകാൻ ഒരുങ്ങി.

"... ചേച്ചി പോവണോ..." അമ്മു ചോദിച്ചു.

"... എനിക്ക് അപ്പുറത്ത് ഇച്ചിരി പണി ഉണ്ട്..."

"...അതൊക്കെ പിന്നെ ചെയ്യാം ചേച്ചി ഇങ്ങോട്ട് വന്നേ..." ഗായു പോയി ചരുവിന്റെ കൈയിൽ പിടിച്ചു ബലമായി നമുക്ക് അരികിലേക്ക് കൊണ്ട് വന്നു കട്ടിലിൽ ഇരുത്തി . ഗായു വീണ്ടും പഴയതുപോലെ എന്റെ തല അവളുടെ മടിയിൽ വച്ചു തലമുടിയിൽ തലോടാൻ തുടങ്ങി.

"...ചേച്ചിടെ വയറു വേദന എങ്ങനെ ഉണ്ട്..." അമ്മു അന്വേഷിച്ചു

"... കുറവുണ്ട്..." അത് പറഞ്ഞു ചാരു ഒന്ന് പുഞ്ചിരിക്കാൻ ശ്രെമിച്ചു

"... ഗായു തല ഒന്ന് മസ്സാജ് ചെയ്ത് താടി..." അവളുടെ കൈപിടിച്ചു ഞാൻ ഒന്ന് കെഞ്ചി.

"... അയ്യടാ പോയി നിങ്ങടെ പെണ്ണുമ്പിള്ളയോടു പറ..." ഗായു പുച്ഛിച്ചു

"... അതല്ലേ നിന്നോട് പറഞ്ഞെ.പ്ലീസ് എന്റെ പൊന്നല്ലേ..." ഗായുവിന്റെ കൈ പിടിച്ചു ഉമ്മ കൊടുത്തുകൊണ്ട് കൊഞ്ചി. ഇതൊക്കെ കണ്ട ചരുവിന്റെ മുഖം കടന്നൽ കുത്തിയത് പോലെയായി.

"... എനിക്ക് ഒന്നും വയ്യ. ചാരുചേച്ചി നന്നായി മസ്സാജ് ചെയ്യും. ചേച്ചി ഒന്ന് ചെയ്ത് കൊടുത്തേ..." ഗായു ചാരുവിന്റെ പെടലിക്ക് ഇട്ടു.

"... നിങ്ങൾ ആരും ചെയ്യണ്ട. എനിക്ക് എന്റെ അമ്മുക്കുട്ടി മസ്സാജ് ചെയ്തത് തരും അല്ലെ മോളെ..." അമ്മുവിനെ നന്നായി ഒന്ന് പതപ്പിച്ചു.

"... അതൊക്കെ ചെയ്യാം. പക്ഷെ പോവുമ്പോൾ ഡയറിമിൽക്ക് വാങ്ങി തരണം..." അമ്മുവിന്റെ ഡിമാന്റ് എത്തി.

വാങ്ങി കൊടുക്കാം എന്നുള്ള ഉറപ്പിന്മേൽ അമ്മു തലയിൽ മസ്സാജ് തുടങ്ങി. ഞാൻ അതും ആസ്വദിച്ചു അങ്ങനെ കിടന്നു.ഞാനും ഗായുവും അടിപിടി കൂടി അങ്ങോട്ടു ഇങ്ങോട്ടു കളിയാക്കിയും കിടന്നു. ചാരു നമ്മുടെ ചർച്ചകളിൽ പങ്കെടുക്കുന്നെങ്കിലും മുഖം അത്ര തെളിച്ചമില്ല.

പിറ്റേന്ന് രാവിലെ പെട്ടി ഒക്കെ പാക്ക് ചെയ്ത് ഇറങ്ങാൻ തീരുമാനിച്ചു. അമ്മുമ്മയുടെ മുറിയിലേക്ക് പോയി.

"... എന്റെ മക്കളെ കണ്ട് കൊതി തീർന്നില്ല..."